Mangangerak iti Oregano

NANGKARTIBAK man iti bulong ti mula nga oregano. Angrek napia la nga adda in-inuten nga inumen iti uneg ti makalawas. Sabalinto manen a saangan no maibus.

Apay? Maysa daytoy a sikretok. Ti nasalsalun-at a panagbiag. Naimbag ken nasayaat unay nga agas ti uyek. Maysa pay, sipud naginumak iti naanger a bulong daytoy, mariknak a limmag-an dagiti sakak. Pagisbuennak unay iti napalalo. Palukayenna pay panangiblengko. Nabang-aran ti riknak ken nabayag metten a diak nagtomar iti agas a para gout.

Ngem agpayso ngata a makaagas ti oregano? Hmm... adda kenkan dayta no patiem wenno no saan. Ti pammatim ti agdesision.

Ngem para kaniak, no ania man ti nagbaliwan ti salun-atko, ti mariknak ti agdama no maikumpara iti dati—isut’ sungbatko.

.

.

.

.

.

Mangangerak iti Oregano

Rudy Ram. Rumbaoa

salunatkenmedisina.blogspot.com

#oregano #anger #inumen #nasalsalunat #agas #bulong #makatulong #hardintiwailuku #taraon #salunat #seks #siensia #medisina

#rudyramrumbaoa

 

Oregano, maysa a mula ken mausar ti bulongna a pagaramid iti medisina

[Mula ti Oregano]

Apay a dida ammo? nasaludsodko. Kayatko a sawen a mabalin a pagagas ti Oregano. Gayam dida ammo ta ti la ammoda nga agas ket ti magatang iti parmasia. Aysus! Apay a dida ammo aya a dagitoy nga erbal ti paggapuan ti agas a tomarenda? 

Wen ata, kastoy nay. Gapu ta nalamiis ti panawen, panawen met ti uyek ken panateng. Ket daytoy ti kangrunaan nga usarek a pagagas no kastoy ti paniempo sakbay nga agtomarak ti agas a magatang iti parmasia. Nabisa daytoy a bulong-- ken adun ti napaneknekan a naagasanna. Kasano, kunam?

Basaem daytoy, ne---

OREGANO 

Sabali nga awag/naganna: Carvacrol, Dostenkraut, European Oregano, Huile d’Origan, Marjolaine Bâtarde, Marjolaine Sauvage, Marjolaine Vivace, Mediterranean Oregano, Mountain Mint, Oil of Oregano, Oregano Oil, Organy, Origan, Origan Européen, Origani Vulgaris Herba, Origano, Origanum, Origanum vulgare, Phytoprogestin, Thé Sauvage, Thym des Bergers, Wild Marjoram, Winter Marjoram, Wintersweet.

Maysa dayto a mula. Mausar ti bulongna a pagaramid iti medisina.

Mausar/Maaramat para iti nalaad a kondision ti respiratory tract a kas koma ti panaguyek, croup ken bronkitis. Mausar pay a pagagas iti gastrointestinal [GI] disorders a kas ti heartburn ken bloating. 

Dadduma pay a pakausaranna: menstrual cramps, rheumatoid arthritis, urinary tract disorders a kas iti urinary tract infections [UTIs], sakit ti ulo ken kondision ti puso.

Inumen ti lana wenno naanger iti danum a bulong ti oregano a pagagas iti parasito [parasites], alergi, ut-ot iti agong, arthritis, panaglammin ken panateng, swine flu, sakit ti lapayag ken bannog/kapuy. 

Mayaplikar a pangkondision iti kudil a kas koma ti taramidong [acne], athlete’s foot, nalanit a kudil [oily skin], balakubak/lasi, canker sores, burtong iti kudil [warts], ringworm, rosacea ken psoriasis; ken kasta met para kadagiti kinagat ti insekto ken lawalawa, sakit ti gugot, sakit ti ngipen, sakit dagiti laslasag ken varicose veins.

Mausar pay ti lana ti oregano a kas pangontra iti insekto ken lamok [insect/mosquito repellant].

Iti biang ti taraon ken mainum/inumen, mausar ti oregano a kas culinary spice ken food preservative.

Kasanot’ panagtrabaho ti Oregano?

Adda ramen ti orgenao a kemika a mabalin a makatulong a mangpaksiat ti uyek ken panagirteng ti bagi. Makatulong pay ti panangngalngal iti makan babaen ti yaadu iti pagayus ti apro ken manglaban kontra iti sumagmamano a bakteria, bayrus, fungi, igges iti bagis ken parasito.

Usar ken Epektibo para iti:

*Posible nge epektibo para iti nangato a bilang ti cholesterol

[Napaneknekan iti panagsukisok nga iti panangipauneg ti oregano tunggal pannangan iti tallo a bulan ti mangibaba ti pintek [density] ti lipoprotein [LDL wenno “bad”] kolesterol ken ngumato ti pintek ti lipoprotein [HDL wenno “good”] kolesterol kadagiti tattao a nangato ti kolesterolna. Nupay kasta, saan a maapektaran ti total cholesterol ken triglyceride levels.

*Para iti parasito. Patayen ti lana wenno nagangeran ti oregano babaen ti pananginum daytoy iti uneg ti innem a lawas dagiti parasito Blastocystis hominins, Entamoeba hartmanni ken Endolimax nana.

Saan nga umanay/Madi umdas nga ebidensia para iti:

*Kondision kadagiti agdara a kas ti Hemophilia. Suhesion ti nagkauna a panagsubok, saan a malapdan ti oregano ti panagdara kalpasan ti dental procedures kadagiti tattao nga addaan ti hemophilia.

