MAITANTAN PANAGSARDENG TI PANAGREGLA [MENOPAUSIA] NO REGULAR WENNO TAGINAYONEN A MAKINAIG TI BABAI ITI ASAWANA

Agpayso kadi a maitantan panagsardeng ti panagregla no taginayonen a makinaig ti babai it asawana?

Hmm... Ala, ammuentay' man.

MAITANTAN wenno maibaybayag [delay] kano panagsardeng ti panagregla dagiti babbai a makinaig iti nasursurok ngem maysa a beses iti uneg ti maysa a bulan. Kastoy man panangilawlawag dagiti OB-GYNS [wenno OB- obstetrics/obstetrician ken GYN- gynecology/gynecologist]:

Iti kaudian a panagadal a naipablaak iti Royal Society Open Science, naamiris dagiti datos manipud kadagiti 2,936 a napili ken nakipaset a babbai iti Study of Women's Health Across the Nation [panagadal kadagiti babbai a nayuswat iti intero nga Estado Unidos]. Naduktalan dagiti nagsukisok a dagiti babbai a makinaig iti linawas ti 28% ti pagbabaan ti tsansa a maitantan panagsardeng ti panagregla[da] no maikumpera kadagiti babbai a makinaig laeng iti maminsan ti makabulan.

"Naobserbaranmi nga iti agdama a literatura ti menopausia, adda panagdur-as wenno panagbaliw a maekspiriensa dagiti babbai a naasawaan ti pannakaitantan [delay] panagsardeng ti panagregla--a nakasdaawanmi," kuna ni Megan Arnot, author ti nangidaulo iti panagadal ken kandidata ti PhD evolutionary anthropology iti University College London. "Awan ti adu a tao a nangpadas a nangilawlawag iti asosasion wenno koneksionna, ken ipagarupko a nalabit maysa daytoy a sungbat ti proseso ti panangibagay iti masansan/kanayon a panagnaig isut' gapuna a nagdesisionkami a masubok [ma-testing] no adda kinaagpaysuananna.

Ngem agurayka, ania aya ngamin ti menopausia [panagsardeng ti panagregla]?

Normal a parte iti biag ti menopausia kadagiti mangrugin a mataengan. Espesipiko ken partikular a kayatna a sawen nga itudo ti tiempo iti dose a bulan kalpasan ti maudi a panagbinulan ti babai, segun ti National Institute on Aging [NIA]. Bayat ti menopausal transition [aka perimenopause], dagiti tawen a sumagpat iti panagsardeng ti panagregla, maekspiriensa ti babai ti panagbaliw ti panagbinulanna-- apagdarikmat a pannakarikna ti bara, agbaliwbaliw ti karirikna ken sabsabali pay a simtomas gapu ta bumassit ti mapartuat ti bagi nga estrogen. Ti promedio a tawen ti babai iti Estados Unidos no agsardeng ti panagregla[na] ket edad 51.

Apay nga iyad-adu wenno kanayonen ti makinaig [makiyot, agpayot] tapno laeng maitantan panagsardeng ti panagregla kadagiti babbai a mangrugin a mataengan?

Saan a dinakiwas ti panagadal daytoy, ngem adda sumagmamano a teoria a maidatag ni Arnot. "Nalabit," kunana, "Dagiti babbai nga adda iti situasion sakbay ti menopausia [perimenopausal] ti saan a magargari a makinaig-- awan gartemna a makiinnala wenno makituon. Ngem innayonna, "Mabalin pay a nabalanse a nagun-od panagsisinnukat iti nagbaetan ti kalikaguman dagitoy dua ngem di agbinnagay iti agtultuloy nga ovulasion wenno panagtultuloy a proseso ti panagitlog ken panagsardengna."

Iti sabali a pannao, no saanka [ti babai] a makinaig, dika agsikog. Iti punto ni Arnot kunana, "bassit ti tsansa a mamentenar ti agtultuloy a panagtrabaho ti panagitlog."

Kasapulan ti ovulasion ti adu nga enerhia manipud iti bagi, iti kasta bumaba ti protektado a pakausaran[na]. "Ngarud adda iti maysa a babai no kasano nga imaneho nga iturong ti biagna-- no nasaysayaat para kenkuana nga isardengna ti panag-ovulasion [proseso ti panagitlog] ken agsapul laengen iti sabali a pakakumikoman ti oras ken tiempo no dina met la plano ti aganak [gapu ta dina kayat ti makinaig]."

Kasapulan kadi ngarud ti ad-adu pay a pannakinaig tapno laeng agsardeng ti regla?

Saan a nasken. Kuna ni Ruth Mace, maysa kadagiti author iti panagadal ken propesor ti evolutionary anthropology iti University College London nga adda koneksionna-- ngem saanna kayat a sawen nga adda pammaneknek no makinaig[ka] iti edad a kuarenta ken singkuenta, itantanna ti panagsardeng ti panagregla.

"Saantay' a kontrolado ti nalawlawa a sakupen dagitoy nagduduma a rason a kas iti estrogen hormone levels, panagsigarilio ken BMI, ken dadduma pay a pakainaiganna, ngem saanna kayat a sawen ti seksual nga aksion wenno garaw ket nasisita unay nga intantanna ti menopausia," inlawlawagna.

"Agpayso ti pannakinaig [pannakiseks/makiyot/maiyot/makituon/makiinnala] ket baliwanna ti hormone levels. Wenno iti sabali pay a rason, addaan iti kapabilidad nga agbaliw ti situasion a kas kadagiti sabsabali pay nga hormone levels [wenno lebel/pangal ti hormona] nga awan iti datos," innayonna.

Ngem kuna ni Mary Jane Minkin, MD, clinical professor ti obstetrics ken gynecology and reproductive sciences iti Yale University Medical School [a saan a karaman iti panagadal], "dakkel a panagduadua ti bayolohikal a regular ti pannakinaig a mangiduron nga agsubli iti panagsardeng ti regla. Para kaniak ti kapintasan a korelasion ket ti pakasaritaan ti pamilia--no ti ina ken kabsat a babbai ket no nagsardeng ti panagregla[da] iti naladladaw ngem ti ekspektaren nga edad. Mabalin nga adda met pakainaiganna dayta kadagiti sumarsaruno a kaputotan," inlawlawagna.

