Dagiti Herbal nga Aprodisiak [Maudi iti Dua a Paset]

[Nabulod laeng ti ladawan a naaramat iti artikulo]

Dagiti Herbal nga Aprodisiak [Maudi iti Dua a Paset]
Ni Rudy Ram. Rumbaoa


TI pannakiseks ket nalablabes ngem iti hormones ken ti seksual a tarigagay. Ti panunot ken emosion ket aramatenna ingga't kabaelan ti nabileg nga impluensia ti seks, agpada a seksual a tarigagay ken panangpukaw wenno panangpabaaw iti daytoy. Ti kaawan a panagtalek, stress, panagdanag, anxiety, dipresion, buteng a mapaay, agpungtot-- amin dagitoy ti mangpaawan ti ganas ti sex drive ken dadaelenna ti pannakaaramid ti kalikaguman. Ti negatibo nga emosion kas iti dipresion wenno anxiety performance ti mangpartuat iti kemikal ti bagi tapno agbalin daytoy nga inutil.

Uray pay kasano ti salun-at dagiti hormones-mo, dagiti glands [salsalamagi], no inraremnaka ti emosionmo--agsagaba ti sex lifemo. Agpayso no malapdan ti sex, masapul a saan koma a permanente daytoy.

Dagiti herbal nga ipauneg sakbay ti pannakinaig para iti epekto pang-emotional
-Naipanagan ti Angelica [Angelica archangelica] manipud iti nagkauna ken tiempo ti bubonic plague. Segun iti nagbalin a pakasaritaanna, maysa nga anghel ti nagparang iti darepdepna ket inlatakna nga herbal ti mabalin nga agasna ti plague [peste]. Ngarud nainagan ti herbal kas "angelica" wenno "ramut ti Espiritu Santo." Kas maysa nga aprodisiak/ aphrodisiac, adda pay abilidad ti angelica a mangruk-at ti sakit iti ulo gapu iti nervous tension. Uminum ti angelica tea iti rabii kas wagas a manglapped ti sakit.

Sabali a pakausaranna: timbengenna ti menstrual cycle, padur-asenna ti sirkulasion, pukawenna ti spasm iti takki, tian ken heartburn.

Liklikan dagiti diabetics ti angelica gapu ta adda ramenna nga asukar.

-Ti Gotu Kola wenno Centella asiatica ket maibilang a nasamay a para nerve tonic. Pagarienna ti central nervous system, pabassitenna ti panagsagaba ti dipresion ken bannog, parugsuenna ti kalikagum a makiseks. Masapul a regular ti pannakaipaunegna. Nairakurak a ti gotu kola tea ket addaan iti napintas nga epekto a mangpapigsa ti sex-drive. Kuna dagiti Tsino a dua a bulong ti gotu kola iti ipauneg iti inaldaw--saan nga agbaliw ti kasisigud a langa.

Gubaten ti gotu kola ti nerbios ken tension no mabayag nga usarem. Natalged, longe-term, "herbal upper." Saan a kas kadagiti adda ramenna a caffeine nga herbal, saan a patauden ti gotu kola ti insomnia [di pannakaturog], nerbios, saan a makatalna wenno anxiety. Ngem, ital-ona ketdi ti rikna ti pagimbagan ken no ipauneg iti dakkel a dose, adda epektona a pagpakalma. Ital-o pay ti gotu kola ti panagkalma ti mentalidad ken pagdur-asenna ti memoria ken pukawenna ti di pannakaturturog.

Dadduma nga usar ti gotu kola: agasanna ti mental ken neurological disturbances, nangato a presion ti dara, urinary tract infection ken hepatitis.

Sobra a panagusar iti gotu kola ket pataudenna ti sakit iti ulo wenno panagkapsut.

-Kaustoan laeng ti ited a narkotiko ti Kava Kava [Piper methysticum]. Aktibo ti kava kava iti substansia a narkotiko a maawagan iti "alpha pyrones." Pagkalmaen dagitoy a pyrones ti piskel ken italmegda ti nervous system- ti resulta "euphoria." Ibaba ti kava kava ti nabileg a tarigagay ken nerbios, ital-ona ti natalingengen, nabara ken rikna a makapaimbag.

Iti isla ti South Pacific, mapaalsem ti ramut ti presko a kava kava tapno maaramid nga arak a maaramat kadagiti social rituals. Pukawenna pay ti tension. Saan a kas iti arak, saan a maapektaran ti abilidad nga agpanunot a nasayaat no uminum iti kava kava. Nupay kasta a naragsak ken relakska, dagiti uminum iti kava kava ket agtalinaed a nalawag ken alerto ti panunotda. No mairidep ti maysa nga uminum iti kava kava ken agtagainep daytoy, agtalinaed latta a nalawag ti panunotna saan ketdi a kas iti  hangover. Iti agdama, maawagan ti kava kava kas opisial a mainum iti Pasipiko, kasta met nga addan pagiinnuman a kava bar iti Fiji ken Polynesia.