*Iti biang ti panaglunit ti sugat, kuna ti panagsukisok, adda pagdur-asan ti maris, kinatangken ken kinabengbeng ti kudil no mayaplikar ti tubbog ti oregano iti kudil mamindua iti inaldaw agingga iti 14 nga aldaw ngem awan pagbaliwan ti budobudo, ut-ot ken piglat kadagiti tattao nga adda paset ti kudilna a naopera.

*Pagbugaw iti insekto.

*Asma

*Bronkitis

*Uyek

*Panateng

*Saan a pannakatunaw ken ebbal

*Naut-ot a panagbinulan [kadagiti babbai]

*Arthritis

*Sakit ti ulo

*Kondision ti puso

*Dadduma pay a kondision

Epekto:

Makuna a natalged ti bulong ti oregano no maipauneg daytoy a kadua ti taraon/makan ken mayaplikar iti kudil iti kaustoan a kaadu. Mabalin met a mangpataud ti oregano iti alergi kadagiti tattao nga adda allergy-na iti mula a kas ti Lamiaceae family.

Ballaag [Panagsakbay] ken Patigmaan

*Posible a saan a natalged nga ipauneg dagiti masikog ken agpaspasuso bayat ti panagsikog. Kuna dagiti makapaneknek a saan a nasayaat ti orgeano no ad-adu ti  bilangna ngem ti taraon nga ipauneg ta mangpatud iti pannakaalis wenno pannakaregreg ti sikog.

*Kondision iti panagdara- ngumato laeng ti risgo kadagiti tattao nga addaan daytoy a sasaaden.

*Mabalin nga ibaba ti oregano ti lebel ti blood sugar. Kadagiti adda diabetes-na, nasken nga agsakbay iti panagusar ti oregano.

*Mangpataud iti reaksion ti kudil kadagiti tattao nga adda alergy-na iti Lamiaceae family plants karaman ti basil, hyssop, lavender, marjoram, mint ken sage.

*Nasken met nga isardeng ti panagusar ti oregano dua lawas sakbay ti operasion ta ad-adda laeng a mangdegdeg ti risgo ti panagdara.

Interaksion

*Agsakbay iti daytoy a kombinasion

*Agbinnuray ti Lithium iti oregano ket mangpataud ti epekto a kas iti water pill wenno “diuretic.” Nasaysayaat a kasarita ti doktor sakbay nga agusar ti oregano no agdama nga agus-usar iti lithium.

Kaadu ti ipauneg:

*Para kadagiti parasito iti bagis- 2oo mg ti lana wenno nagageran ti oregano mamitlo iti inaldaw para ti innem a lawas.

.

.

.

.

.

OREGANO, Maysa a Mula ken Mausar ti Bulongna a Pagaramid ti Medisina

Rudy Ram. Rumbaoa

salunatkenmedisina.blogspot.com

#oregano #mula #bulong #medisina #mausar #anger #hardintiwailuku #pagagas #napateg #impormatibo #artikulo #taraon #salunat #seks #siensia #medisina #rudyramrumbaoa

 

Ti Neurotransmitters a kas Aprodisiak [Maikadua iti Tallo a Paset]

[Tuloyna]

Ti Serotonin

-kabaligtad ti Dopamine. No tumpuar ti tension, panagdandanag wenno anxiety--- dika makaturog iti rabii, no napaksuyanka iti napalalo wenno depressed a mangpanunot ti makinaig, umay ti serotonin a tumulong kenka. Labanen ti serotonin ti dipresion ken anxiety ken pagbalinennaka a natalged ken mapnek. Ital-ona ti riknam nga aginana iti rabii. No kasapulam ti ad-adu nga enerhia iti pannakinaig, saan a sungbat ti panagipauneg iti ad-adu a serotonin. Ketdi, liklikam ti serotonin boosters kas iti nangato a carbohydrate foods--- nangruna no sakbay ti seks.

Nabannayat ti trabaho ti serotonin no idasig iti dopamine. Direkta ti epekto ti dopamine, insigida, ken rugso ti marikna a resulta. Ngem saan a kanayon nga aktibo ti dopamine--- agtrabaho laeng no kasapulan. Iti kabaligtadna, agadu ti dopamine ngem ti output ti serotonin ket steady, mabayag ken addaan ti rima.

Self-regulating ti serotonin. Saanna laeng a timbengen ti dopamine levels ngem iti bukodna pay a level, pabayagenna wenno paalistuenna ti rima ti puslo iti maitutop a kasapulan. Nupay masansan a di kanungongan ti serotonin ti epekto ti dopamine, kasapulan met para iti aktibo a sex life. Kas iti dopamine, mangted ti nasayaat a rikna ti serotonin kadatayo--- isuna laeng nga iti sabali a wagas. Ti epekto ti serotonin ket marikna babaen ti uppat nga "s" a balikas. Ti serotonin ket mangpabang-ar [soothing] ken sleep-inducing, natalged [safe] ken secure.

Saludsod ken sungbat maipanggep iti Serotonin

Saludsod: Kasano a parugsuen ken pasiglaten ti serotonin ti seks?

Normal nga i-tone down ti serotonin ti agresibo a sex drive ken aniaman a sobra gapu iti dopamine. Nupay kasta, complex neurotransmitter ti serotonin. Nagkaadu dagiti agawat, dagiti dadduma upayenda ti seks, iti sabali--- babaen ti chemical circumtances, wenno direkta a gargarienna ti sexual activity.

Adda met kangrunaan a trabaho daytoy ngem iti sabali a wagas kas ti: adda akemna a mangtengngel ti negatibo nga emosion ken ikkatenna ti tension ken anxiety a mangsallukob ti sexual arousal, ital-ona ti sexual responsiveness, partuatenna ti optimistiko ken sabsabali a positibo nga emosional tapno marikna ti seks, palakaenna ti pudot nga agangsaw ken intimacy, labananna ti dipresion, tumulong a manglapped iti premature ejaculation babaen iti panangibayagna ti pannakadanon ti alimpatok ti ragsak ken ital-ona ti panagpili iti kapareha ken sebsebanna ti impulsive sexual arousal.