Nupay kasta kuna ni Dr. Minkin, adda met pakainaigan no ti babai ket mapadasanna ti naladladaw a menopausia gapu ta ad-adda a komportable ti panagriknana no makinaig iti tiempo a madlawna nga ag-menopausia.

"Siempre, mabalin met nga iti dayta a tiempo, adu pay la ti estrogen [estrogena] iti lawlaw tapno agtalinaed ti mabagbagi [uki] a komportable ken elastiko. Ngem panagkunak, ad-adu latta dagiti babbai nga addan iti postmenopausal a saanen a makabael a makinaig gapu iti kinamaga ken kinasakit ti mabagbagi[da]/uki[da]," kunana pay.

"Ngem ad-adda nga iti menopausia ti rason ngem ti genetiko [siensia ti panagtawid a bayolohikal]," kuna met ti punto ni Christine Greeves, MD, maysa met la nga ob-gyn iti Winnie Palmer Hospital for Woman and Babies iti Orlando, Florida [ken saan met a nakipaset iti panagadal]. "Saan a gapu ta nagsardeng panagregla ti maysa nga ina iti nasapa wenno naladaw nga edad, saanna kayat a sawen a masurot ti tugotna. "Adu pay ti mabalin nga adalen ken duktalen maipanggep iti menopausia ken mamatiak nga amin dagitoy ket posible a maaramid."

"Makatulong a mangikabassit iti sakit/ut-ot no regular a makinaig bayat ti perimenopausal ken menopausal period gapu ta maluktan ti mabagbagi [uki] ti babai," innayonna. "Ken no patinayon a regular a makinaig, in-inut a mapukaw ti ut-ot ken ti di agbayag, adda ganas a marikna," inggibusna.

.

.

.

.

.

.

MAITANTAN PANAGSARDENG TI PANAGREGLA [MENOPAUSIA] NO REGULAR WENNO TAGINAYONEN A MAKINAIG TI BABAI ITI ASAWANA

Rudy Ram. Rumbaoa

salunatkenmedisina.blogspot.com

#regla #menopausia #makinaig #babbai #royalsocietyopenscience #universitycollegelondon #nationalinstituteonaging #seks #salunat #impormatibo #artikulo #rudyramrumbaoa

[nabulod ti ladawan a nausar]

Dagiti Pangal [Tukad] iti Panagresponde ti Seksual ken Aprodisiaks

[Nabulod ti ladawan a nausar]

"No agsao dagiti tattao maipanggep iti aphrodisiacs, kayatda a sawen, ti substansia nga agtrabaho tapno insigida a mariing ti tarigagay a makiseks. Kaaduanna a dagitoy a substansia ti mangapektar iti mabagbagi--no paaduenna ti dara nga agayus iti daytoy a lugar wenno ti mangitag-ay ti rikna..."

IDI 1966, dua dagiti Pioneering researchers, da William H. Masters ken Virginia E. Johnson, ti nangipablaak ti libro a "Human Sexual Response," tapno maadal ditoy ken masukisok no kasano nga agsungbat ken/wenno panangibaga ti lalaki ken babai tapno maammuan iti rugso ti seksual. Inlawlawag da Masters ken Johnson a ti sexual response ket addaan iti uppat a pangal [wenno tukad] a nakapasetpasetan wenno ti makuna a four-stages cycle. Nainaganan dagitoy kas "excitement wenno pananggutigot [panangparegta/panangkayaw/panangpagagar]," "plateau [wenno kinapatag]," "orgasm wenno alimpatok [orgasmo/panagganas]," ken "resolution [wenno panangipeksa iti maymaysa a solusion ti maysa a pakaseknan]."

Ngem kalpasan ti sumagmamano a tawen, pinabaro ti sabali pay a sex researcher ken therapist, Helen Singer Kaplan, ti bersion ti immun-una. Karaman iti modelo ni Kaplan ket psychological ken emotional components ti rugso ti seks ken addaan iti tallo a pangal [tukad]: "desire [wenno tarigagay/rugso/derrep/essem/rasuk]," "arousal [wenno pannakariing/makapuot/makauttog/makulding ti rikna/tumangken {ti buto/uki}]" ken "orgasm [orgasmo]."

Kas maysa a terapista ti seks, kinatrabaho ni Kaplan ti sumagmamano a pasiente nga addaan ti problema iti panagrugso ti rikna no madama ti pannakinaigda. Daytoy ti nangipapananna a dagiti sabsabali a tatto ket awanan iti tarigagay [desire] nga agrugso. Ngarud iti daytoy a punto, yam-ammona ti "desire" [tarigagay] kas umuna a tukad ti sexual response. Ti maikadua, "arousal" [mariing, gargarien, parugsuen] kas pagilasinan ti panagurnong ti dara [vasocongestion] iti pelvic area ken panagadu ti tension ti piskel iti isu amin a paset ti bagi. Daytoy ti mangted iti heart rate [panagpitik ti puso], breathing rate [panaganges] ken blood pressure [presion ti dara] a ngumato. Ti maikatlo isu ti "orgasm," wenno pannakadanon/pannakarikna ti ragsak/alimpatok/pannakagteng iti tuktok ti akto a seksual. Maruk-atanna ti tension manipud kadagiti piskel ken ti vagocongestion ken amin a panaggunay ti bagi ket in-inut nga agsubli iti normal a level.

Makatulong ti aphrodisiacs kadagiti tallo a pangal [tukad] ti seksual a panagresponde. Adda met dagiti aphrodisiacs a mangipangato iti rikna ti tarigagay. Kaaduan a herbal ken aromatiko a lana, kas pagarigan, ngumato ti tarigagay baben iti panangpartuat ti napintas a mood [rikna] ken emotion conducive no madama ti seks. Adda met amino acids a mangipangato iti tarigagay ti rikna babaen ti makuna a boosting neurotransmitter levels ti utek. Daytoy ti mangpaalisto ti reaksion iti sensual stimuli, ken mangnayon iti partuat ti utek mainaig kadagiti arapaap, pantasia ken yallatiwna ti chemical messages a mamagriing ti rugso.

