Ti Neurotransmitters a kas Aprodisiak

[Nabulod laeng ti ladawan a naaramat]

Ti Neurotransmitters a kas Aprodisiak

[Maudi iti Tallo a Paset]

Ni Rudy Ram. Rumbaoa

Norepinephrine

MAYSA a kemikal a kaarngi ti Dopamine ti Norepinephrine, ken kas iti dopamine, agpada a sex booster ken mood enchancer dagitoy. Agpada a sintetiko iti utek manipud iti agpada nga amino acids, phenylalanine ken tyrosine, ken tunggal maysa kadagitoy ket baliwanda ti kemikal a partuaten ti utek.

Excitatory nuerotransmitters ti Norepinephrine, kayatna a sawen, ray-awenna ti neurons [selula ti nerbio] nga agpuor wenno pumiting. Kasta met a ray-awennatayo. Ti norepinephrine ti mangpapagna kadatayo ken iturongna ti aksiontayo. Tumulong a mangiladawan iti positibo a biag ken importante ti akemna iti reaksiontayo iti stress ken ti normal a trabaho ti immune system.

Ti norepinephrine ket pasiglatenna wenno pasidapenna ti lagip, panagsursuro ken ti abilidadtayo a mangipokus ti maysa a banag a maikagat. Isu pay ti mangted ti mensahe nga agturong iti endocrine glands tapno dagitoy ti mangruk-at ti hormones. Daytoy ken super-neurotransmitter, maysa kadagiti kangrunaan a neurotransmitters iti utek.

Saludsod maipanggep iti Norepinephrine

Kasano a pasiglaten ti Norepinephrine ti pannakinaig?

-direkta a pasiglaten ti Norepinephrine ti pannakinaig, mangimaneho ti seks, ken indirekta nga ital-ona ti estado ti emosional conducive to love-making. Isu ti kangrunaan a neurotransmitters nga aramaten ti nervous system a mangpaadu iti interes ti seks ken ti aktibidadna. Kannayonna pay: tumulong a mangtimbeng ti sexual behavior, gargarienna ti pannakaparuk-at ti hormones a mangtimbeng ti fertility, sex drive, ganas, ken metabolismo; pagandarenna ti positibo a rikna ken emosions ti conducive iti pannakinaig.

Ana ti mapasamak no bassit ti Norepinephrine?

Umuna, dipresion. Ti norepinephrine kasta met ti dopamine, isuda ti mamagtignay wenno mangpapagna ti aksiontayo. Ital-oda ti pakaragsakan ken mangted ti pannakapagusto iti biag. No bumaba ti bilang ti level ti norepinephrine, agresulta daytoy iti apathy, lethargy ken dipresion. Adda sumagmamano a droga a mabalin a mangagas iti dipresion- ti Tricyclic antidepressants- agtrabaho daytoy babaen iti panangipangatona ti bilang ti norepinephrine levels.

No maibus ti norepinephrine, agtennag iti chronic stress- ikadakkelna ti epekto ti stress. Iyeg pay ti panagkurang ti norepinephrine a mangpasakit ti epekto ti stress.

Maapektaran ti immune system: karaman daytoy a mangruk-at ti panagdakkel ti hormone, no sadino a kasapulan para iti umno a panagtrabaho ti immune system. No maibus ti norepinephrine levels, ibabana ti resistansia ti bagi iti impeksion, autoimmune diseases ken kanser.

No ngay nangato ti Norepinephrine level?

-agresulta iti iritable ken outburts of rage.

Kasano nga ipangato ti lebel ti Norepinephrine?

Adda pagkaarngian ti Dopamine ken Norepinephrine iti kemikal a makaapekto ti maysa iti maysa. Ti rekomendasion para iti dopamine ket seknanna ti nutrision, ehersisyo ken tenglen ti norepinephrine.

Nutrision

-kas met laeng ti dopamine, sintetiko ti norepinephrine iti bagi manipud iti amino acids tyrosine ken phenylalanine. Ti prinsipyo iti pannakaipangato ti bilang ti dopamine ket kasta met ti maipakat iti norepinephrine.

-taraon kas iti nabaknang a protina: napaneknekan nga ipangato iti maminsan a pannangan ti nabaknang iti protina a taraon ti bilang ti norepinephrine. Dagitoy ti paggapuanna: nalabbaga a karne, manok, turkey, seafood, tofu, beans, peas ken lentils.