Saludsod: Ania ti mapasamak no addaanka iti bassit a Serotonin?

-patauden ti nababa a serotonin ti kondision a mangapektar ti sex babaen iti panangkalbitna ti negatibo nga emosion. Adda maysa a positibo nga epektona. Abnormal, ti nababa a serotonin ket paaduenna ti sexual responsiveness. Agpada a lallaki ken babbai nga addaan iti nababa a serotonin ken napardas a makarikna iti alimpatok ti ragsak.

Ti pannakaibus ti serotonin level ket mabalinna a kalbiten ti ugali nga anti-social karamenen ti kinabayolente ken agresibo, abusado iti seks. Maysa a trabaho ti serotonin ket tumulong kadatayo a mangtengngel ti panagpungtot ken agresion iti sabali.

Simtomas ti panagkurang iti Serotonin

-ti panagkurang ti serotonin ti mangtengngel kadatayo a magun-od ti amin ken mangpataud iti overheat. Kannayonna, mangted pay ti: rikna ti saan a makatalna, anxiety, iritable, pungtot, saan a makaidna, di pannakaturog, breast tenderness iti babbai, mabayag ken kumapsut ti ayus ti isbu, ingatona ti temperatura ti bagi, panagsuyot, alisto a panagpitik ti puso, nangato a presion ti dara, agsapul iti carbohydrates a taraon, agsapul iti arak ken sigarilio.

Saludsod: Ania ti ibunga ti sobra a Serotonin?

-temporario a pumardas ti sexual response. Ikkatenna ti stress ken anxiety a makagapu iti sexual response. Nupay kasta, ti bagi i-adjust-na ti bukodna iti kangato ti bilang ti serotonin levels ket agsubli ti anxiety.

Lapdanna ti premature ejaculation. Ibannayat ti nangato a bilang ti serotonin iti pannakadanon ti alimpatok ti ragsak. Ti Prozac nga agas [ingatona ti bilang ti serotonin levels] ti umuna a droga a napaneknekan nga agas ti premature ejaculation.

Maibus ti sex drive. No nangato ti serotonin levels agbalin a kalmado ken sallukobanda ti sexual stimulation ken arousal. Mapukaw ti sex drive ken abilidad a madanon ti alimpatok ti ragsak.

Agbalin pay a kasla anestisia ti marikna no nangato ti bilang ti serotonin levels.

Saludsod: Kasano nga apektaran ti Serotonin ti ganas ken timbang?

-ti nababa a bilang ti serotonin levels ti mangnayon ti ganas ken pataudenna ti rikna a kayatmo a mangan wenno uminum iti maysa a banag a makagapu ti panagngato ti serotonin kas koma iti asukar, alkohol, tinapay, bagels, pasta ken potato chips. Dagitoy ti mangpataud iti idadagsen ti timbang.

Panagayat iti asukar ken ti idadagsen ti timbang ket ad-adda a dagiti babbai ti maapektaran no ikumpara kadagiti lallaki gapu iti panangapektar ti estrogen ti serotonin levels.

Saludsod: Kasano a maapektaran ti panagturog?

-ti serotonin karaman ti amino acid tryptophan ket precursor iti melatonin, maysa nga hormone a mangtimbeng ti naguneg a paset ti bagi a makaapektar iti sleep patterns. No nababa ti levels ti serotonin, narigat a maala ti turog.

Kasano a pangatuen ti Serotonin Level?

-diyeta ken panangipauneg iti nutritional supplements, carbohydrates, melatonin [mausar daytoy kontra iti saan a pannakaturturog, jet lag ken dipresion], padagsenen ti timbang [ipangatona ti bilang ti serotonin].

Mairaman iti serotonin ti insulin, maysa nga hormone a tumulong iti panagusar ti bagi iti asukar.

Prescription Drugs

-adda antidepressant drugs nga agtrabaho a tumulong a mangipangato ti serotonin levels. Dua nga ehemplo kas iti Prozac ken Zoloft.

Kasano nga ibaba ti Serotonin Level?

Diyeta--- no kayatmo ti agbalin a mental alert ken makarikna iti adu nga enerhia, ibaba ti bilang ti serotonin ken dopamine levels. Tapno magun-od daytoy, mangan iti protina sakbay ti carbohydrates tapno mapalubosan ti tyrosine a sumrek iti utek imbes nga tryptophan.

Nutritional Supplements

-ipauneg ti branched-chain amino acids [BCAC].

[adda tuloyna]

.

.

.

.

.

Ti Neurotransmitters a kas Aprodisiak

[Maikadua iti Tallo a Paset]

Rudy Ram. Rumbaoa

salunatkenmedisina.blogpot.com

[Nabulod ti ladawan a nausar]

 

Ti Neurotransmitters a kas Aprodisiak [Umuna iti Tallo a Paset]

TI bileg ti panunot iti mangiturong ti aniaman a kayatna nga iladawan---kas iti pannakinaig, no sadino a yebkasna dagiti erotika ken pantasia a mamagtignay ti rikna iti tarigagay---uray pay no awan biang ti akin-ruar a sensoria a mampasiglat kenkuana. Kabalinan ti utek nga agpartuat ken agawag tapno ay-ayamenna ti bukodna nga aprodisiaks--- adda man wenno awan sirib iti makarikna.