Iti amin a klase dagiti aphrodisiacs ket makatulongda ti arousal stage- herbal, taraon, nutrients, pheromones, aromatic oils ken neurotransmitter ken hormone booster, Dagiti dadduma kas pagarigan, ital-ona ti vagocongestion iti mabagbagi ken paalistuenna ti panagtakder/panagtangar. Dagiti sabsabali pay ket apektaranna ti hormones a mangted ti lubrikasion iti vagina [uki] ken skin sensitivity. Sabali laeng dagiti dadduma nga agtrabaho a mangmentenar iti mabayag nga enerhia pangseksual ken pigsa.

Ti maikatlo a pangal [tukad] isu ti orgasm [orgasmo]. Agdepende iti panaggunay ti amin a paset ti bagi kasta met iti pisiolohika ken kapasidad ti emosion tapno temporario nga ilasinna ti problema ken dagiti isturbo no mannarimaan ti seks.

Ngarud, mapataud ti aphrodisiacs- natural a substansia a mangray-aw ti tarigagay a makiseks, arousal ken ti panangaramid bayat ti seks. Iti agdama, immadu ti aginteres iti komplimentario ti medisina, karaman ti aromatherapy ken phyto [plant/mula] chemicals, ti nainayon iti kinasirib a maadal ti nature's aphrodisiacs. Adda met kontribusion ti siensia, kas iti panagsukisok no kasano ti pheromones, neurotransmiiter ken hormones a mangapektar ti aktibidad ti pannakinaig.

No agsao dagiti tattao maipanggep iti aphrodisiacs, kayatda a sawen, ti substansia nga agtrabaho tapno insigida a mariing ti tarigagay a makiseks. Kaaduanna a dagitoy a substansia ti mangapektar iti mabagbagi--no paaduenna ti dara nga agayus iti daytoy a lugar wenno ti mangitag-ay ti rikna. No maminsan, maipauneg ti aphrodisiacs sakbay ti pannakiseks. Ngem adda met myriad a substansia nga agtrabaho iti sabali a wagas ken iti kaadda ti mabayag nga epekto, daytoy ti makunkuna a reinforcing sexual arousal. Dagiti dadduma, papigsaenna ti pisikal nga aspeto ti seks, partuatenda ti napintas a rikna ken emotion conducive wenno pannakaibagay [pannakayannatup] ti emosion iti aktibidad ti seksual ken romansa.

Dagiti puersa a mangtengngel ti tarigagay ti seks ket ti agpadpada a mental [panagpanunot] ken ti pisikal. Ti seksual a tarigagay ket kalbiten ti panunot [mental]-- agarapaap wenno agpantasia, agbasa kadagiti makagargari iti rikna a libro, agistoria maipanggep iti seks, reaksion iti maysa a maisawang wenno provocative sexual remarks.

Kalbiten met ti puro a visual stimuli-- kas koma iti pannakasirig ti maysa a nalasbang a balasang, iti erotic movie, nonverbal body messsages wenno nakakita iti nakalamolamo. Wenno magargari ti rikna babaen iti pannakaipasa ti maysa a mensahe--pannakangeg iti seksi a timek [boses], pannakaangot [pannakalang-ab] iti bangbanglo, wenno adda nakasagid kenkuana. Kalbiten ti tarigagay a pannakiseks ti consious mind ngem mabalin met a mapasamak daytoy nga imboluntario.

Ti penomena ti nocturnal emissions ken ti orgasm wenno panaglimpatok iti agpada a lalaki ken babai bayat iti panagturogda ti kellaat a makarikna ket daytoy ti maysa nga ehemplo ti imboluntario a tarigagay ti pannakiseks. Dagitoy mapasamakda kabayatan ti pangal [tukad] ti panagturog iti REM [rapid eye movement]-- no agdarepdep. Ngem no dadduma, masuspetsa wenno maipagarup a daytoy ket resulta wenno bunga ti erotic dreams.

Agpada a dagiti mabagbagi ti lallaki ken babbai ket otomatiko nga addaan iti episodo [episodes] wenno parte iti dakdakkel nga estoria ti tarigagay kabayatan ti REM sleep--mapattapatta a mapasamak iti maminsan a daras iti uneg ti nobenta a minuto. Agtarigagay ken mariing dagiti mabagbagi a kaduana dagiti sabsabali pay a klase ti nervous system arousal: kas pagarigan, ti panagngato ti pulso, ti panaganges, panagbaliw ti panagkuti dagiti mata ken panagbaliw ti skin electrical resistance.

Ngem ania koma ti pakainaigan amin dagitoy iti aphrodisiacs? Adu a wagas iti panangpika ti sexual arousal ken sungbat ti kasapulan-- agpada a mental ken pisikal--ket kasapulan ti umno a panagtrabahoda iti bagi. Ti bayokemistri ti bagi ket adda akemna iti panagtrabaho dagitoy a sistema kasta metten iti trabaho ti utek-- isu ti akintengngel ken mangimaneho ti tarigagay a pannakinaig. Dakkel ti impluensia ti bayokemistri babaen iti makunsumo a substansia. No dagitoy ket taraon, droga, herbal, bitamina, mineral, amino acids, phyto hormones, wenno aromatic oils- amin dagitoy ket klase ti "kemikal" a substansia a mangapektar ti bayokemistri, ken ti kapasidadtayo a makiseks.

.

.

.

.

.

DAGITI PANGAL [TUKAD] ITI PANAGRESPONDE TI SEKSUAL KEN APRODISIAKS

Rudy Ram. Rumbaoa

salunatkenmedisina.blogspot.com

#aprodisiaks #pannakariing #uttog #tumangken  #tarigagay #rugso #derrep #excitement #helensingerkaplan #pangal #tukad #panagresponde #seksual #aprodisiaks #impormatibo #artikulo #orgasmo #kinapatag #virginiajohnson #williammasters #salunat #taraon #seks #siensia #medisina #rudyramrumbaoa

Importante ti Makaanay a Turog

Anat' makunam pada nga agtartrabaho iti rabii?

"No ti tao a bassit ti turogna: ad-adu ti tiansana nga agbalin a nalukmeg wenno obesity, makaala ti sakit iti puso, nangato a presion ti dara ken diabetes..."

