Ti Hormones a kas Aprodisiak [Maikapat iti Lima a Paset]

[Nabulod laeng ti ladawan a naaramat]

Ti Hormones a kas Aprodisiak
[Maikapat iti Lima a Paset]
Ni Rudy Ram. Rumbaoa 

Ti DHEA
-wenno dehydroepiandrosterone, maysa a hormone a patauden ti adrenal glands a mabalin a mangbaliw ti kasapulan iti sabali a hormones. Maysa daytoy nga androgen ken masansan nga agbaliw iti testosterone ken mabalin pay nga agbaliw a female hormones.

Iti sabali a bangir, agparang nga adda sabali nga akem ti DHEA. Patien a pasiglatenna ti immune system. No bumaba ti bilang ti DHEA, agparang ti simtomas ti panaglakay/panagbaket, karaman ditoy a bumaba ti libido.

Malapdan kadi ti kaadda ti DHEA dagiti simtomas ti nataengan? Uray ti patay wenno alisto a panagbaba ti DHEA? Awan pay ti makaammo ngem agparang a ti DHEA ket bio-marker. Kayatna a sawen, marukod ti level iti bagi no kasano ti kaadayo ti proseso ti panagprogreso ti nataengan.

Bayat ti kinaagtutubo, ti DHEA ti nawadwad a paggapuan ti steroid hormones iti bagi. Mapattapatta iti nagbaetan ti tawen a 25- 30, mangrugi a bumababa ti level ti DHEA iti 2 porsiento ti tunggal tawen. No madanon ti tawen 90, ti level ti DHEA iti indibidual ket agarup 5 a porsiento. Sakbay ti ipapatay, agbalinen a zero wenno awan ti level ti DHEA.

Kayatna kadi a sawen ti panagipauneg iti DHEA supplements ket kasupadi ti simtomas ti nataengan, pannakaisubli ti pigsa ti kinaagtutubo ken mangpagaget manen ti sex life? Adda namnama, ti sungbat ket mabalin a wen. Kas resulta, magatang ti DHEA supplements iti sadino man a lugar.

Asino ti mabalin nga agipauneg ti DHEA?
-masansan a saan a maisingasing nga ipauneg dagiti agtutubo ti DHEA malaksid no ibaga ti doktor. Ti etiketa a masarakan iti DHEA supplements ket ibagana no dadduma a saan nga usaren ti DHEA no nababbaba ti tawenmo ngem iti 40.

Kadagiti ordinario a pasamak, masapul a panunoten a naimbag no kasapulan nga usaren daytoy a suplimento a DHEA agingga a mangrugi a bumababa iti natural ti levels. Gapu ta ipangato ti DHEA ti levels ti testosterone ken estrogen, saan a rekomendado para iti asino man nga addaan iti klase ti kanser a hormone-dependent kas iti prostate cancer wenno breast cancer.

Ania dagiti kalintegan nga itden ti DHEA?
-maikalintegan nga itden ti DHEA ti benepisio iti testosterone ken estrogen- kalbiten ti DHEA ti panagpataud iti bassit a bilang ti testosterone wenno estrogen a mabalin a kasapulan nga isubli ti rikna ti kinaagtutubo.

Makuna, ti DHEA ket:
>pasiglatenna wenno isublina ti panangimaneho iti seks
>yaduna ti enerhia ken panangiturong
>pagimbagenna ti marikna
>ibabana ti stress
>labanananna ti pannakabannog ken dipresion
>puoranna ti taba
>padakkelenna ti piskel
>tumulong a mangpukaw ti taramidong
>tumulong iti "dry eye"
>padur-asenna ti lagip
>papigsaenna ti immune system
>lapdanna ti atake iti puso

Ania dagiti ebidensia a mangsuporta ti kalintegan ti DHEA a mangpasiglat iti seks?
-dagiti ebidensia ket kangrunaan nga anecdotal manipud iti doktor a nagireseta iti DHEA kasta metten kadagiti nagusar iti DHEA. Nairakurak a ngumato ti interes dagiti lallaki iti seks ken dimmur-as ti sex performance-da. Kadagiti dadduma a nataengan a lallaki a saan a tumangken ti boto/mabagbagida iti bigat ti nakaekspiriensa iti panagbaliw ti kinalalakida manipud nagipaunegda iti DHEA. Nairakurak met a dagiti babbai ket immadu ti libido nga amang no maikumpera kadagiti lalaki. Mabalin a maipagarup nga ipangatona ti DHEA ti testosterone levels iti babai no ikumpara iti lalaki nga addaanen iti nangato a testosterone levels.