Kasano a mapasamak daytoy? Kasano a ti panunot--- no awanan daytoy iti pisikal a substansia kas iti bileg a mangimpluensia ti bagi? Ania ti maited ti utek a mangray-aw kadatayo? Wenno mamagkuti kadatayo? Mangtengngel ti proseso ti bagi nga agtignay iti sex life? Uray pay adda nalawag nga ipaawat kadatayo ti utek, bassit laeng ti maited a sungbat kadagitoy a saludsod. Ditoy a rugiantayo ti teknolohia a pakaawatantayo tapno matunton ti kinalimed ti utek, tapno makita ti utek iti aksion no kasano ti panagpanunotna.

Kasano a maimpluensia ti utek iti seks?
Nupay ditay pay mailadawan ti kompleto a detalye no kasano ti panagtrabaho ti utek, ammotayo ti aktibidad ti utek ket agpataud iti electrical impulses "microvolts" a determinaren ti electrodes a maikapet iti muging ti tao ken mabasa babaen iti ECG [electroencephalograph]. Dagitoy nga electrical impulses ket mapuoran iti network ti nerbio, tulongan dagitoy ti panagbaniagada babaen iti chemical messengers a maawagan ti "neurotransmitters."

Napateg ti neurotransmitters iti panangidanon/panangikomunikasion ti utek iti mensahe kadagiti networks-na, karamanen iti mangtengngel ti sex drive. Kas met laeng iti utek, karaman ti neurotransmitter iti amin nga aspeto ti pagimbagantayo---pisikal, mental, psychological ken emosional. Makapataudda laeng ti bassit a bilang iti bagi ngem nabileg ti epekto nga itedda.


Ti bileg ti Neurotransmitters
Agwaras ti epekto ti neurotransmitters--- manipud iti panangtengngel ti sex drive agingga iti tarigagay a panagpartuat ken adiksion, apektaranna ti emosion ken lebel ti enerhia, ken impluensiaanna ti abilidad ti panunot ken lagip. Agpataud ti indibidual a neurotransmitters iti naidumduma nga epekto a no dadduma, sungani iti sabali a neurotransmitters. Kas pagarigan koma: dagiti neurotransmitter ket yegda ti ut-ot wenno rag-o, kalbitenna ti panagpungtot wenno itedna ti pannakapnek, mamataud iti dipresion wenno agpartuat iti euphoria, kalbitenna ti agresion wenno yegna ti awan inggana a rugso.

Ti epekto a mapataud ket agdepende iti neurotransmitter ti indibidual a karaman.


Ti Neurotransmitters ken koneksion iti seks
Apektaran ti neurotransmitters ti seks, agpada a direkta ken indirekta. Direkta nga apektaranda ti seks babaen iti pananggargari wenno sallukobanda ti panagrugso ken aramid; ken indirekta gapu ta taraknenda ti rikna, emosion ken uray pay ti ugali ti personalidad a mabalin a mangital-o wenno mangipaay iti aktibo ken makapnek a biag ti seks.

Dagitoy a neurotransmitters ket kemikal iti utek a mangkalbit wenno mangsallukob ti panangimaneho ti pannakiseks. Kabalinan ti utek a kumamang iti nadumaduma nga aspeto ti seks--- pisikal, psychological ken emosion. No awan ti neurotransmitters, saantayo a marikna ti pannakinaig wenno rag-o nga ited daytoy. Saantayo a kabaelan a marikna ti rugso babaen iti erotic thoughts wenno sensasion. Saantayo a kumamang iti seks---iti ayat wenno romansa.


Kasano a maimpluensiaantayo iti Lebel ti Neurotransmitters?
Adu dagiti mabalintayo nga aramiden tapno magun-od ti lebel ti neurotransmitters ken tapno agtrabaho ti nervous system a mangitungpal iti gakat. Iyegna ti kinasalun-at, partikular ti diyeta ken ehersisyo. Pabor pay ti neurotransmitters a mangimpluensia iti aktibidad ti seks, apros, meditasion, stress management, ken acupuncture. Kannayonna, adda dagiti wagas a makaapekto ti kinespesipiko ti neurotransmitters kas koma iti: panagipauneg iti nutritional supplements.

Ti nadumaduma a neurotransmitters ti utek, uppat dagiti mangted ti pigsa a mangimpluensia ti seksualidad. Dagitoy ti: dopamine, serotonin, norepinephrine ken endorphins.

Dagitoy a neurotransmitters ti pagtaudan ti amino acids a masarakan iti protein foods. Direkta ti koneksion ti diyeta iti neurotransmitter lebel a mangimpluensia ti seks ken maysa a pamuspusan ti panagbiag ti utek babaen iti intayo panangimpluensia kadakuada.

Ti Dopamine
-daytoy ti neurotransmitter a synonymous with pleasure. Babaen ti daytoy, makariknatayo iti naimbag ken kabalinantayo ti mangnanam/marikna ti seks ken mangkita ti aktibidad ti seksual iti masangnguanan. Tumulong pay ti dopamine a mangawat ken agsungbat ti mensahe ti sensual manipud iti organs ti sight, hearing, taste, touch ken smell.

Krusial daytoy iti panagrugso, ited ti dopamine ti napigsa nga impluensia iti emosiontayo ken pannakaiturong--- kas iti seks. Responsable pay daytoy iti panagkuti dagiti piskel ken mangtimbeng ti anges, bisin, ken ganas. Excitatory neurotransmitter ti dopamine [mangray-aw ta pumiting dagiti neurons]. Mangrugso daytoy ken kemikal a kasinsin ti amphetamines.

Saan a kankanayon ti pannakaparuk-at ti dopamine. Agawan ken agadda ti pannakapulsona no kasapulan. Tunggal panagaduna ket yegna ti positibo nga emosional a sungbat. Bliss, ecstacy, euphoria, elation--amin dagitoy adda koneksionda iti panagpulso ti neurotransmitter babaen met laeng ti utek. Maruk-atan ti kinabileg ti dopamine no madanonan ti alimpatok ti ragsak.