KANAYONKA kadi a mabarbaringkuas iti rabii, wenno adda kadi problema iti pannnaturogmo, wenno dika kadi makaturog nga insigida? No agpayso man nga addaanka ti maysa kadagitoy a parikut, maysaka ngarud kadagiti maibilang nga agarup 50-70 a milion nga Amerikano nga agsagsagaba iti "sleep disorder."

"Bassit a pannaturog wenno saan a makaanay a panangisubli ti turog [restorative sleep] ket maapektaran no kasano ti intay panagpanunot, no kasanotayo nga agtignay, no kasanotayo a lagipen dagiti napalabas, ken no kasano a maaramid ti trabahotayo iti pagopisinaan, iti eskuela wenno sadinno a pagtrabahoan," daytoy ti nabuddak a palawag ni Dr. Merrill Mitler, program director for sleep research ti National Institute of Neurological Disorders and Stroke [NINDS].

Ti agtultuloy a kaawan ti turog ket itundanatayo pay iti risgo ti saan a naurnos a rikna/tignay a kas iti dipresion ken mangitunda iti nakapuy/nakapsut a konsentrasion kasta met iti nakapuy a panangikeddeng, problema pang-sosial, al-alisto a pannakadesgrasia, ken ti panagngato ti bilang ti panagabuso.

Adda met makuna a "di makita a rason iti biang ti pannaturog." Gapu iti mayoras a pannaturog ket mabalin met a maigapu daytoy kadagiti kemikal a reaksion iti nagduduma a paset ti bagi. Nailawlawag pay nga adda pakainaigan daytoy iti salun-at iti adu a panagpanpanunun a wagas. No dagitoy a kemikal reaksion ket saan nga agkakasurotan, maysa pay daytoy a kontribusion iti problema iti metaboliko ken iti cardiovascular system ket daytoy ti ad-adda a mangsupusop iti parikut.

Kadagiti panagadal a naduktalan, "No ti tao a bassit ti turogna: ad-adu ti tiansada nga agbalin a nalukmeg wenno obesity, makaala iti sakit ti puso, nangato a presion ti dara ken diabetes." Mano ngarud ti kasapulantayo nga oras iti pannaturog? Dagiti nataengan, kadawyan a kasapulanda ti 7 agingga iti 8 nga oras a pannaturog iti tunggal rabii tapno marikna ti naan-anay nga inana no dagitoy ket makariing. Ngem no mariknam wenno maekspiriensa ti sobra a pannaturog iti aldaw wenno addaanka iti problema iti pannaturog, nasken a kasarita ti doktor wenno iti maysa a sleep therapist tapno mabalakadandaka iti parikutmo.

Adtoy ti sumagmamano a pammalakad wenno singasing tapno magun-od ti makaanay a turog:

-Aywanan ti regular a pannaturog ken ti nainsigudan nga oras a panagriing.

-Liklikan ti caffaine ken sigarilio iti naladaw a paset ti malem, saan nga uminum iti alkohol tapno laeng matulongannaka a makaturog.

-Liklikan ti maturog a sibubussog wenno awan nagyan ti tian.

-Aramaten ti pagiddaan a para laeng iti pannaturog. Maturogka iti nasipnget, naulimek ken kaustoanna nga espasio nga addaan iti apagisu a temperatura.

-Ag-relax sakbay a maturog. Agdigus iti napudot a danum, agdengngeg kadagiti makapaturog a musika, meditasion ken breathing excercise.

-Iyadayo ti pagorasan iti katre tapno maliklikan iti patinayon a panangkita ti oras.

-No dika makaturog iti uneg ti beinte minutos a panaguldag iti katre wenno nasapaka a nagriing ket dikan makaturog, bumangonka ket padasen ti ag-relax kas iti panagbasa agingga a maala ti turogmo manen.

-Regular a panagwatwat ket makatulong met iti sumagmamano a kaso ti sleep disorders. Nupay kasta, saanka nga agwatwat iti dua nga oras sakbay iti pannaturog.

-Liklikan ti adu unay a trabaho, paperwork wenno dagiti di mapugsat nga aktibidad iti dua nga oras sakbay ti pannaturog.

Kadagiti magatang nga over-the-counter wenno prescription sleep aids, makatulong dagitoy nga agas iti apagbiit laeng a tiempo babaen met laeng iti pammalubos ti doktor. Sumagmamano met kadagiti sleep aids ti mangted iti panagulaw kabayatan iti aldaw a panangipauneg gapu iti epektona wenno side effects.*

.

.

.

.

.

IMPORTANTE TI MAKAANAY A TUROG

Rudy Ram. Rumbaoa

salunatkenmedisina.blogspot.com

#makaanay #turog #importante #sakit #restorativesleep #kaawan #risgo #sleepdisorder #maapektaran #liklikan #agrelaks #regular #panagwatwat #taraon #salunat #seks #siensia #medisina #rudyramrumbaoa

[Nabulod ti ladawan a nausar]

Mangangerak iti Oregano

NANGKARTIBAK man iti bulong ti mula nga oregano. Angrek napia la nga adda in-inuten nga inumen iti uneg ti makalawas. Sabalinto manen a saangan no maibus.

Apay? Maysa daytoy a sikretok. Ti nasalsalun-at a panagbiag. Naimbag ken nasayaat unay nga agas ti uyek. Maysa pay, sipud naginumak iti naanger a bulong daytoy, mariknak a limmag-an dagiti sakak. Pagisbuennak unay iti napalalo. Palukayenna pay panangiblengko. Nabang-aran ti riknak ken nabayag metten a diak nagtomar iti agas a para gout.

Ngem agpayso ngata a makaagas ti oregano? Hmm... adda kenkan dayta no patiem wenno no saan. Ti pammatim ti agdesision.

Ngem para kaniak, no ania man ti nagbaliwan ti salun-atko, ti mariknak ti agdama no maikumpara iti dati—isut’ sungbatko.

.

.

.

.

.

