Antidepressants, maagasanna ti nakaro a pannakaisturbo ti estado ti panagpanunot

[Nabulod laeng ti ladawan a naaramat iti artikulo]

Antidepressants, maagasanna ti nakaro a pannakaisturbo ti estado ti panagpanunot
ni Rudy Ram. Rumbaoa

TI agas nga antidepressant Citalopram a magatang iti brand names a Celexa ken Cipramil ken kasta met a disponible a maipaay a kas generic medication ti nadiskobre dagiti nagsukisok a maagasanna ti grupo dagiti pasiente nga addaan iti Alzheimer's disease.

Kadagiti nababbaba ti dosis [wenno kaadu ti rekomendado a droga para iti maysa a sakit] a nasubok, mapapati a nataltalged ti pannakausar ti antipsychotic drugs iti pannakaagas ti kondision, segun iti resulta ti clinical trials a naisayangkat babaen iti panangidaulo ni Johns Hopkins researchers a karaman ti pito a sabsabali pay nga akademia ti medical centers iti Estados Unidos ken ti pagalian ti Canada.

Iti panagadal a nairakurak iti Journal of the American Medical Association, inawis ni Constantine Lyketsos ken ti grupona ti agarup 186 a pasiente nga addaan iti sakit nga Alzheimer ti nangipakita iti koleksion ti simtomas karaman ti emotional distress, excessive movement, aggression, disruptive irritability ken disinhibition. 

Awan ketdi kadagitoy ti nangipakita ken/wenno nangipakita ti simtomas iti pannakabang-ar iti babaen ti non-medical therapies, ken dagiti dadduma ti napaay a naagasan iti antipsychotic drugs. Nupay masansan ti pannakausar ti antipsychotic drugs a kas umuna a pili ti medikasion para kadagiti pasiente nga adda kaarngi ti Alzheimer a sakit, ad-adda ketdi nga ipangatona ti bilang ti pannakairisgo dagitoy a pasiente iti strokes, atake ti puso ken uray pay iti ipupusay.

Iti rugi ti nasao a panagadal, nagdalan pay dagitoy a pasiente kadagiti pagsubok tapno maammuan no kasano ti kadakkel [ken/wenno kalawa/kaatiddog]  ti nakaro nga estado ti pannakaisturbo ti emosion ken panagbaliw wenno panagdur-as ti panunot, lagip ken sabsabali pay a cognitive skills, ti stress levels dagiti mangtartaripato [caregivers] kadakuada, wenno ti bileg a makagapu nga adda koneksion iti gunay/ugali ti maysa a tao kadagiti addaan iti Alzheimer.

Iti panagadal, nailasin dagiti pasiente iti dua a grupo. Iti sumaruno a siam a lawas, agarup kagudua kadagitoy ti naipangato ti dosisna iti inda panagipauneg ti Citalopram nga umabot iti 30 milligrams iti tunggal aldaw. Dagiti dadduma, nagipauneg iti kaarngi [placebo] ti nasao nga agas.

Iti nagnguddoan ti panagadal, naited met la ti isu a pannakasubok a kannayon ti electrocardiograms. Daytoy a panagadal iti nasao nga agas ket adda koneksionna iti panangsuppiat [wenno panaggaraw a maikontra] ti panagtrabho ti puso; kas iti iregular a panagpitik ken harbinger iti atake ti puso.

Ipakita pay ti resulta a dagiti pasiente a nagipauneg iti nasao a droga ti nangipakita ti pannakarelibo iti simtomas ti agitasion, inlawlawag ni Lyketsos. Iti maysa a pannakarukod ti agitasion, adda agarup 40% kadagiti pasiente a nagipauneg ti Citalopram ti makuna a maikonsidera ti pannakarelibo iti nasao nga an-anayen no ikumpera iti 26%; a nangipauneg iti placebo. 

Inrakurak met dagiti caregivers a dagitoy a pasiente ti nakarikna iti gin-awa wenno basbassit a pannaka-stress.