Ti dopamine ket maysa kadagiti akin-responsable ti biyolohika a marikna a kabuyog iti panagayat, ti senial a pisikal kas iti flushed skin, nauneg a panaganges ken panagling-et dagiti dakulap.

Adtoy ti saludsod ken sungbat maipanggep ti Dopamine
Saludsod: Kasano a parugsuen ken pasiglaten ti Dopamine ti seks?
Agpada ti lalaki ken babai a parugsuen ken pasiglaten ti Dopamine babaen iti asosasion ti aktibidad a seksual a marikna. Adda epekto ti dopamine kas iti panagadu ti intensidad ti ekspiriensa iti seksual, tumulong a mangted ti puersa iti panangimaneho ti seks, papigsaenna ti sex drive, gargarienna a sungbatan ti sensual stimuli kas iti seductive aromas, romantic music, sensual touching, delicious taste ken erotic images; pumardas iti pannakadanon ti alimpatok ti ragsak ken yaduna ti sexual energy.

Saludsod: Kasano nga apektaran iti kinakurang ti Dopamine ti seks?
Makuna a mangray-aw ti rikna ti Dopamine. Kasta metten a sex booster daytoy. No nababa ti lebel ti dopamine, agpada nga agsagaba ti emosional ken pisikal nga aspeto iti biag ti ayat. Saannaka a parugsuen ti sensual ken pananggargari a mensahe. Agbalin nga ubbaw ti sexual advances ti partner-mo kenka. Uray kunam a pampanunotem ti seks, agkurangka iti enerhia a manggun-od ti daytoy. Narigat pay a madanon ti alimpatok ti ragsak.


Saludsod: Kasano nga apekataran iti kinakurang ti Dopamine ti emosion?
Kalbiten ti nababa a bilang ti dopamine iti negatibo nga emosion ken dipresion a mangpataud iti emotional climate hostile to romance. Mabalin pay a makagapu ti panagipauneg iti agas ti maulit-ulit a panangpiting ti dopamine iti nervous system.

Saludsod: Kasano nga apektaran iti kinakurang ti Dopamine ti panunot?
Nababa a bilang ti dopamine ti mangngudel iti abilidad ti lagip ken panagpanunot ket daytoy ti mangiturong iti saan a nasayaat nga ugali ta apektaranna ti abilidad ti tao nga agplano ken agaksion.

Dagiti simtomas iti panagkurang ti Dopamine: bumaba ti sex drive, panagkapuy wenno panagkapsut, lethargy, nasakit a piskel wenno ulo, nasal alergi, digestive disturbance [panagsarua ken panagtebbel], panangimas ti makan, agsapsapul iti caffaine, tsokolate, dagiti nasam-it, taba, asin ken premenstrual breast tenderness iti babai.


Kasano a papigsaen ti Dopamine level?
-kas iti diyeta, nutritional supplements, ehersisyo, acupuncture, apros ken makinaig. Adda met dagiti wagas babaen iti maireseta nga agas.

.

.

.

.

.

Ti Neurotransmitters a kas Aprodisiak
[Umuna iti Tallo a Paset]
Rudy Ram. Rumbaoa

salunatkenmedisina.blogspot.com

[nabulod ti ladawan a nausar]

[Adda Tuloyna]

 

Innem a rason no apay a naragsak ken nasalun-at no ay-ayamen ti mabagbagi, dayta ti duktal ti siensia

Ney, dagitay agar-arapaap ken manglalangit nga awan pay parehana, anusanyo ti ag-enjoy nga agmaymaysa uray ta “Masturbation Month” ita a bulan. Makabirokkayto latta iti kapunganyo. Enjoy’enyo pay laeng ti kina-single-yo. Hahaha!

Ket dagitay naasawaanen nga adda't adayo dagiti assawada, okey lang ken saan a dakes nga aramidenyo ngem saanyo koma a lablabsan tapno saankay' nga agsapul ti sabali a kaalimpatokyo. Disiplina laeng ti masapul.

Ngem basaen ti sibubukel a rason no apay a nagbalin [kano] a "Masturbation Month" ti bulan ti Mayo.

Innem a rason no apay a naragsak ken nasalun-at no ay-ayamen ti mabagbagi, dayta ti duktal ti siensia

--ken saanmon a kasapulan ti asinoman a mangparagsakka kenka...

IN kaso a dimo pay ammo, ti bulan ti Mayo ti maawagan iti "Masturbation Month," kayatna a sawen, pagbalinem a bisi ti makannawan nga imam, lalaki ken babai. No apigudkayo, mabalin latta. Agrambak koma ti amin iti daytoy ta daytoy ngarud ti gundaway a mangparagsak iti bukod a bagi ken mabagbagi.

Idi un-unana a panawen, maibilang a dakes nga aramid, wenno bisio ti agsalsal/agdiakol/mangabalbalay ti buto/uki--segun met laeng kadagiti nataengan iti dayta a tiempo. Dakes unay nga aktibidad. Kunada [segun iti pamatianda], mangitunda ti dakkel nga epekto iti salun-at ti tao a kas koma ti panagbulsek, panagtaud ti taramidong ken panaglugsot ti kimmot. Ngem katawaan laeng ti siensia dayta duog a pammati.

Ken uray pay iti nabiit, adda dagiti adbokasia a mangkotra ti masturbation, a no sagiden wenno gargarien [kano] ti bukod a bagi babaen iti panangapros ti kudil, kunada nga agkapsutka, agbalin nga awanton ti interesmo iti partner/kadua ken mamati[da] a daytoy nga aramid ti mangrippuog ti biagmo, a masapul [kano] a dimo aramiden iti agsalsal/agdiakol/mangabalbalay ti mabagbagi. Ngem kuna ti duktal ti siensia a kas ka la mapilayan no patien dayta a pammati.