Mangangerak iti Oregano

Rudy Ram. Rumbaoa

salunatkenmedisina.blogspot.com

#oregano #anger #inumen #nasalsalunat #agas #bulong #makatulong #hardintiwailuku #taraon #salunat #seks #siensia #medisina

#rudyramrumbaoa

 

Oregano, maysa a mula ken mausar ti bulongna a pagaramid iti medisina

[Mula ti Oregano]

Apay a dida ammo? nasaludsodko. Kayatko a sawen a mabalin a pagagas ti Oregano. Gayam dida ammo ta ti la ammoda nga agas ket ti magatang iti parmasia. Aysus! Apay a dida ammo aya a dagitoy nga erbal ti paggapuan ti agas a tomarenda? 

Wen ata, kastoy nay. Gapu ta nalamiis ti panawen, panawen met ti uyek ken panateng. Ket daytoy ti kangrunaan nga usarek a pagagas no kastoy ti paniempo sakbay nga agtomarak ti agas a magatang iti parmasia. Nabisa daytoy a bulong-- ken adun ti napaneknekan a naagasanna. Kasano, kunam?

Basaem daytoy, ne---

OREGANO 

Sabali nga awag/naganna: Carvacrol, Dostenkraut, European Oregano, Huile d’Origan, Marjolaine Bâtarde, Marjolaine Sauvage, Marjolaine Vivace, Mediterranean Oregano, Mountain Mint, Oil of Oregano, Oregano Oil, Organy, Origan, Origan Européen, Origani Vulgaris Herba, Origano, Origanum, Origanum vulgare, Phytoprogestin, Thé Sauvage, Thym des Bergers, Wild Marjoram, Winter Marjoram, Wintersweet.

Maysa dayto a mula. Mausar ti bulongna a pagaramid iti medisina.

Mausar/Maaramat para iti nalaad a kondision ti respiratory tract a kas koma ti panaguyek, croup ken bronkitis. Mausar pay a pagagas iti gastrointestinal [GI] disorders a kas ti heartburn ken bloating. 

Dadduma pay a pakausaranna: menstrual cramps, rheumatoid arthritis, urinary tract disorders a kas iti urinary tract infections [UTIs], sakit ti ulo ken kondision ti puso.

Inumen ti lana wenno naanger iti danum a bulong ti oregano a pagagas iti parasito [parasites], alergi, ut-ot iti agong, arthritis, panaglammin ken panateng, swine flu, sakit ti lapayag ken bannog/kapuy. 

Mayaplikar a pangkondision iti kudil a kas koma ti taramidong [acne], athlete’s foot, nalanit a kudil [oily skin], balakubak/lasi, canker sores, burtong iti kudil [warts], ringworm, rosacea ken psoriasis; ken kasta met para kadagiti kinagat ti insekto ken lawalawa, sakit ti gugot, sakit ti ngipen, sakit dagiti laslasag ken varicose veins.

Mausar pay ti lana ti oregano a kas pangontra iti insekto ken lamok [insect/mosquito repellant].

Iti biang ti taraon ken mainum/inumen, mausar ti oregano a kas culinary spice ken food preservative.

Kasanot’ panagtrabaho ti Oregano?

Adda ramen ti orgenao a kemika a mabalin a makatulong a mangpaksiat ti uyek ken panagirteng ti bagi. Makatulong pay ti panangngalngal iti makan babaen ti yaadu iti pagayus ti apro ken manglaban kontra iti sumagmamano a bakteria, bayrus, fungi, igges iti bagis ken parasito.

Usar ken Epektibo para iti:

*Posible nge epektibo para iti nangato a bilang ti cholesterol

[Napaneknekan iti panagsukisok nga iti panangipauneg ti oregano tunggal pannangan iti tallo a bulan ti mangibaba ti pintek [density] ti lipoprotein [LDL wenno “bad”] kolesterol ken ngumato ti pintek ti lipoprotein [HDL wenno “good”] kolesterol kadagiti tattao a nangato ti kolesterolna. Nupay kasta, saan a maapektaran ti total cholesterol ken triglyceride levels.

*Para iti parasito. Patayen ti lana wenno nagangeran ti oregano babaen ti pananginum daytoy iti uneg ti innem a lawas dagiti parasito Blastocystis hominins, Entamoeba hartmanni ken Endolimax nana.

Saan nga umanay/Madi umdas nga ebidensia para iti:

*Kondision kadagiti agdara a kas ti Hemophilia. Suhesion ti nagkauna a panagsubok, saan a malapdan ti oregano ti panagdara kalpasan ti dental procedures kadagiti tattao nga addaan ti hemophilia.

*Iti biang ti panaglunit ti sugat, kuna ti panagsukisok, adda pagdur-asan ti maris, kinatangken ken kinabengbeng ti kudil no mayaplikar ti tubbog ti oregano iti kudil mamindua iti inaldaw agingga iti 14 nga aldaw ngem awan pagbaliwan ti budobudo, ut-ot ken piglat kadagiti tattao nga adda paset ti kudilna a naopera.

*Pagbugaw iti insekto.

*Asma

*Bronkitis

*Uyek

*Panateng

*Saan a pannakatunaw ken ebbal

*Naut-ot a panagbinulan [kadagiti babbai]

*Arthritis

*Sakit ti ulo

*Kondision ti puso

*Dadduma pay a kondision

Epekto:

Makuna a natalged ti bulong ti oregano no maipauneg daytoy a kadua ti taraon/makan ken mayaplikar iti kudil iti kaustoan a kaadu. Mabalin met a mangpataud ti oregano iti alergi kadagiti tattao nga adda allergy-na iti mula a kas ti Lamiaceae family.

Ballaag [Panagsakbay] ken Patigmaan

*Posible a saan a natalged nga ipauneg dagiti masikog ken agpaspasuso bayat ti panagsikog. Kuna dagiti makapaneknek a saan a nasayaat ti orgeano no ad-adu ti  bilangna ngem ti taraon nga ipauneg ta mangpatud iti pannakaalis wenno pannakaregreg ti sikog.

*Kondision iti panagdara- ngumato laeng ti risgo kadagiti tattao nga addaan daytoy a sasaaden.

*Mabalin nga ibaba ti oregano ti lebel ti blood sugar. Kadagiti adda diabetes-na, nasken nga agsakbay iti panagusar ti oregano.

*Mangpataud iti reaksion ti kudil kadagiti tattao nga adda alergy-na iti Lamiaceae family plants karaman ti basil, hyssop, lavender, marjoram, mint ken sage.

