Maaramat ti Pheromones a Mangray-aw ti Seks

MAARAMAT TI PHEROMONES A MANGRAY-AW TI SEKS
ni Rudy Ram. Rumbaoa

Saan a paggaayat ti angot ti ling-et ti maysa nga agayat, gapu ta ibaklay ti agayat ti ling-et kas marka ti kinataona. Daytoy ket naidumduma ta insigida a malagip ti agayat ti pisikal a kaaddana iti rason a saan a maaramid ti ladawan...

[Nabulod laeng ti ladawan a naaramat. Ti panangadal dagiti agsuksukisok iti human pheromes]

 TI love potion iti tao ket addaan iti body secretions. No daytoy ket masarakan iti isbu, ling-et, semen wenno iti dara ti agbinulan a babai- ket nabaknang dagitoy a substansia iti pheromones [maysa a kemikal a substansia a mangsagepsep iti ruar babaen iti sumagmagmano nga animal [nangruna ti insekto] a mangimpluensia ti fisiologiko wenno siensia a mainaig iti panagobra dagiti sabsabali a partes ken organo ti maysa a banag partikular dagiti sibibiag, ken/wenno ugali dagiti dadduma nga animal iti agpada nga ispesies wenno taxonomia dagiti agpada a sibibiag a bambanag a mabalinda nga agasawa] ket partuatenda ti insigida wenno dagus a pannakarikna ti gartem/tarigagay ti lasag.

Manipud panawen ti kupongkupong agingga kadagitoy a tiempo, agtultuloy pay laeng iti pannakausar ti love potion. Kas koma iti nasulinek a lugar ti pagilian a Brazil, agiserbi dagiti babbai ditoy iti nairanta a lover coffee a nasagat iti saan a nalablabaan nga underwear da. Iti New Guinea, ipunas ti lalaki ti panyo iti ling-et iti kili-kilina sana ipaangot daytoy iti babai a kursunadana.

Makaparay-aw ken makakayaw iti rikna ti pheromones, malaksid iti panangpataudna iti makaprobokar a pannakisarita nangruna kadagiti cocktail parties.

Ket ana ngay ti maipaay ti pheromones a mangpasabor kenka ken ti sex lifemo?

-Kunada a makatulong daytoy a mangawat ti kemistri ti sekskual attraction- apay a maatrakarka iti sabali a tao ken uray pay dagiti gagayyemmo a kunada kenka, "Diak ammo no ana ti nakitam kenkuana?"

-Mabalin pay nga agbalinka a naridam iti sosiodad/komunidad kadagiti agpanggep a mangdadael ti kaadda kenka a pheromones. Kas pagarigan, ibagada kenka nga agaramatka iti deodorizer wenno agaramatka iti nakipet a kawes tapno di rummuar ti angot ti pheromonesmo. Ngem ania man ti sawenda kenka, adda met la kenka nga agdesision no surotem ti singasingda.

-Agbalinka pay nga informed consumer. Addaanka iti sirib a mangammo no ana ti adda ken awan wenno maaramid ti human pheromones ken tumulong kenka nga agpanunot sakbay a gumatang iti maysa a produkto a mangikalintegan nga addaan iti pheromone content ti tagilakoda.

[Nabulod laeng ti ladawan a naaramat. Science of Body Perfumes and Pheromones]

Adda sumagmamano a wagas a pakaaramatan ti pheromone nga agserbi a mangray-aw:
*Ti kili-kili kas pakaay-aywan-
Ti kili-kili ti maysa a pakaay-aywan a paset ti bagi ti tao gapu ta adda ditoy ti konsentrasion ti pheromones-producing apocrine glands ken gapu ta adda buok ti kili-kili, a maysa pay nga agbalin a sexual attractant.

Tapno magun-od daytoy a bentahe nga itden ti bileg ti pheromones, ipakitam ti kili-kilim wenno iyeksposmo. Ipangatom dagiti takiagmo tapno maruk-atan ti pheromones iti kili-kili.

*Lapdan ti panagaramat iti clothing trap-
Adda tiempo a kayatmo a maruk-atan ti pheromones iti angin, lapdan ngarud ti agusar kadagiti nakipet a kawes kas iti body-hanging clothing.

Ti panagaramat iti veil, scarf, turbam wenno kallugong ti epektibo a manglapped ti pannakaruk-at ti pheromones manipud iti buok.

*Agibarbas wenno saan-
Agkukuyog ti kudil, glands, bakteria ken buok nga agpartuat ken agtrabaho kas maysa a factoria ti pheromones. Ana't mapasamak no ti babai ket ibarbasanna ti kili-kili wenno legs na? Mapukawna ti pheromones, ngem temporario laeng. Ti buok iti kili-kili ket tumulong a mangipalab-og kadagiti body secretions ken pabaraenna ti kudil iti panagpukaw ti pheromones.

*Awan ling-et?-
Saan a paggaayat ti angot ti ling-et ti maysa nga agayat, gapu ta ibaklay ti agayat ti ling-et kas marka ti kinataona. Daytoy ket naidumduma ta insigida a malagip ti agayat ti pisikal a kaaddana iti rason a saan a maaramid ti ladawan. Isu't gapuna a kaay-ayo nga isuot ti babai ti t-shirt ti ay-ayatenna, ket daytoy pay ti gapuna a matmaturog dagitoy iti sabali a suli ti katre no awan ti ay-ayatenda iti abayda. Naimarka iti kinatao daytoy a mangpalagip iti pisikal a kaadda ti
ay-ayaten.

*Awan angot?-
No kas pagarigan ti isyu ket "maangot wenno awan maangot," ngem saan ta dimo maangot- ngem daytoy ket temporio, gapu ta ti lamiis wenno agbalin a permanente [maysa a kondision nga awaganda iti "Anosmia"-ti kaawan kabalinan nga agangot gapu ta nabangenan/naperdi ti mapan iti olfactory nasal tissues wenno ti olfactory nerve wenno ti pannakalapped/pagelan iti nasal passages]. Ti naimbag a damag ket uray pay saanmo a maangot, adda pay laeng ti pheromones babaen iti VNO.

[Nabulod ti ladawan a naaramat. Bangbanglo nga adda laokna a Pheromones]

*Ti kinasiribmo iti pheromones ti tumulong a mangtakkuat ti ania man nga ikalintegam-
No agdesisionka nga agusar iti produkto ti pheromones, aramidem daytoy a nakamulagat ti mata. Panunotem, nupay adda banag a kas iti epekto ti placebo. Magun-odmo ti kalikagumam. Kuna ti pagsasao: no "Ti kanta ket naimbag a denggentayo, mabalin nga isu dayta ti mangray-aw ti rikna..."