Iti North America, ti ramut ti kava kava ket magatang laeng iti nagango ken masapul a mailimug iti danum wenno iti taraon. Kaaduanna a magatang pay ti kava kava iti extract wenno tubbog a mailaok iti danum tapno maaramid nga itsa.

Dadduma nga usarna: agasanna ti ut-ot, sakit iti ulo ken migranes, panagbaba ti timbang, panagkapsut, gubatenna ti di pannakaturog ken paattiananna ti nagbalay a danum.

Ti kava kava ket mild narcotics. No adu ti maipauneg, dadaelenna ti abilidad ti maysa a tao nga agmaneho. Saan met a mabalin nga ipauneg dagiti addaan iti sakit a Parkinson's desease wenno dagiti agus-usar iti benzodiazepines [antidepression].

-Lemon Balm [Melissa officinalis] ket maysa a klase ti mint plant a masarakan idiay Yoropa. Ti lemon balm ket makabang-ar iti rikna. Paginanaenna ti nervous system ken mildly sedative. Iti libro nga "The Historic of Plants," nga insurat ni John Gerald idi 1597, kunana, "marikna ti puso ti ragsak ken papigsaenna ti espiritu."

Pukawen iti panaginum ti lemon balm tea ti stress ken nerbios. Makuna a maysa daytoy kadagiti herbal a mamagkalma iti nerbio.

Maaramat pay iti panagagas iti sakit ti tian wenno stomach distress, gubatenna ti di pannakaturog, pababaenna ti presion ti dara, timbengenna ti menstrual cycle.

Liklikan ti panagusar iti lemon balm no adda problema iti thyroid wenno salsalamagi. Singaen ti lemon balm ti hormone.

-Skullcap wenno "Scutellaria lateriflora," ket maysa a tranquilizing herb, kangrunaan nga usarna ti pagagas iti ania man a klase ti stress wenno nerbios nga adda pakainaiganna iti seks. Natalged, mild herb. Paginanaenna ti nervous system ken muscular tension. Masarakan ti scullcap iti North America. Iti nagkauna, agasan ti scullcap ti anxiety, insomnia, ket ti withdrawal manipud barbiturates iti tranquilizers.

Makaagas ti scullcap iti menstrual cramps, muscle spasm ken promote suppressed menstruation. Saan koma nga aramaten ti masikog ti scullcap. No masobraan ti pannakausarna, pataudenna ti panagulaw, stupor ken confusion.

-Valerian [Valeriniana officinalis]- masarakan daytoy idiay Yoropa ken makita payen iti akin-amianan a paset ti Estados Unidos ken iti Canada. Napagango ken powdered ti ramut ti valerian ken kangrunaan a maaramat a pagpakalma. Iti Aleman, nasurok a sangagasut a kita ti over-the-counter nga agas nga addaan iti valerian preparation.

Ti ramut ti valerian ket maawagan pay iti "valepotriates." Pagkalmaenna ti nerbio ken tumulong a mangpukaw iti anxiety. Addaan daytoy iti ramen a stress-reducing properties, ken mild sedative.

Idi 1989, nadiskobre da Dr. Holzl ken Goau ti Institute of Pharmaceutical Biology idiay Marburg, Germany, nga adda akem ti valerian a kas maysa a sedative, ngem isuna laeng ta saan a nakaro, ken maibilang daytoy iti grupo ti agas a benzodiazepines- ti "valium" ti maysa nga ehemplo. Saan a kas iti synthetic nga agas, saannaka a pagbalinen nga adik ti valerian wenno dependence. No maaramat a pagagas iti insomnia, awan ti mariknam wenno pataudenna a hangover, wenno dadaelenna ti konsentrasion a kas iti agas a Halcion.

Natalged daytoy nga agas ken epektibo a pagagas iti anxiety ken stress. Ibilang dagiti healthcare professions a ti valerian ket napili a pagagas iti anxiety ken insomnia.

Dadduma nga usarna: para iti ulcer, sakit ti ulo, colic intestinal gas, muscle cramps ken muscle spasm.

-Ti Vervain [Verbena officinalis] ket maysa kadagiti pito a sagrado nga herbal ti Druids, ti Celtic priests ken priestesses ti pre-Christian Gaul ken ti British Isle. Sagrado met kadagiti Romano.

Adda abilidad ti vervain a mangpapanaw iti nerbios ken ital-ona ti naan-anay a panaginana. Mausar pay ti vervain tea para iti dipresion, nervous exhaustion, strain, stress, tension ken sakit iti ulo. Naduktalan dagiti Tsino a nagsukisok nga adda pannakinaig ti vervain iti panaglukat ti urat iti utek. Ket daytoy ti gapuna a tumulong a mangilawlawag no apay a ti vervain ket maagasanna ti sakit iti ulo, karaman ti migranes.

Ital-o pay ti vervain ti espiritu, ngem tumulong iti aksion a mang-detoxify ti dalem.

Dadduma pay nga usarna: paaduenna ti gatas iti suso ti maysa nga ina, timbengenna ti menstrual cycle, agasanna ti eczema, panateng, trangkaso, uyek ken panagletteg iti akin-ngato a paset ti pagangsan.