*Nasken met nga isardeng ti panagusar ti oregano dua lawas sakbay ti operasion ta ad-adda laeng a mangdegdeg ti risgo ti panagdara.

Interaksion

*Agsakbay iti daytoy a kombinasion

*Agbinnuray ti Lithium iti oregano ket mangpataud ti epekto a kas iti water pill wenno “diuretic.” Nasaysayaat a kasarita ti doktor sakbay nga agusar ti oregano no agdama nga agus-usar iti lithium.

Kaadu ti ipauneg:

*Para kadagiti parasito iti bagis- 2oo mg ti lana wenno nagageran ti oregano mamitlo iti inaldaw para ti innem a lawas.

.

.

.

.

.

OREGANO, Maysa a Mula ken Mausar ti Bulongna a Pagaramid ti Medisina

Rudy Ram. Rumbaoa

salunatkenmedisina.blogspot.com

#oregano #mula #bulong #medisina #mausar #anger #hardintiwailuku #pagagas #napateg #impormatibo #artikulo #taraon #salunat #seks #siensia #medisina #rudyramrumbaoa

 

Ti Neurotransmitters a kas Aprodisiak [Maikadua iti Tallo a Paset]

[Tuloyna]

Ti Serotonin

-kabaligtad ti Dopamine. No tumpuar ti tension, panagdandanag wenno anxiety--- dika makaturog iti rabii, no napaksuyanka iti napalalo wenno depressed a mangpanunot ti makinaig, umay ti serotonin a tumulong kenka. Labanen ti serotonin ti dipresion ken anxiety ken pagbalinennaka a natalged ken mapnek. Ital-ona ti riknam nga aginana iti rabii. No kasapulam ti ad-adu nga enerhia iti pannakinaig, saan a sungbat ti panagipauneg iti ad-adu a serotonin. Ketdi, liklikam ti serotonin boosters kas iti nangato a carbohydrate foods--- nangruna no sakbay ti seks.

Nabannayat ti trabaho ti serotonin no idasig iti dopamine. Direkta ti epekto ti dopamine, insigida, ken rugso ti marikna a resulta. Ngem saan a kanayon nga aktibo ti dopamine--- agtrabaho laeng no kasapulan. Iti kabaligtadna, agadu ti dopamine ngem ti output ti serotonin ket steady, mabayag ken addaan ti rima.

Self-regulating ti serotonin. Saanna laeng a timbengen ti dopamine levels ngem iti bukodna pay a level, pabayagenna wenno paalistuenna ti rima ti puslo iti maitutop a kasapulan. Nupay masansan a di kanungongan ti serotonin ti epekto ti dopamine, kasapulan met para iti aktibo a sex life. Kas iti dopamine, mangted ti nasayaat a rikna ti serotonin kadatayo--- isuna laeng nga iti sabali a wagas. Ti epekto ti serotonin ket marikna babaen ti uppat nga "s" a balikas. Ti serotonin ket mangpabang-ar [soothing] ken sleep-inducing, natalged [safe] ken secure.

Saludsod ken sungbat maipanggep iti Serotonin

Saludsod: Kasano a parugsuen ken pasiglaten ti serotonin ti seks?

Normal nga i-tone down ti serotonin ti agresibo a sex drive ken aniaman a sobra gapu iti dopamine. Nupay kasta, complex neurotransmitter ti serotonin. Nagkaadu dagiti agawat, dagiti dadduma upayenda ti seks, iti sabali--- babaen ti chemical circumtances, wenno direkta a gargarienna ti sexual activity.

Adda met kangrunaan a trabaho daytoy ngem iti sabali a wagas kas ti: adda akemna a mangtengngel ti negatibo nga emosion ken ikkatenna ti tension ken anxiety a mangsallukob ti sexual arousal, ital-ona ti sexual responsiveness, partuatenna ti optimistiko ken sabsabali a positibo nga emosional tapno marikna ti seks, palakaenna ti pudot nga agangsaw ken intimacy, labananna ti dipresion, tumulong a manglapped iti premature ejaculation babaen iti panangibayagna ti pannakadanon ti alimpatok ti ragsak ken ital-ona ti panagpili iti kapareha ken sebsebanna ti impulsive sexual arousal.

Saludsod: Ania ti mapasamak no addaanka iti bassit a Serotonin?

-patauden ti nababa a serotonin ti kondision a mangapektar ti sex babaen iti panangkalbitna ti negatibo nga emosion. Adda maysa a positibo nga epektona. Abnormal, ti nababa a serotonin ket paaduenna ti sexual responsiveness. Agpada a lallaki ken babbai nga addaan iti nababa a serotonin ken napardas a makarikna iti alimpatok ti ragsak.

Ti pannakaibus ti serotonin level ket mabalinna a kalbiten ti ugali nga anti-social karamenen ti kinabayolente ken agresibo, abusado iti seks. Maysa a trabaho ti serotonin ket tumulong kadatayo a mangtengngel ti panagpungtot ken agresion iti sabali.

Simtomas ti panagkurang iti Serotonin

-ti panagkurang ti serotonin ti mangtengngel kadatayo a magun-od ti amin ken mangpataud iti overheat. Kannayonna, mangted pay ti: rikna ti saan a makatalna, anxiety, iritable, pungtot, saan a makaidna, di pannakaturog, breast tenderness iti babbai, mabayag ken kumapsut ti ayus ti isbu, ingatona ti temperatura ti bagi, panagsuyot, alisto a panagpitik ti puso, nangato a presion ti dara, agsapul iti carbohydrates a taraon, agsapul iti arak ken sigarilio.

Saludsod: Ania ti ibunga ti sobra a Serotonin?

-temporario a pumardas ti sexual response. Ikkatenna ti stress ken anxiety a makagapu iti sexual response. Nupay kasta, ti bagi i-adjust-na ti bukodna iti kangato ti bilang ti serotonin levels ket agsubli ti anxiety.

Lapdanna ti premature ejaculation. Ibannayat ti nangato a bilang ti serotonin iti pannakadanon ti alimpatok ti ragsak. Ti Prozac nga agas [ingatona ti bilang ti serotonin levels] ti umuna a droga a napaneknekan nga agas ti premature ejaculation.