Nupay kasta, dagiti pasiente a nagipauneg iti nasao nga agas ti mapapati a basbassit ti tiansa nga agsagaba iti cognitive function. Saan a dakkel ti bilang, ngem marukod, inlawlawag ni Lyketsos, director ti Johns Hopkins Memory and Alzheimer's Treatment Center ken director ti Department of Psychiatry iti Johns Hopkins Bayview Medical Center.

Ad-adda ketdi a maseknan dagiti nagsukisok kadagiti pasiente a nagipauneg iti Citalopram ta nabayag ti QTc intervals-da, maysa a proseso iti pannakarukod ti abnormal a panagtrabaho ti puso a mangted iti dakdakkel a tiansa iti pannakairisgo ti atake iti puso. Kuna ni Lyketsos a maaramat pay ti antipsychotic medication iti nangato a tiansa ti atake iti puso, ken kaarngina a problema.

Mangnamnama ni Lyketsos ken ti grupona no masubok [dagiti pasiente] iti nababbaba a dosis ti Citalopram, patienda a mas epektibo daytoy iti pannakaagas ti adda kaarngina nga Alzheimer a basbassit iti pannakairisgo ti cognition ken panagtrabaho ti puso. Mabalin a maaramat ti nasao nga agas a kas alternatibo iti antipsychotic.

Kuna pay dagiti nagadal a no saan nga agresponde ti agitasion iti non-medication treatments ket awan pagdur-asan ti agitasion dagiti pasiente, awanen ti sabali pay a pagpilian. Daytoy ti kakaisuna a madikasion a pili a mabalin a nataltaged ngem kadagiti sabsabali nga agas, ken mapapati nga epektibo.

source: Journal of the American Medical Association

Dagiti Produkto a Manglapped iti Pannakiseks ken Awan Pategna nga Aprodisiaks

[Nabulod laeng ti ladawan a naaramat iti artikulo]

Dagiti Produkto a Manglapped iti Pannakiseks [Pannakinaig, Panagnaig, Panagsipol, Panagyot] ken Awan Pategna nga Aprodisiaks
Ni Rudy Ram. Rumbaoa


MASANSAN nga ageksperimento dagiti tattao kadagiti naireseta nga agas, mood-altering wenno hallucinogenic drugs, alkohol, tabako ken dadduma pay nga awan pategna a produkto a kas "aprodisiaks" iti pagtagilakoan a mangpapigsa iti libido. Imbes a makatulong daytoy iti panangimaneho ti seks, dagitoy ketdi ti manglapped iti napintas nga aramid ken pakaigapuan ti negatibo ken makapasakit nga epekto.

Dagiti Nairiseta nga Agas/Prescription Drugs
-kas kannayon iti over-the-counter barbiturates ken amphetamines [masarakan iti kaaduan a pildoras a pangdiyeta], adda dagiti naireseta nga agas nga addaan iti maibusor nga epekto a pakaigapuan ti panagkapsut iti panangimaneho ti seks wenno mangpataud iti kina-inutil. Karaman ditoyen ti agas nga immunosuppressive agents, antihypertensives, antidepressants, tranquilizers, muscle relaxants, ulcer drugs ken oral contraceptives.

Dagiti agas iti baba ti mabalin a pakaigapuan iti kina-inutil segun ti American Urological Association [AUA]. Umuna ti generic name ti agas a sarunoen ti ehemplo ti brand names iti parenthesis. No agus-usarka iti maysa kadagitoy nga agas, agpakosulta nga umuna iti doktor no kalikaguman ti mairesetaan a kasinnukat nga agas.