Pasiglatenna ti pisikal nga aspeto ti seks, tratuen ti DHEA ti emosional nga aspeto. Mangted bang-ar iti rikna ti ragsak ken pagimbagan, labananna ti dipresion ken suktanna iti nakananama a kapanunotan. Amin dagitoy a positibo nga emosion ket kontribusion a kumamang iti aktibo ken pannakapnek a sex life.

Nasayaat kadi nga ipauneg dagiti babbai ti DHEA?
-segun iti clinical trials kadagiti babbai nga agtawen iti nasurok a 40, naipakita iti pagsubok nga uray pay 50 mg ti ipaunegda a DHEA iti tunggal aldaw [ti gagangay nga ipapauneg a dosage dagiti lallaki] ti ngumato ti testosterone levels laeng iti normal a salun-at iti ub-ubbing a babbai. Daytoy ket gapu iti agpada a testosterone ken DHEA levels ti babai ken lalaki.

Ti testosterone levels ti agtawen iti 40 a babai ket maipagarup a kagudua iti agtawen iti 20. Mangpataud ti problema no nangato unay a dosage ti DHEA. Naduktalan dagiti nagsukisok nga ipangato ti 300 mg oral dose ti crystalline ti DHEA ti testosterone levels a mangpataud iti epekto ti masculine kas koma iti panagtubo ti buok iti rupa ken ibabana/pabangagenna ti boses ti babai. Masansan a maipauneg laeng ti 25 mg para kadagiti babbai.

[Adda Tuloyna]

Ti Hormones a kas Aprodisiak [Maikatlo iti Lima a Paset]

[Nabulod laeng ti ladawan a naaramat iti artikulo manipud iti Anabolic-Matrix Rx]

Ti Hormones a kas Aprodisiak
[Maikatlo iti Lima a Paset]
Ni Rudy Ram. Rumbaoa

Testosterone

DAYTOY ti kaaktibuan iti male sex hormones wenno maawagan iti androgens. Isu ti kangrunaan a male hormones, ti kakaisuna a mangtengngel ti panagdur-as ti seksual ken panangimaneho iti seks. Iti ruar ti sexual arena, impluensiaan ti testosterone ti amin a langa ti salun-at a pisikal ken emosional a langa ti maysa a lalaki.

Adda Dua a Mapapati a Common Myths wenno Mito [Duogan nga estoria] ti Testosterone:
-umuna ket para laeng iti lalaki. Nupay saan nga agpataud ti lalaki iti ad-adu a bilang ti hormones kas kadagiti babbai.
-maikadua, ti laeng testosterone ti kakaisuna a hormone a makaapekto iti panangimaneho iti seks.

Ngem mabalin a saan a pudno daytoy nupay ti epektona iti seks ket lumbes nga aggapu manipud iti sabali pay a hormones, iti agpada a lalaki ken babai.

Ti kinapudno a maipanggep iti testosterone ket ti mismo a hormone ti mangidirekta ti panagdur-as ken seksualidad. Para iti lalaki, isu ti hormone ti pigsa, seks ken stamina. Para iti agpada a sexes testosterone ket aggapu iti nakaparsuaan ti ultimatum nga aprodisiak, responsable ti hormone ti panangimaneho iti seks ken seksual a tarigagay.

Kasano a Maapektaran ti Testosteron ti Lalaki?
-pagtalinaeden ti testosterone ti rikna ti lalaki a seksi, napigsa, nasalun-at, mamati iti bukodna a kabaelan, ken asertibo. Iggemna dagiti simtomas nga adda pannakinaigna iti edad.