Maibus ti sex drive. No nangato ti serotonin levels agbalin a kalmado ken sallukobanda ti sexual stimulation ken arousal. Mapukaw ti sex drive ken abilidad a madanon ti alimpatok ti ragsak.

Agbalin pay a kasla anestisia ti marikna no nangato ti bilang ti serotonin levels.

Saludsod: Kasano nga apektaran ti Serotonin ti ganas ken timbang?

-ti nababa a bilang ti serotonin levels ti mangnayon ti ganas ken pataudenna ti rikna a kayatmo a mangan wenno uminum iti maysa a banag a makagapu ti panagngato ti serotonin kas koma iti asukar, alkohol, tinapay, bagels, pasta ken potato chips. Dagitoy ti mangpataud iti idadagsen ti timbang.

Panagayat iti asukar ken ti idadagsen ti timbang ket ad-adda a dagiti babbai ti maapektaran no ikumpara kadagiti lallaki gapu iti panangapektar ti estrogen ti serotonin levels.

Saludsod: Kasano a maapektaran ti panagturog?

-ti serotonin karaman ti amino acid tryptophan ket precursor iti melatonin, maysa nga hormone a mangtimbeng ti naguneg a paset ti bagi a makaapektar iti sleep patterns. No nababa ti levels ti serotonin, narigat a maala ti turog.

Kasano a pangatuen ti Serotonin Level?

-diyeta ken panangipauneg iti nutritional supplements, carbohydrates, melatonin [mausar daytoy kontra iti saan a pannakaturturog, jet lag ken dipresion], padagsenen ti timbang [ipangatona ti bilang ti serotonin].

Mairaman iti serotonin ti insulin, maysa nga hormone a tumulong iti panagusar ti bagi iti asukar.

Prescription Drugs

-adda antidepressant drugs nga agtrabaho a tumulong a mangipangato ti serotonin levels. Dua nga ehemplo kas iti Prozac ken Zoloft.

Kasano nga ibaba ti Serotonin Level?

Diyeta--- no kayatmo ti agbalin a mental alert ken makarikna iti adu nga enerhia, ibaba ti bilang ti serotonin ken dopamine levels. Tapno magun-od daytoy, mangan iti protina sakbay ti carbohydrates tapno mapalubosan ti tyrosine a sumrek iti utek imbes nga tryptophan.

Nutritional Supplements

-ipauneg ti branched-chain amino acids [BCAC].

[adda tuloyna]

.

.

.

.

.

Ti Neurotransmitters a kas Aprodisiak

[Maikadua iti Tallo a Paset]

Rudy Ram. Rumbaoa

salunatkenmedisina.blogpot.com

[Nabulod ti ladawan a nausar]

 

Ti Neurotransmitters a kas Aprodisiak [Umuna iti Tallo a Paset]

TI bileg ti panunot iti mangiturong ti aniaman a kayatna nga iladawan---kas iti pannakinaig, no sadino a yebkasna dagiti erotika ken pantasia a mamagtignay ti rikna iti tarigagay---uray pay no awan biang ti akin-ruar a sensoria a mampasiglat kenkuana. Kabalinan ti utek nga agpartuat ken agawag tapno ay-ayamenna ti bukodna nga aprodisiaks--- adda man wenno awan sirib iti makarikna.

Kasano a mapasamak daytoy? Kasano a ti panunot--- no awanan daytoy iti pisikal a substansia kas iti bileg a mangimpluensia ti bagi? Ania ti maited ti utek a mangray-aw kadatayo? Wenno mamagkuti kadatayo? Mangtengngel ti proseso ti bagi nga agtignay iti sex life? Uray pay adda nalawag nga ipaawat kadatayo ti utek, bassit laeng ti maited a sungbat kadagitoy a saludsod. Ditoy a rugiantayo ti teknolohia a pakaawatantayo tapno matunton ti kinalimed ti utek, tapno makita ti utek iti aksion no kasano ti panagpanunotna.

Kasano a maimpluensia ti utek iti seks?
Nupay ditay pay mailadawan ti kompleto a detalye no kasano ti panagtrabaho ti utek, ammotayo ti aktibidad ti utek ket agpataud iti electrical impulses "microvolts" a determinaren ti electrodes a maikapet iti muging ti tao ken mabasa babaen iti ECG [electroencephalograph]. Dagitoy nga electrical impulses ket mapuoran iti network ti nerbio, tulongan dagitoy ti panagbaniagada babaen iti chemical messengers a maawagan ti "neurotransmitters."

Napateg ti neurotransmitters iti panangidanon/panangikomunikasion ti utek iti mensahe kadagiti networks-na, karamanen iti mangtengngel ti sex drive. Kas met laeng iti utek, karaman ti neurotransmitter iti amin nga aspeto ti pagimbagantayo---pisikal, mental, psychological ken emosional. Makapataudda laeng ti bassit a bilang iti bagi ngem nabileg ti epekto nga itedda.


Ti bileg ti Neurotransmitters
Agwaras ti epekto ti neurotransmitters--- manipud iti panangtengngel ti sex drive agingga iti tarigagay a panagpartuat ken adiksion, apektaranna ti emosion ken lebel ti enerhia, ken impluensiaanna ti abilidad ti panunot ken lagip. Agpataud ti indibidual a neurotransmitters iti naidumduma nga epekto a no dadduma, sungani iti sabali a neurotransmitters. Kas pagarigan koma: dagiti neurotransmitter ket yegda ti ut-ot wenno rag-o, kalbitenna ti panagpungtot wenno itedna ti pannakapnek, mamataud iti dipresion wenno agpartuat iti euphoria, kalbitenna ti agresion wenno yegna ti awan inggana a rugso.

Ti epekto a mapataud ket agdepende iti neurotransmitter ti indibidual a karaman.


Ti Neurotransmitters ken koneksion iti seks
Apektaran ti neurotransmitters ti seks, agpada a direkta ken indirekta. Direkta nga apektaranda ti seks babaen iti pananggargari wenno sallukobanda ti panagrugso ken aramid; ken indirekta gapu ta taraknenda ti rikna, emosion ken uray pay ti ugali ti personalidad a mabalin a mangital-o wenno mangipaay iti aktibo ken makapnek a biag ti seks.