Ti Immunosuppressive Agents
*Indomethacin [Indocin]
*Methysergide [Sansert]
*Metoclopramide [Reglan]
*Metronizadole [Flagyl]
*Phenytoin [Dilantin]
*Procarbazine [Matulane]

Dagiti Agas a para Dara ken Diuretics
*Thiazides [Diuril, Esidrix, Hygroton]
*Spironolactone [Aldatone]
*Methyldopa [Aldomet]
*Clonidine [Catapres]
*Reserpine [Seracil]
*Guanethidine [Ismelin]
*Pargylin [Eutonyl]
*Phenoxybenzamine [Dibenzaline]
*Phentolamine [Regitine]
*Propanolol [Inderal
*Metoprolol [Lopressor]

Anti-Anxiety Medications
*Chlordiazepoxide [Librium]
*Oxazepam [Serax]
*Chlorazepate [Tranxen]
*Meprobamate [Miltown, Equanil]
*Tybamate [Tybatran]

Antideppressants
*Notripotyline [Aventyl
*Amitriptyline [Elavil]
*Desiparmine [Norpramin]
*Doxepin [Sinequan]
*Flourexetine [Prozac]
*Imipramine [Tofranil, Norfanil, Tipramine]
*Isocargoxazid [Marplan]
*Paroxetine [Paxil]
*Phenelzine [Nardill]
*Setraline [Zoloft]
*Tranylcypromine [Parnate]

Tranquilizers
*Diazepam [Valium]
*Fluphenazine [Prolixin]
*Trifluoperazine [Stelazine]
*Prochlorperazine [Compazine]
*Mesoridaxine [Serentil]
*Promazine [Sparine]
*Chlorpromazine [Thorazine]
*Thiothixene [Navane]
*Chlorprothixine [Taractan]

Para iti Basisaw wenno Bowel Spasm
*Proantheline bromide [Pro-Banthine]
*Atropine [masansan a kombinasion iti sabali nga agas]

Agas a para iti Parkinson's Desease
*Biperidine [Akineton]
*Cycrimine [Pagitane
*Procyclidine [Kemadrin]
*Trihexyphenidyl [Artane]
*Benztropine [Cogentin]
*Levodopa [Larodopa, Sinemet]

Para iti Alergi ken Motion Sickness
*Dimenhydrinate [Dramamine]
*Hydroxyzine [Vistaril]
*Meclizine [Antivert, Bonine]
*Promenthazine [Phenergan]

Antifungal
*Ketoconazole [Nizoral]

Alkohol, Tabako ken Dagiti Agas a magatang kadagiti pagtagilakuan iti igid ti kalsada
-saan a nakasursurpresa, adda dagiti substansia a mangabuso iti bagi kasta met a maibusor nga epekto iti seksual a tarigagay ken aramid. Ti amphetamines, alkohol, dagiti recreational ken hard drugs, nikotina ken caffaine ti maus-usar tapno yaduna ti marikna a seksual ken tarigagay. Ngem kaaduan kadagitoy ti addaan iti nagrusngian wenno kasupadi nga epekto.

Mood-Altering wenno Hallucinogenic Drugs
-di maipadtuan ken depende iti kaadu nga ipauneg ti agusar iti agbalin nga ekspektasion iti seksual nga epekto ti mood-altering drugs kas iti marihuana, LSD ken coccaine. Idinto dagiti dadduma nga agusar ket ikalinteganda a pumigsa ti pannakiseks, pumintas ti negatibo nga emosion ken ti sexual disorders. Ngem ti aprodisiak a bileg dagitoy a droga ket awan paglawlawaganna, maysa laeng a debate ti pagresultaanna, ken ti dakes nga epektona iti bagi.

LSD [lysergic acid diethylamide]
-napigsa a hallucinogen nga agpataud iti di mapadtuan nga emosional nga ekspiriensa, manipud iti makabang-ar agingga iti nakabutbuteng.

Coccaine
-maysa daytoy nga anesthetic a mausar kas aprodisiak gapu ta parugsuenna ti lugar iti utek ken tenglenna ti tarigagay ti seks. Nupay ingato ti nababa a dosage ti sexual response. No nangato ti dosage, lapdanna ti pannakinaig gapu ta pataudenna ti buteng, paranoia ken agresion. Kannayonna, mapnek iti seks.

Makaadik ti coccaine.

MDMA [methylenedioxymethamphetamine]
-maawagan pay nga "ecstacy." Adda relasionna iti amphetamines ken mood-enchancer wenno "happy pill." Gapu ta ruk-atanna ti emotional inhibitions, maaramat kas aprodisiak.