Ti adult male, testosterone:
>Tengngelna ti panangimaneho iti seks
>Kasapulan para iti panagrugso
>Yaduna ti seksual a pantasia
>Tenglenna ti panagpataud iti kapsit
>Tenglenna ti abilidad a mangmentenar iti panagtangken [ti mabagbagi ti lalaki]
>Padakkelenna ti piskel
>Ingatona ti metabolismo tapno mapuoran ti taba
>Ray-awenna ti rikna
>Papigsaenna ti kabaelan
>Rasionanna ti panangimaneho [iti seks] ken ambision
>Yaduna ti ugali ti kina-asertibo
>Padur-asenna ti lagip
>Tumulong a manglapped ti osteoposoris
>Ibabana ti kolesterol
>Proteherenna ti sakit iti puso.

No ngay sobra ti Testosterone?
-iti normal a bilang, agpataud ti testosterone iti kaustuanna, self-confidence, competitiveness ken asertibo nga ugali--masansan a kualidad a panunot kas positibo nga agballigi. Ngem ti sobra a testosterone, agwaras dagitoy a kualidad ket mabalin a yegna ti perdision ken nakaam-amak a resulta ket agbanag ti tao kas:

>Domineering, kayatna a tenglen, nabileg ken managbisin
>Sobra ti kinaagresibo, abusado, bayolente unay
>Iritable, ill-tempered, saan a naimbag a rikna, managpupungtot
>Makikompitensia, dina maako ti pannakaabak
>Iresponsable, impetous, saan a mamatpati
>Saan a simpatetiko, inconsiderate, awan panagraem ken boorish.

Ania dagiti Simtomas iti kinababa ti bilang ti Testosterone?
-problema iti seks- kurang ti libido wenno seksual a tarigagay ti komon ken kangrunaan a simtomas no nababa ti bilang ti testosterone. Saan daytoy a kas iti kina-inutil, no sadino nga adda seksual a tarigagay ngem ti abilidad nga agpatangken ti awan. Ti lalaki a nababa ti testosterone levels-na ket mabalin a makinaig ngem bassit wenno awan ti interes, wenno uuttoganna a mangirugi ti aktibidad iti seks. Mabalin a mariknana iti kina-inutil ngem saan met.

Kannayon a kurang iti libido, patauden pay ti nababa a testosterone a bilang ti iparuarna a volume ti ejaculatory fluid.

Problema ti salun-at
-ti kinakurang ti testosterone ket isangbayna ti alisto a panaglakay. Ti simtomasna kas iti rikna ti mabanbannog, pannakapukaw ti pigsa, ken sabsabali pay a seniales a kannayon ti edad:

>Panagpukaw ti pigsa ken panagkuttong ti piskel
>Panaglukmeg wenno flabbiness
>Panagbaba ti bone mass
>Panagpukaw ti pleksibilidad ken mobilidad
>Anemia
>Aglanga ti kaaddan iti edad [aglanglanga a nataengan]

Problema ti emosion
-pataudenna ti dipresion ken apathy, pannakapukaw ti ganas nga agbiag ken kurang ti interes kadagiti aktibidad. Sabali laeng ti yegna a kaawan ti responsibilidadna.

Agbaliwbaliw kadi Testosterone levels ti lalaki?
-saan a maitunos wenno mairupir ti testosterone level ti lalaki. Pumangato ken bumaba ti cycle-na iti tunggal 15 agingga iti 20 a minutos. Agbaliw daytoy iti ania man nga oras ti aldaw wenno tawen.

Kuna ti maysa a panagadal a ngumato ti bilang ti testosterone iti bulan ti Disiembre. Nangato ti bilang ti testosterone iti umuna a panagriing ti bigat. No madanonan ti aldaw, bumaba daytoy iti one-third agingga iti one-half. Daytoy a panagbaliw ti testosterone level iti mangpataud ti narigat nga apagisu a bilang ti testosterone ti indibidual.