Dagitoy a neurotransmitters ket kemikal iti utek a mangkalbit wenno mangsallukob ti panangimaneho ti pannakiseks. Kabalinan ti utek a kumamang iti nadumaduma nga aspeto ti seks--- pisikal, psychological ken emosion. No awan ti neurotransmitters, saantayo a marikna ti pannakinaig wenno rag-o nga ited daytoy. Saantayo a kabaelan a marikna ti rugso babaen iti erotic thoughts wenno sensasion. Saantayo a kumamang iti seks---iti ayat wenno romansa.


Kasano a maimpluensiaantayo iti Lebel ti Neurotransmitters?
Adu dagiti mabalintayo nga aramiden tapno magun-od ti lebel ti neurotransmitters ken tapno agtrabaho ti nervous system a mangitungpal iti gakat. Iyegna ti kinasalun-at, partikular ti diyeta ken ehersisyo. Pabor pay ti neurotransmitters a mangimpluensia iti aktibidad ti seks, apros, meditasion, stress management, ken acupuncture. Kannayonna, adda dagiti wagas a makaapekto ti kinespesipiko ti neurotransmitters kas koma iti: panagipauneg iti nutritional supplements.

Ti nadumaduma a neurotransmitters ti utek, uppat dagiti mangted ti pigsa a mangimpluensia ti seksualidad. Dagitoy ti: dopamine, serotonin, norepinephrine ken endorphins.

Dagitoy a neurotransmitters ti pagtaudan ti amino acids a masarakan iti protein foods. Direkta ti koneksion ti diyeta iti neurotransmitter lebel a mangimpluensia ti seks ken maysa a pamuspusan ti panagbiag ti utek babaen iti intayo panangimpluensia kadakuada.

Ti Dopamine
-daytoy ti neurotransmitter a synonymous with pleasure. Babaen ti daytoy, makariknatayo iti naimbag ken kabalinantayo ti mangnanam/marikna ti seks ken mangkita ti aktibidad ti seksual iti masangnguanan. Tumulong pay ti dopamine a mangawat ken agsungbat ti mensahe ti sensual manipud iti organs ti sight, hearing, taste, touch ken smell.

Krusial daytoy iti panagrugso, ited ti dopamine ti napigsa nga impluensia iti emosiontayo ken pannakaiturong--- kas iti seks. Responsable pay daytoy iti panagkuti dagiti piskel ken mangtimbeng ti anges, bisin, ken ganas. Excitatory neurotransmitter ti dopamine [mangray-aw ta pumiting dagiti neurons]. Mangrugso daytoy ken kemikal a kasinsin ti amphetamines.

Saan a kankanayon ti pannakaparuk-at ti dopamine. Agawan ken agadda ti pannakapulsona no kasapulan. Tunggal panagaduna ket yegna ti positibo nga emosional a sungbat. Bliss, ecstacy, euphoria, elation--amin dagitoy adda koneksionda iti panagpulso ti neurotransmitter babaen met laeng ti utek. Maruk-atan ti kinabileg ti dopamine no madanonan ti alimpatok ti ragsak.

Ti dopamine ket maysa kadagiti akin-responsable ti biyolohika a marikna a kabuyog iti panagayat, ti senial a pisikal kas iti flushed skin, nauneg a panaganges ken panagling-et dagiti dakulap.

Adtoy ti saludsod ken sungbat maipanggep ti Dopamine
Saludsod: Kasano a parugsuen ken pasiglaten ti Dopamine ti seks?
Agpada ti lalaki ken babai a parugsuen ken pasiglaten ti Dopamine babaen iti asosasion ti aktibidad a seksual a marikna. Adda epekto ti dopamine kas iti panagadu ti intensidad ti ekspiriensa iti seksual, tumulong a mangted ti puersa iti panangimaneho ti seks, papigsaenna ti sex drive, gargarienna a sungbatan ti sensual stimuli kas iti seductive aromas, romantic music, sensual touching, delicious taste ken erotic images; pumardas iti pannakadanon ti alimpatok ti ragsak ken yaduna ti sexual energy.

Saludsod: Kasano nga apektaran iti kinakurang ti Dopamine ti seks?
Makuna a mangray-aw ti rikna ti Dopamine. Kasta metten a sex booster daytoy. No nababa ti lebel ti dopamine, agpada nga agsagaba ti emosional ken pisikal nga aspeto iti biag ti ayat. Saannaka a parugsuen ti sensual ken pananggargari a mensahe. Agbalin nga ubbaw ti sexual advances ti partner-mo kenka. Uray kunam a pampanunotem ti seks, agkurangka iti enerhia a manggun-od ti daytoy. Narigat pay a madanon ti alimpatok ti ragsak.


Saludsod: Kasano nga apekataran iti kinakurang ti Dopamine ti emosion?
Kalbiten ti nababa a bilang ti dopamine iti negatibo nga emosion ken dipresion a mangpataud iti emotional climate hostile to romance. Mabalin pay a makagapu ti panagipauneg iti agas ti maulit-ulit a panangpiting ti dopamine iti nervous system.

Saludsod: Kasano nga apektaran iti kinakurang ti Dopamine ti panunot?
Nababa a bilang ti dopamine ti mangngudel iti abilidad ti lagip ken panagpanunot ket daytoy ti mangiturong iti saan a nasayaat nga ugali ta apektaranna ti abilidad ti tao nga agplano ken agaksion.

Dagiti simtomas iti panagkurang ti Dopamine: bumaba ti sex drive, panagkapuy wenno panagkapsut, lethargy, nasakit a piskel wenno ulo, nasal alergi, digestive disturbance [panagsarua ken panagtebbel], panangimas ti makan, agsapsapul iti caffaine, tsokolate, dagiti nasam-it, taba, asin ken premenstrual breast tenderness iti babai.


Kasano a papigsaen ti Dopamine level?
-kas iti diyeta, nutritional supplements, ehersisyo, acupuncture, apros ken makinaig. Adda met dagiti wagas babaen iti maireseta nga agas.

.

.

.

.

.

Ti Neurotransmitters a kas Aprodisiak
[Umuna iti Tallo a Paset]
Rudy Ram. Rumbaoa

salunatkenmedisina.blogspot.com

[nabulod ti ladawan a nausar]

[Adda Tuloyna]