-nutrision a pangsupusop. Ti nutritional supplement a Tyrosine [maawagan pay iti L-tyronsine] ti mangpapigsa ti norepinephrine gapu ta aramaten ti bagi ti tyrosine a mangsintetiko ti norepinephrine. Ti suplimento a DLPA ti maisingasing a maipauneg ti supusop a phenylalanine, no sadino kas met laeng iti tyrosine, isu ti precursor ti norepinephrine.

*DLPA- D-phenylalanine ken L-phenylalanine

Agpada ti phenylalanine ken tyrosine ti mangpasiglat iti tao ngem pataudenna ti insomnia [di pannakaturog] ken anxiety.

Liklikan ti agipauneg iti asino man kadakuada no agus-usar iti antidepressants wenno MAO inhibitor, wenno no nangato ti presion ti dara, phenylketonuria, malanoma skin cancer ken diabetes.

ehersisyo- kas iti dopamine, makatulong ti panag-ehersisyo a mangpasiglat ti norepinephrine. Nasayaat ti aerobic excercise.

acupuncture

temperatura ti bagi- no nangato ti temperatura ti bagi, apektaranna ti neurotransmitter levels, nangruna dagiti para ti norepinephrine. No nangato ti temperatura, pasiglatenna ti utek ngem nalamiis a temperatura, paginanaenna. Ipangato ngarud ti nangato a temperatura ti bilang ti neurotransmitter norepinephrine idinto ti nalamiis a temperatura, pabor iti panagngato ti serotonin levels.

Ti Endorphins

-bassit daytoy a substansia ti protina a nabiit pay a nadiskobre iti utek. Aglanglangada a kasla opium a kemikal no sadino ti epekto da ket kas met laeng ti neurotransmitters, nupay dagitoy ket saan a neurotransmitters. Maawagan dagiti dadduma kas polypeptides, dagiti dadduma, neurohormones. Iti daytoy a kaso, kemikal a mangidanon ti mensahe ti endorphins nga adda kanaigna iti trabaho ti agpada a neurotransmitters ken hormones.

Kas met ti dopamine, ti endorphins ket iyegda ti bang-ar. Isuda pay ti mangpatay ti ut-ot, ti natural a morphine ti bagi. Ti balikas nga endorphin ket naadaw iti "endogenous" ken "morphine"- kayatna a sawen, "morphine nga adda kenkuana."

Agtrabaho nga agpadpada ti endorphins ken dopamine. Aramaten ti utek ti endorphins tapno pabassitenna ti kinasensitibo ti ut-ot ken manglukat ti dalan ti dopamine a mangyeg iti bang-ar. Ti endorphins ti bukod a tranquilizers ti bagi. Adda pagkaarngianda iti morphine. Kasta met iti heroin ken agpapada amin ti operasionda iti bagi. Suktanda ti ut-ot iti euphoria. Mabayag ti epekto ti heroin gapu iti endorphins, ngem nupay nabileg daytoy, ruk-atanna ti temporario a rukod ti proteksion kadatayo manipud iti insigida a pannakarikna ti ut-ot manipud iti sugat wenno iti situasion ken kaada ti stress.

Kasano a pasiglaten ti Endorphins ti pannakinaig?

-pasiglatenna ti pannakinaig babaen iti panagngato ti bilang ti dopamine, daytoy ti mangpapigsa iti pannakaimaneho ti seks ken mangyeg ti dalluyon ti bang-ar. No maruk-atan ti endorphins, luktanda ti dalan ti dopamine a daytoy ti mangipalubos iti iseserrek ti ad-adu a dopamine.

Mariing ti endorphins babaen iti pagawatan ti apros [sense of touch]. Uyotan pay ti endorphins ti estado ti kina-emosional a daytoy ket kondusibo iti seks. Palag-anenda ti rikna manipud iti anxiety ken stress tapno mawadaan ti pagnaan ti seksual a pannakabang-ar. Isuda ti natural a tranquilizers ti bagi ta agakemda kas analgesics wenno painkillers.

Maysa nga importante a trabaho ti endorphins ket labananda ti epekto ti sobra unay a pannaka-stress, no daytoy man ket pisikal wenno siholohika. Kabusor ti stress ti bang-ar ket mapukaw ti kapasidad a mangrikna ti seks.

Kasano nga ingato ti level ti Endorphins?

-maruk-atan ti endorphins ken isu a mismo ti agsungbat iti physical stimuli. Isuda pay ti agsungbat iti panagpanunot ken emosion. Ikalawa ti endorphins ti produksion a manggubat ti ut-ot ti epekto ti placibo. Ngumato ti level ti endorphins babaen iti ehersisyo ti panunot ken bagi.

Agkatawa, umisem, agpanunot iti positibo

-makatulong amin dagitoy a mangbang-ar ti rikna.