Nagasat ketdi ti agdama a panawen ta adda ti siensia. Gapu ti dayta, adda konfidensia a mangpaksiat kadagitoy sayangguseng ken kaduogan a pammati maipanggep ti masturbasion a makapadakes unay [a kunada] iti salun-at ti tao. Agyaman ketdi iti sientipiko a panagsukisok ta adda dagiti datos a maidatag a mangpaneknek a ti masturbasion ket mangted ti naimbag ken nasayaat a benepisio iti salun-at iti laksid ti pammati dagiti nagkauna a tao.

Iti panangrambak ti Maturbation Month, suportaran ti siensia dagiti innem a rason no apay [a sansanen/kanayonen] nga ay-ayamen ti mabagbagi.

1. Pagbalinennaka a naragsak. Kas pagammotayon, no marikna ti pakabang-aran ti bagi, ket nasayaat unay-- agbalinka nga agtibo, pasidapenna pay ti panunot. No aprosan ti buto/uki, palawagenna ti karirikna, kas mo la inagasan ti panunot iti adu a problema. Agbalinda a neurotransmitters a kas iti agas nga dopamine ken oxytocin, ket itag-ayna ti karirikna a kasla manglanglangit a pakariknaan ti ragsak ti  pannakakontento.

"Ti panagalimpatok/panagganas ti kasamayan nga agas a saan a maited ti dopamine," kuna ni clinical sexologist Dr. Gloria Brame. "Aglanglanga a kasla maysa nga adik no ma-brain scan ti tao nga agalimpatok."

Malmes ti utek iti pannakaadik ti daytoy nga aramid ket aglanglanga a naka-high iti ragsak/alimpatok. Kayatna a sawen, ti panagalimpatok wenno panagganas ket mayarngi ti panagusar iti heroina/droga ngem ti pagdiperensiaanna, legal daytoy ken awan pannaka-overdose-na, saan a matay no di pagkalmaenna ti rikna.

2. Makatulong a mangpaatiddog iti panagnaig/panagyot. Ammotayon no ti maikadua a rikus, napapaut ngem ti umuna, saan kadi? Agpayso. Iti kasta, adda ngarud serbi ti panangabalbalay iti mabagbagi sakbay ti pannakinaig gapu ta matengngel ti kaaduan a gunay, epektibo pay iti panangliklik ti makuna nga "I-touched-a-boob-and-liked-it-situation."

3. Malapdan ti panaglammin ken panateng. Segun ken ni hormone specialist Dr. Jennifer Landa, umadu ti produksion ti stress hormone, cortisol a kasapulan iti abilidad a mangsungbat ti inaldaw a pannakaistres ti imboluntario a panagkutikuti ti masel-- makatulong a mangreglamentar wenno mangtengngel ti kalidad/immunidad.

"Mangpataud iti napintas nga aglawlaw ti panangabalbalay/panangay-ayam/panangsalsal ti mabagbagi ta papigsaenna ti kalidad/immunidad ti tao," kuna ni Landa, a mangsingasing a nasaysayaat nga inaldaw nga abalbalayen ti boto/uki tapno mayadayoka iti doktor.

4. Lapdanna ti itataud iti sakit a kanser. Nakaay-ayat a kinapudno: ti saan a regular a panagparuar [iti kapsit] ket pataudenna ti kanser isut' gapuna a sansanen [kano] nga ay-ayamen/agsalsal/agdiakol iti mabagbagi.

No manmano wenno saan a regular ti panagparuar, agbalin nga estangkado wenno di aggaraw ti danum iti prostate [wenno prostata/bassit a glandula iti puon ti buto] ket mapno iti virus [mikroorganismo a mabalin a maigapu ti nakain-inaka a pannakaakar] ken bakteria no sadino a daytoy ti mangiturong iti naserserioso a problema ti salun-at, karaman ditoyen ti sakit a kanser. Siempre, awan ti mangayat a maaddaan iti kanser--nangruna iti lugar ti mabagbagi [buto/uki].

Nadiskobre pay dagiti nagsukisok manipud iti Harvard T.H. Chan School of Public Health nga agarup nasurok beinte a bilang dagiti lallaki nga agsalsal/mangay-ayam iti mabagbagi[da] iti maminduapulo ket maysa a daras tunggal bulan ket adda 19% ti saan a maapektaran ti prostate cancer, idinto a limmagto ti 22 porsiento iti kategoria ti agtawen ti 40 ti saan a maapektaran. Naduktalan pay iti sabali a panagadal a dagiti lallaki a mangay-ayam ti mabagbagi iti lima daras tunggal lawas ti addaan bilang a 33 porsiento ti saan a maapektaran iti nasao a sakit.

Isu a kuna dagiti eksperto, sansanen a gargarien ti mabagbagi tapno aglukay dagiti susuop ti bagi.

5. Makatulong a mangpaimbag/mangpasayaat ti pannaturog. Siempre, mariknam ti naimbag ken nasayaat a turog kalpasan ti alimpatok/panagganas--ken adda rason no apay. 

No agalimpatok/agganas, ruk-atan ti utek ti solido a bilang ti mapakarag-o iti rikna nga hormones [wenno hormona- maysa a substansia a mapartuat iti maysa a banag a sibibiag tapno agbalin daytoy a kas motor ti panaggaraw] ken neurotransmitters nga isuda a mismo ti mangpataud ti rikna a naragsak ken nasimbeng a pannaturog.

Ken, kalpasan a maiparuar amin nga im-impenen ti pus-ong, ti prefrontal cortex nga isu ti agserbi a mangmandar iti utek ti mangpaginad ti glacial pace ken mangpukaw kadagiti pakadukotan wenno problema ken intundanaka iti nasimbeng a turog.

Naimnas. Naim-imas. Nasimbeng. A turog.