Volatile Nitrites
-makuna a papigsaenna ti sexual response ken ibaybayagna ti alimpatok ti ragsak. Dagitoy a kemikal ket alisto sumagepsep babaen iti pananglang-ab. Pataudenna ti rush iti dara nga agturong iti utek.

Amyl Nitrite
-maawagan pay kas "poppers." Ungapenna ti blood vessels ken maaramat a pagagas iti angina.

Ti Alkohol
-masansan a maipagarup nga aprodisiak ti alkohol. Ngem bassit nga ipauneg nga alkohol ket mabalinna a perdien ti abilidad a tulongan a tumangken ti boto/mabagbagi ti lalaki. No sobra nga alkohol nga ipauneg iti mabayag a tiempo, bumaba ti sex hormone testosterone ti lalaki, depress sexual reflexes ken pataudenna ti sexual dysfunction. Mabalin pay a madangran ti dalem. No nangato ti bilang ti estrogen mabalin a patauden ti kina-inutil.

Tabako
-ipauneg ti asuk ti tabako wenno panagngalngal iti nadubla a tabako ket mabalin a bumaba ti panagtrabaho ti seks iti lalaki gapu ta adda ramen ti nikotina a mamagkeppet iti blood vessels. Saan la a dayta, madangran ti sibubukel a cardiovascular system kangrunaanna, pabassiten ti nikotina ti dara nga agturong iti boto/mabagbagi ti lalaki. Iti ababa a pannao, saan a tumangken/umingar.

Dagiti awan pategna a produkto a magatang iti pagtagilakuan
Manipud idi Enero 6, 1990, impawil ti Federal Drug Administration ti pannakailako iti over-the-counter nga ania man a kita ti produkto a mangikalintegan a makatulong daytoy iti seksual a tarigagay wenno padur-asenna ti sexual performance. Kuna ti FDA a saanna a binigbig ti kinatalged ken epektibo iti ania man kadagitoy a produkto wenno sabsabali pay iti OTC kas aprodisiaks.

Ehemplo ti awan pategna nga aprodisiaks kas iti:
*Big Ox
*European Love Drops
*Instant Love Potion
*Linga Pendulum Penis Enlarger and Strengthener
*Mad Dog Weed
*Mexican Spanish Fly iti likido
*Super Nature Tablets*

Ne, agpayso ngata a makatulong ti Viagra kadagiti Babbai?

nabulod laeng ti ladawan a naaramat]

NE, AGPAYSO NGATA A MAKATULONG TI VIAGRA KADAGITI BABBAI?
ni Rudy Ram. Rumbaoa

["Ne, Viagra daytoy, adda kadi itdenna a pagimbagan dagiti babbai nga agus-usar iti Antidepressants?"]


MAKAUPAY ti epekto ti viagra kadagiti babbai, ngem iti kabaroanan a panagadal, naduktalan nga adda pagimbaganna kadakuada [babbai] nga agus-usar iti antidepressants.

Naduktalan iti panagsukisok a nakairamanan ti agarup 98 a premenopausal a babbai nga agkuna a makatulong ti viagra kadakuada a mangrikna ti alimpatok ti ragsak. Ngem daytoy a panagsukisok ket saan nairaman ti sabali nga aspeto ti pannakinaig kas koma ti tarigagay[na]. Iti inrakurak ti Journal of the American Medical Association [JAMA], a makatulong [pay] a mangbang-ar dagiti babbai nga agusar iti antidepressants nga addaan iti problema ti alimpatok. Kuna ni Stanley Althof, Psychologist and Director of the Center for Marital and Sexual Health ti West Palm Beach, a makatulong daytoy a dumanon iti alimpatok ngem saanna a pagdur-asen ti tarigagay wenno pannakagargari ti rikna ti maseknan.

Sumngat wenno makibiang ti antidepressants iti panagimaneho ti seks ken aramid uray pay makuna a makatulong ti agas a mangpukaw ti dipresion. Makatulong ti panagsinnukat wenno mangibaba iti bilang ti agas nga ipauneg, ngem adu dagiti tattao, lallaki ken babbai ti nagisardeng nga agusar gapu iti itdenna a sexual side effects.