Maysa a panagadal ti nayuswat tapno makita ti diperensia iti testosterone levels dagiti lallaki. Nairaman ti nobenta dos a lallaki iti walo a klase ti pagtrabahuanda, karaman dagiti awanan panggedan.

Kadagiti pagtrabahuan a naadal, dagiti ministro ti kababaan iti testosterone levels; professional football players ken actors ti kangatuan. Dagiti trial lawyers ti nangatngato ti testosterone levels ngem iti non-trial lawyers.

Ania ti normal Testosterone level?
-adda maikondisdera a kaadayo/kalawa wenno wide range a normal testosterone levels. Kayatna a sawen nga adda normal a level ti testosterone uray pay no mangrugin nga agedad ti lalaki. Agarup maysa ket apagkatlo iti amin a lallaki ti makaekspiriensa i ti panagbaba ti testosterone a makaapektar ti bagi ken emosion.

Iti edad 65, nasurok a 60 % iti amin a lallaki ti addaan iti nababa a level ti testosterone uray pay no 30% kadagitoy ti nababbaba iti normal range.

Ikeddeng kadi ti Testosterone level ti pigsa ti panangimaneho iti seks?
-iti kaudian a panagsukisok, saan.

Rumrummuar nga agpada a lalaki ken babai ti addaan iti apagisu a bilang ti testosterone a kasapulan a panagsinnukat iti seksual a tarigagay. Ad-adu a testosterone iti ngatuen ti bilang ket saanna a papigsaen ti seksual a tarigagay wenno iti bilang ti seksual nga aktibidad.

Iti sabali a bangir, pukawen ti nababa a testosterone ti gartem iti panagimaneho ti seks [ngem saan a madagdagus] iti agpada a lalaki ken babai.

Ikeddeng ti kaaduan a bilang ti makagapu iti panagimaneho ti seks, saan a maaramid ti testosterone nga agmaymaysa daytoy. Awan ti ebidensia a mangipakita ti testosterone ti akin-responsable ti nagduduma a panangimaneho ti seks iti nagbaetan ti indibidual, lallaki wenno babbai.

Sabali pay a makagapu a  karaman ti hormones ti addaan iti akem iti panangikeddeng ti pigsa ti seksual a tarigagay. Kasta met nga awan ti ebidensia a saan nga apektaran ti testosterone level ti sexual orientation ti lalaki ken babai.

Kasano ti kaadu a Testosterone a patauden ti babai?
-agpataud ti babai iti agarup 0.2 mg a testosterone iti inaldaw, agarup 5 agingga iti 10 a porsiento iti bilang a mapataud ti lalaki. Iti daytoy a bilang, agarup kagudua ti mapataud babaen ti aanakan ken adrenal glands. Ti nabatbati a kagudua ken sintetiko manipud iti hormone precursors- kas iti DHEA.

Kas iti lalaki, ti patauden ti babai a testosterone ket in-inut a bumaba ti bilangna no daytoy ket mataenganen. Iti tawen a 40, agbalin a kagudua ti testosterone ti babai.

Kaaduan a babbai ket agkurang iti testosterone no ag-menopause. Ti panagbaba ti bilang ti testosterone i ti babai ket agdepende iti nakaro a simtomas manipud iti pannakapukaw ti testosterone.

Kasano ti kaadu a Testosterone ti patauden ti babai?
-normal a patauden ti bassit a bilang ti testosterone babaen ti babai a mangted kadakuada iti seksual a tarigagay wenno libido. Tumulong pay ti testosterone a mangikkat iti menopausal symptoms, isublina ti enerhia, papigsaenna dagiti tultulang, ken pukawenna ti dipresion. Nupay agpataud laeng dagiti babbai iti bassit a testosterone, kasta met ti lalaki, kayatna a sawen a saanda laeng nga addaan iti kaputol wenno kapigis iti panagimaneho ti seks iti lalaki. Ketdi, dagiti babbai ti nasensensitibo ti testosterone ngem iti lalaki- sungbatanda ti bassit a bilang ti hormone.