6. Manayonan ti kinatangken. Kuna ti uniberso a kinapudno a no mataenganen ti tao, mapukaw ti intero a bagi ti muscle tone. Ket agpayso la unay daytoy. Ken ti nakas-ang pay, mairaman ti buto/mabagbagi ken ti adda iti aglawlawna nga agkapsut. 

Ngem sumalun-at ti lasag ti pelvic floor nga agtrabaho manen ken patibkerenna no agsalsal/ay-ayamen/agdiakol, ken malapdan pay ti erectile dysfunction ken ti imboluntario a panagisbo. Isu a no sansanen ti agkutikuti, sumalun-at ken mapatibker dagiti tulang.

"Madlaw pay a kasla kanayon a natangken ken naingar ti buto," kuna ni Brame. Innayonna: "no dimo usaren, mapukawmo."

Naragsak a Panangrambak ti Masturbation Month Kadakayo Amin! Hahaha!

.

.

.

.

.

INNEM A RASON NO APAY A NARAGSAK KEN NASALUN-AT NO AY-AYAMEN TI MABAGBAGI 

Rudy Ram. Rumbaoa

salunatkenmedisina.blogspot.com

[Nabulod dagiti ladawan a nausar]

MAKATULONG DAGITOY A SALUDSOD A MANGSALBAR ITI BIAG

MAKATULONG DAGITOY A SALUDSOD A MANGSALBAR ITI BIAG

[Umuna iti Tallo a Paset]

"SANGAPULO a minutos," daytoy ti masansan a maited a tiempo ken oras a pannakisarita iti doktor. No pasiaren ti maysa nga internist, pediatrician wenno espesialista, daytoy ti tiempo a pannakisarita iti doktor a kasapulan met ti mangngagas a denggen ti kayatmo nga ipulong wenno iyasug kenkuana ken mangikeddeng no ania ti aramidenna, kasta met ti pannakailawlawag a husto ti rekomendasion ti pannakatamingmo.

Tapno maaramid ti kaaduan a tiempo, uray iti emergency room, nasken a nakasaganaka. Agsaludsod iti doktor tapno maammuam ti direkta a sungbatna. Ti doktor ket obligado a mangammo ti pudno a pakaseknan ti maseknan/pasiente. Kayatna ngarud a sawen a maisayangkat ti ad-adu pay a pagsubok tapno mapaneknekan a saan a pagduaduaan dagiti sungbatna, napimpintas no maamuan ti opinyonna seknan ti simtomas ken ti pannakaagas ti an-anayem.

Kuna ti maysa a surgeon babaen iti bukodna nga ekspiriensa, naduktalanna nga adda dagiti kangrunaan a masaludsod mainaig kadagiti maitudo a simtomas ken situasion a maisupadi iti agbalin a resulta ti pannakataming ti pasiente-- "ket daytoy ti makatulong a mangsalbar iti biagmo." Dagitoy dagiti kondision ken saludsod a rumbeng ken nasken a maammuan iti doktor:

1. UT-OT ITI LIKUD KEN DAGITI NAGSUSUOPAN-*

Dagitoy tumaud nga ut-ot ket masansan a resulta ti pannakadesgrasia wenno panaglakay/panagbaket. Ngem no dadduma, ti ut-ot a marikna nga agbayag iti bagi ket adda iparparangarangna nga adda dakes a mapaspasamak kenka. Dimo koma baybay-an. Adda dagiti makapatay a sakit a kaarngi met laeng iti daytoy ket importante unay a malapdan ti panagramram ti ut-ot iti kabiitan a panawen. No masansan a maka-ekspiriensaka ti panagut-ot iti likud wenno kadagiti susuopmo, saludsoden iti doktor: "Malaksid iti arthritis wenno dagiti dunor, ania kadi ti makagapu iti panagut-ot ti likud ken iti susuopko?"

Mabalin a dagitoy ti posible a makagapu:

*Prostate Cancer-- wenno dadduma a klase ti problema a sakit iti tian-- ti prostate, pancreatic cancers ken kidney stones ket pataudenna ti nasakit ken naut-ot a likud, masansan a kasla dumuyok ken kasla iwaen ti kutsilio ti marikna iti nagtengnga wenno iti baba a paset ti likud. Dagitoy a panagsukimat ti puon ti sakit ket saan a maitudo nga isu't gapu ti panagut-ot ngem malibtawan no dadduma gapu ta kaaduan kadagiti tattao nga agsagaba iti kastoy ket saan a mapakuyogan iti sakit ti likud nga addaan ti kanser wenno bato, daytoy ti rason a dida pakadanagan ti marikna nga ut-ot. Adda dagiti maitudo a panagsukimat ti puon ti sakit mairaman ditoy ti PSA wenno Prostate Specific Antigen tests ken CT scans. Saludsoden iti doktor no ania ti kasayaatan a pagsubok, ken no mabalin, iyuman iti maysa nga espesialista.

*Osteoporosis-- ti panagingpis ken panagkapsut dagiti tultulang ket masansan a maigapu iti kinalakay/kinabaket, ngem mabalin metten a tumaud/mapasamak daytoy a sakit kadagiti agtutubo. Mangrugi iti bassit a pannakailigis/bullo/tukkol iti duri [spine] ken dadduma pay a paset ti bagi ti posible a pagtaudan ti ut-ot. Ti bone density screening ket saan a nasakit a pagsubok, maysa a noninvasive test a masansan nga irekomendar ti doktor para kadagiti post-menopausal a babbai wenno iti pamilia nga addaan iti pakasaritaan ti daytoy [family history]. Ti gagangay a panagagas ket karaman ti pannakaiyadu iti ipauneg a calcium ken bitamina D kadagiti taraon, kasta metten ti medisina a Fosamax, Actonel ken Boniva.

