Seks kalpasan ti 50: Piksion ken Kinapudno

[Nabulod laeng ti ladawan a naaramat]

Seks kalpasan ti 50: Piksion ken Kinapudno
ni Rudy Ram. Rumbaoa


KUNA dagiti dadduma, ti [kano] seks [wenno panaginnala/panagsipul/panagtipon wenno panagdekket ti dua a bagi/panagyot/iyot] ket para laeng kadagiti agtutubo wenno dagiti agtawen iti beinte ken agpangato. Ngem biddut daytoy a panangipapan. Awan kinapudno daytoy a pammaliiwda. Ti pannakiseks iti nagtenga a pessat ti biag ken iti labesna ket subjetivo wenno karakterismo ti panirigan wenno panagawat a nakasadag iti agsirsirig wenno umawat ken pangtikaw laeng ken saan a pudno ti impormasion.

Adtoy ti sumagmamano a gagangay a mito wenno pammati ken kaduogan nga estoria ti maysa a tao wenno lugar a mangirakurak kadagiti arapaap a koleksion dagiti tattao [myths], ken direktiba [diretso] nga estoria [dagiti nakapadasen] maipanggep iti panagnaig/pannakinaig kalpasan a madanon ti tawen 50.

Fiction [Partuat ti panunot/paltuad ti imahinasion]: [No] madanon ti labes ti tawen [kas koma ti 50], kuna[da] a bumassit ti interesna iti seks.
Kinapudno: Awan limitasion ti pannakiseks, ngem kadagiti tattao nga agtawen iti 50 ken agpangato, ti pannakapnek iti pannakinaig ket ad-adda nga agdepende iti kalidad ti relasion no maikumpera kadagiti ubbing a naasawaan. Iti maysa a datos a naisayangkat, kuna ti National Council on Aging a dagiti tao nga agtawen iti 60 ken nalablabes pay ti ad-adda nga addaan iti regular a panagnaig- 74 a porsiento manipud lallaki ken 70 a porsiento dagiti babbai ti agkuna [iti bukodda nga ekspiriensa] a napnekda a makinaig idi agtawen dagitoy iti 40.

Fiction: No mataenganen ti maysa a lalaki, mapukaw ti abilidadna a mangpatangken ti mabagbagina [boto].
Kinapudno: Awan ti pakainaigan ti tawen iti saan a panagtangken ti boto. Nupay kasta, ti in-inut a panagpukaw wenno panagkissay ti hormone levels ti mabalin a bunga wenno resulta wenno mangitunda ti panagbaliw. Kasapulan ngarud ti lalaki ti nayon a physical stimulation [wenno pisikal a pamparegta/pampapigsa] tapno magargari [wenno mariing wenno makarikna iti uttog] ti boto a tumangken, ngem saan a namnamaen ti katangken kas idi isu pay la ti agtutubo- pudno a makapaganas, makaparagsak, makapakontento ken makapabang-ar ti seks.

Ti lalaki nga agtawen iti 25, kabaelanna pay laeng a patangkenen ti mabagbagina iti kaalisto a 15 minutos kalpasan ti umuna a panagparuarna, idinto ti lalaki nga agtawen iti 50, urayenna ti sumagmamano nga oras tapno tumangken manen ti boto[na].

Fiction: Ti emosion ken sikolohika [kano] ti mangisunsuno [ti maysa a banag] wenno gapuan nga akinresponsibilidad dagiti babbai iti nagtenga a pessat ti biag ken iti labes a tawen.
Kinapudno: Adda dakkel nga akem ti pisikal a banag iti pannakiseks dagiti babbai. Ti panagbaliw ti hormones ken panag-menopause ti makaapekto iti pannakiinnala [seks] dagiti babbai. Agresulta iti namaga ti mabagbagi [wenno uki], mangitunda ti saan a pannakapnek iti seks no nababa ti bilang ti estrogen ti babai.