Tumulong ti testosterone tapno agbalin a sexually receptive ti babai gapu ta reseptibo ti testosterone iti mungay ti suso, clitoris ken mabagbagi ti babai-- dagitoy a lugar ti sensitibo iti sexual stimulation.

Kasano a Maapektaran ti kinakurang a Testosterone iti Babai?
-kuna ni Susan Rako, MD, a maawagan ti kondision kas "Female Androgen Defficiency Syndrome," wenno FADS. Daytoy a kinakurang ket pataudenna ti saan a naragsak a pannakinaig ken narigat pay a madanon ti alimpatok. Kannayon ti daytoy iti kinababa ti level ti enerhia.

Natural a bumababa ti testosterone level ti babai gapu iti menopause wenno hysterectomy. Dagiti dadduma gapu iti dipresion, fatigue, sakit ti ulo, awan tarigagay iti seks, umres dagiti piskel, panagbassit ti pubic hair, pannakpukaw ti lagip.

Apektaran ti testosterone ti sungbat ti babai iti seks gapu ta no awan ti testosterone iti babai, mapukawna ti kinasensitibo nga itden a marikna iti seks iti mungay ti suso ken iti mabagbagina.

[Adda Tuloyna]

Ti Hormones a kas Aprodisiak [Maikadua iti Lima a Paset]

[Nabulod ti ala a ladawan manipud iti Articles Web]

Ti Hormones a kas Aprodisiak
[Maikadua iti Lima a Paset]

Ni Rudy Ram. Rumbaoa

Ti Hormones ken Panangimaneho ti Bagi iti Seks

ITI amin a mammals, ti panangimaneho ti bagi iti seks ket panangiturong ti hormones. Ngem nupay kasta, ti panangimanehotayo iti seks ket maisupadi iti maysa nga importante a respeto manipud kadagiti dadduma a mammals. Kaaduan a babbai a mammals ti agbalin a reseptibo iti seks ken aginnalada laeng bayat ti estrus, wenno pudot, iti mapili nga oras ti kada tawen. Agtugmok ti bara ti tiempoda babaen iti obolasion, ket ditoy a padakkelenna ti tsansa nga agsikog.

Iti sabali a bangir, agragsak ken imasen dagiti babbai ti pannakinaig iti ania man a tukad ti monthly ovulatory cycle, kasta met a kalpasan iti pannakaikkat ti aanakan wenno ti sumangbay a panagbinulan. Saan a kas kadagiti mammals, ti obolasion iti babai a tao ket saan a mamarkaan iti panagbaliw ti ugali wenno sabsabali a pagilasinan a nakadidillaw iti lallaki. Ngem ketdi, madeterminar dagiti lallaki ken babbai no daytoy ket kabalinanna ti agsikog iti ania nga aldaw. Saan a mawaswas wenno mabaliwan ti panangimaneho ti bagi iti seks. Saan nga agparang wenno pagpaadu iti ania man a kita ti panangimaneho ti bagi iti seks.

Kasano a Maapektaran ti Relasion ti Hormone Levels?
-No ti babai ket saan nga ag-ovulate, ti sex drive-na ket adda pay la sadiay, ngem saan nga agbaliw. Ngumato ken bumaba kas iti panagngato ken panagbaba ti sex hormones ti maysa nga indibidual. Agpayso daytoy iti agpada a lalaki ken babai. Ti panagsinnukat ti hormone levels ket direkta a pannakaitupak ti sex drive ken mabalin a mangperdi ti maysa a relasion no di mabigbig wenno maawatan ti makagapu. Ti panagngato ken panagbaba ti bilang ti hormones, kasta met iti interes ti pannakinaig. Natural ti panagngato ken panagbaba dagiti dalluyon ta maipadto daytoy segun iti cycle of seasons. Ti problema ket ditay mabigbig no ania ti mapaspasamak gapu ta saantayo a maawatan ti kemistri ti bagi. No mapukaw ti seks ti ganas, masansan a pabasolentayo ti partner wenno ti bukodtayo a bagi. Ngem kaaduan a kaso, pabasolentayo ketdi dagiti hormones-tayo.