*Lyme Disease-- masansan a marikna ti ut-ot kadagiti nagsusuopan nga adda kannayonna a "bull's eye rash." Agpangato agingga iti 25 a porsiento dagiti biktima ti Lyme Disease a saan nga agparang ti bull's eye rash ken dida ikankano ti ut-ot nga adda koneksionna iti nagsuopan. Ti Lyme ket masansan a mayakar babaen iti "deer ticks." No maduktalan iti nasapa, nalaka a maagasan ti Lyme disease babaen iti antibiotics. Ngem no maduktalan daytoy iti mabayag, ti panagagas ket kompleks ken adda epektona a nakadadanag iti bagi.

*Lupus [Systemic Lupus Erythematosus, wenno SLE]-- nadagsen ken mabayag daytoy a sakit ken agparang iti porma kas nangisit a "kulibangbang" ken nagatel daytoy iti rupa, a sarunoen ti nakaut-ot-ot a nagsusuopan. Iti panagsukimat ti puon ti sakit [diagnose], maala ti dara tapno maeksamen ken maadal ti simtomas ken pakasaritaan ti nagbalin a sakit ti maseknan. Mairaman ditoy ti anti-inflammatory medicines a pangagas iti daytoy a klase ti sakit.

*Panagbussog/panagdakkel dagiti nagsusuopan-- mabalin pay a daytoy ket senial ti impeksion. Masansan a maala ti danum manipud iti nagsuopan tapno masubok. No adda impeksion kas iti staph, maireseta ti antibiotics nga agas. Laglagipen: "makapatay ti impeksion no saan a madagus a mataming." Saan koma nga urayen a dumakkel ken agut-ot dagiti nagsusuopan.

*Bone Cancer-- no dadduma, tumaud ti ut-ot gapu ti bone cancer kasta metten ti kanser a nagwarasen iti tultulang. Ti duri ken paragpag ti masansan a pakariknaan ken pakakitaan ti daytoy a sakit. Ngem kadagiti tattao nga addaan ti kanser iti nagduduma a paset ti bagi ket alistona a maala ti bone cancer.

2. SAKIT TI ULO-

Tinawagan ni Lakay Mundo, agtawen ti 57, ti kabsatna a babai tapno ibagana ti sakit ti ulo a mariknana. Napasamak daytoyen idi kenkuana iti rabii nga ipapanna iti kuartoda nga agasawa-- nasakit nga ulo ti sinagabana. Timmawag iti kabigatanna ti kabsatna a babai tapno ammuenna ti kasasaad ni Lakay Mundo ngem dina ma-kontak.

Tinawaganna ti asawa ti Lakay iti trabahona. Naibaon ketdi ti maysa a karrubada tapno ammuenna no ania ti napasamak iti Lakay ket ditoy a naduktalanna a nakapakleb iti datar, natayen ti Lakay. Nasdaaw ti naibaon. Naammuan a pimmusay ti Lakay iti "lethal brain aneurysm."

Maagasan ti "aneurysm" no masapa daytoy a maduktalan. No makarikna iti di mailawlawag, agawan-agadda a sakit ti ulo wenno agsakit ti ulo a kasla dumuyok ti ut-otna, nasken nga agpakita iti doktor ket saludsoden kenkuana: "Daytoy ti karanggasan a panagsakit ti ulok iti intero a panagbiagko-- daytoy kadi ket aneurysm?"

Adda sumagmamano a klase ti sakit ti ulo: "cluster," "sinus" ken "migrane." Ti aneurysm ket saan a maibilang a sakit ti ulo; daytoy ket makuna nga abnormal a panaglapad wenno panagdakkel dagiti blood vessels. Itden ti aneurysm ti naut-ot ken di mailawlawag a panagsakit ti ulo no agbettak dagiti blood vessels ken no sumrek ti dara iti utek.

Makuna a tumaud ti aneurysm gapu iti depekto ti pannakayanak wenno tumaud daytoy iti bumaybayag bassit. Natakuatan nga adda 5% iti populasion ti addaan iti klase ti aneurysm iti utek ket mabalin a bumtak daytoy iti ania man nga oras. No agut-ot ti ulo a sarunoen ti panagrurusok ken panagsarua, panagkissiw wenno dadduma pay a klase ti neyolohikal a simtomas, dagdagusen ti mapan iti ER wenno tumawag ti tulong.

3. TRANGKASO- kuna ti kaaduan a tattao, ti trangkaso ket maysa laeng a mangriribuk wenno panggulo iti salun-at. Ngem para kadagiti immune-compromised, agdepende iti tawen ken no nadagsen ken nabayagen ti sakit- "makuna a makapatay ti trangkaso."

Tunggal tawen, adda 36,000 nga Amerikano ti matay gapu iti trangkaso wenno ti komplikasion, ken nasurok nga 200, 000 ti mayospital. Ngem kasano nga ammon no adda kenka daytoy?

Aggapu ti trangkaso iti maysa a virus ket masansan nga agbayag daytoy a sakit manipud tallo agingga iti uppat nga aldaw. Dagiti simtomas a pagilasinan: ti kaadda ti gurigor, panaglammin, ut-ot ken sakit, makapasagureng nga agong ken namaga nga uyek. Ngem no dagitoy a simtomas ti agbayag iti sumagmamano nga aldaw nga awan ti pagpiaanna, kasapulan nga agpakonsulta ken saludsoden iti doktor: "Nakabutbuteng ti marikriknak. Ania ti ammom a rason no apay a mapaspasamak kaniak daytoy?"

.

.

.

.

.

[Adda Tuloyna...]

MAKATULONG DAGITOY A SALUDSOD A MANGSALBAR ITI BIAG

Rudy Ram. Rumbaoa

salunatkenmedisina.blogspot.com

[nabulod ti ladawan a nausar]