Komon dagitoy a reklamo. Naduktalan iti sakbay ti panagadal a nasurok a kagudua dagiti tattao nga agipapauneg iti antidepressants ti nakapataud iti problema ti seksual, nangruna kadagiti nagaramaten iti Prozac, Paxil, Celexa ken sabsabali pay nga agas nga agtrabaho a mangingato ti chemical serotonin ti utek. Ti serotonin ket maipagarup nga ibannayatna ti alimpatok ti ragsak, nalabit gapu iti panangruk-at ti sabali pay a kemikal iti utek --ti Dopamine. Paaduen ti viagra ti dara nga agayus nga agturong iti mabagbagi ti tao.

Kuna ti panakangiwat ti Pfizer Inc. Sally Beatty nga awan plano ti kompania a mangipursigi iti inaprobaranen ti Food and Drug Administration [FDA] a panagaramat iti viagra a pagagas iti female sexual dysfunction. Insardeng ti kompania ti internal research ti viagra para kadagiti babbai idi 2004. Nupay naduktalan a natalged ti viagra, saan a makapnek daytoy kadakuada.

Ti pannakadiskobre ti viagra ket maysa a milestone iti benneg ti medisina, ngem kabaligtad daytoy iti pannakadismaya dagiti babbai isu't gapuna nga insubli ti Food and Drug Administration ti Testosterone Patch tapno mapagadalan a naimbag ti kinatalgedna. Sabali laeng ti handheld vacuum device nga inaprobaran ti FDA a mangpaadu iti dara nga agayus iti clitoris, ken ti BioSante Pharmaceuticals, Inc. iti pannakasubok ti testosterone gel a maawagan iti LibiGel.

Ti baro a duktal iti viagra ket basar iti walo a lawas nga eksperimento. Balligi ti panagusar dagitoy 98 a babbai iti antidepressants ngem addaanda iti problema ti seksual. Agtawen dagiti babbai iti 37. Immannugot dagiti babbai a makinaig iti maminsan iti maysa a lawas. No makinaigda, ipaunegda ti pildoras ngem dida ammo no daytoy ket viagra wenno maysa a matching dummy pill.

Nairakurak nga adda nagdur-asanna ti overall scale ti agarup pitopulo ket dua a porsiento a babbai a nagipauneg iti viagra, idinto nga adda laeng beinte siete a porsiento iti maipagarup nga adda nagdur-asanna manipud iti ipaunegda a placebo.

Kinuna ni Althof nga adda pagdanagan iti daytoy naisayangkat nga eksperimento gapu ta adda 43 a porsiento kadagiti babbai a nagipauneg iti viagra ti nakaekspiriensa iti sakit ti ulo no ikumpera iti 27 a porsiento a nagipauneg iti dummy pills. Nairakurak a masintir pay ti panagtaud iti saan a pannakatunaw ken panaglabbaga iti kudil dagitoy nagaramat iti viagra.

Iti biang ni Psychologist Leonore Tiefer ti New York University School of Medicine, kunana ti panagsukisok a pinunduan ti industria ti Pfizer nga iladawanda iti daytoy nga eksperimento a sobra unay a palakaen ti ekspiriensa dagiti babbai iti seks. Naobserbarna pay ti baro a panagadal nga ad-adu ti side effects nga itdenna ngem iti pagimbagan.

Kadagiti imun-una a panagadal, naduktalan a naipaayan ti pagimbagan dagiti lallaki a nagipauneg iti viagra no ikumpera iti naduktalan a pagsayaatan a para kadagiti babbai. Ngem adda mensahe para kadagiti lallaki ken babbai nga agkasapulan iti antidepressants a makatulong ti viagra nga agtalinaed iti dayta nga agas.

Awan ti impluensia ti Pfizer iti pannakadisenio, panangduktal, wenno panagirakurak iti ania man nga agbalin a resulta ti eksperimento.*