Kasano a Maapektaran ti Hormone Levels ti Edad?
Ti Hormone levels ket kankanayon nga agbaliw--iti aldaw, lawas ken bulan ken uray iti tawen. Iti nagbaetan ti tawen a 25 ken 30, nangato ti levels ti hormone. Kalpasanna, mangrugi a bumaba babaen iti panangidaulo ti DHEA. Bumaba ti rate ti DHEA iti agarup 2 a porsiento ti tunggal tawen.

No mangrugin ti panagbaba, saantayo a mapakdaaran iti panagbalbaliw, ngem ketdi no madanonan ti katengngaan nga edad. Ket manipud ditoy, saantayo a maaramid dagiti banag nga inar-aramidtay idi. Saantayon a napigsa kas idi. Masansan ketdi ti pannakarikna ti alisto a pannakabannog. Mapukpukawen ti sex drive. Agbalitayo a flabby, mabalin a nalukmeg uray pay no kalikagumtayo ti agwatwat wenno agdiyeta.

No mangrugin ti panag-menopause ti babai, narigatdan a gargarien. Pumaspas ti panagbaba ti hormones-da. Ti apekto daytoy a pannakapukaw ti hormone iti sex life dagiti babbai ket mabalin nga agtennag iti nakaro. Kannayonna ti emotional distress, ti panagibus ti hormones ket pabassitenna ti tarigagay ti seks ken rugso. Agmaga, agingpis ti diding ti mabagbagi ti babai ket daytoy ti mangpataud iti naut-ot a pannakinaig.

Matengngel kadi ti Hormone Levels?
- no bumaba ti bilang ti hormones, yegda ti simtomas ti edad wenno nataengan [kinalakay/kinabaket]. Dakkel ti impluensia ti hormones iti biagtayo, ngem mabalin a matengngeltayo ti sumagmamano kadakuada.

Ti Diyeta ken Suplimento ti Taraon
-Saan nga agidulin ti bagi iti hormones, ngem kankanayon a mapunno/paaduen ken mapataud. Daytoy ti mangted kadatayo iti tsansa a sumrek ken apektaran ti hormone levels. Gapu ta ti hormones ket sintetiko babaen ti bagi manipud iti substansia a karaman iti taraon, mabalintayo nga yadu ti hormone levels nga aggapu iti taraon nga ipauneg ken babaen ti aggapu iti suplimento ti taraon.

Yababa/Ikkaten ti Stress
-Direkta a maimpluensiaan ti hormone levels babaen ti stress- agpada a pisikal ken emosion. Ket babaen iti panangyammo ti stress-reducing strategies iti biagtayo, mabalin a mabalanse ti hormone levels. Panagwatwat ken meditasion ti ehemplo ti natural stress-relieving strategies. Maysa pay ti pannakiseks. Kanayonna iti panangyababa/panangikkatg ti stress, ipangato ti seks ti levels ti sex hormones. Daytoy ti mangidalan ti tarigagay iti ad-adu nga aktibidad ti seksual. "Use it or lose it."

Panagwatwat
-ti panagwatwat iti regular, kayatna a sawen- nasaysayaat ti seks. Adda koneksion ti nagbaetan ti agbalin nga aktibo pisikal ken itag-ay ti enerhia ti seks. Kas iti panagwatwat, pumigsa ti seks.

Agpanunot iti positibo
-apektaran ti hormone levels saan laeng no ania ti aramidentayo, ngem karaman ditoy ti panagpanunot. Agpanunot iti positibo ti mangital-o ti bilang ti hormones. Pabassiten ti negatibo a panagpanunot. Ngem agpada a mangtengngel ti positibo ken negatibo a panunot ti hormones.

Hormone Supplimentation
-no kasapulan ti pannakibaet ti medikal, mangireseta ti maysa a doktor iti natural wenno sintetiko a hormone boosters. Sumagmamano kadagitoy nga hormone suppliments ket naaramid manipud iti phytochemicals [plant chemicals] ken magatang iti food stores. Magatang iti nagduduma a kita kas iti tableta, pildoras, creams ken suppositories.*

[Adda Tuloyna]