Kadagiti dadduma a babbai, no nababa ti testosterone level ti mangiduron kadakuada nga awan enerhia ken nakapsut ti panangimaneho ti panakiinnala iti partner-na. Masarakan met dagiti sabsabali pay a babbai ti interesda [wenno gagarda a makinaig] iti seks kalpasan ti panag-menopause [wenno kadawyan a panagbinulan/agparuar ti dara dagiti babbai]- kas ti panagbaliw wenno panagiyakar ti ratio manipud ti testosterone mapan iti estrogen ken progesterone.

Fiction: Mapukaw ti babai ti panagganas no magtengan[na] ti nangatngato a tawen.
Kinapudno: Saan. Naduktalan a kaaduan kadagiti babbai ti nadegdegan a makarikna iti seksual a panagganas kalpasan ti menopausal period, karaman ditoyen ti masansan wenno nalablabes pay a pannakarikna ti ganas ken ragsak.

Fiction: Ti masturbation [agsalsal, agdiakol, ay-ayamen ti boto, ay-ayamen ti uki] ti mangpukaw ti abilidad a mangimas/mangganas ti seks iti partner.
Kinapudno: Ad-adda ketdi a degdegan ti panangay-ayam ti mabagbagi ti ragsak [wenno pannakakontento, bang-ar, ganas, ay-ayo] ti seks, agpada nga adda wenno awan partner. Para kadagiti babbai, matulongan ti mabagbagida [uki] nga agbabasa ken tapno mabennat ken mangpaadu ti hormone levels, a daytoy ti mangpikar iti panangimaneho ti seks. Kadagiti lallaki, makatulong daytoy a mangpatangken ti boto.

Fiction: Mapukaw ti lalaki ti abilidad a mangpatangken [ti boto] kangrunaan wenno gapu iti emosional a problema.
Kinapudno: Ti aktualidad [wenno kalidad ti kinaaktual], ti pisikal a gapu- kas koma iti problema ti sirkulasion [ti dara], problema iti prostate ken side effects manipud kadagiti naireseta nga agas ti posible a makagapu. Gapu iti daytoy, adda agarup 85 a porsiento ti addaan iti kastoy a problema [erectile difficulties].

Fiction: Kunada dagiti agasawa [wenno agayan-ayat] a makadanon iti nagtenga a pessat ti biag/tawen wenno ti nalablabes pay ti awan regular a panagnaig wenno/ken mapukaw ti interes[da] nga agseks.
Kinapudno: No awan ti regular a panagnaig dagiti nataengan, mabalin a gapu ti kaadda iti maysa kadakuada ti diperensia, sakit wenno adda kasasaad nga ag-agalen a pisikal wenno mental.

Ket agpayso, saan nga agnanayon [wenno kankanayon a marikna] nga agtalinaed ti seks a kas iti dati a tawen. Ngem ti panagbaliw ti saan a mangakem amin dagitoy negatibo a banag. Kas koma no nalpasen a naglasatan ti babai ti panagbinulan ken awan ti pakaseknanna iti panagsikogna, mabirokan dagiti kaaduan nga agasawa ti alisto a panag-relax ken panagnaig. Ket dagiti agasawa a nagretiro wenno agtartrabaho pay laeng kas part-time ti masansan nga adu ti oras ken enerhia para iti tunggal maysa, wenno agnaig kasta met a makipaset/mangibingay iti bukodda nga aktibidad kadagiti assawa/partners-da.

Iti nagtenga a pessat ti biag, ammom a bukodmo ti bagim ken ti partner-mo [kabagian, am-ammo, nasinged, gagayyem], ken dita a masarakan no kasano a maipeksa ti pagsarsakam wenno pagganasam. Ti konfiansa wenno panagtalek ken ekspiriensa ti mabalin a resulta ti nasaysayaat ken naim-imbag a panagnaigyo iti partner-mo. Ta importante met, emosional a pannakagun-od wenno pannakatun-oy ti seks gapu ta iturong wenno imanehona ti hormones ken degdeganna ti panangibinglaymo ti rugso [wenno derrep, essem ken rasuk] iti ka-partner wenno asawa a mangipatpateg kenka. Mabalin a manmano nga agnaig dagiti agasawa kalpasan ti tawen 65, ngem ne, adu latta ti makasarak ken agbalin pay a maliwliwa wenno makarikna ti panagganas iti dayta nga edad.