Dagiti Pangal [Tukad] iti Panagresponde ti Seksual ken Aprodisiaks

[Nabulod ti ladawan a nausar]

"No agsao dagiti tattao maipanggep iti aphrodisiacs, kayatda a sawen, ti substansia nga agtrabaho tapno insigida a mariing ti tarigagay a makiseks. Kaaduanna a dagitoy a substansia ti mangapektar iti mabagbagi--no paaduenna ti dara nga agayus iti daytoy a lugar wenno ti mangitag-ay ti rikna..."

IDI 1966, dua dagiti Pioneering researchers, da William H. Masters ken Virginia E. Johnson, ti nangipablaak ti libro a "Human Sexual Response," tapno maadal ditoy ken masukisok no kasano nga agsungbat ken/wenno panangibaga ti lalaki ken babai tapno maammuan iti rugso ti seksual. Inlawlawag da Masters ken Johnson a ti sexual response ket addaan iti uppat a pangal [wenno tukad] a nakapasetpasetan wenno ti makuna a four-stages cycle. Nainaganan dagitoy kas "excitement wenno pananggutigot [panangparegta/panangkayaw/panangpagagar]," "plateau [wenno kinapatag]," "orgasm wenno alimpatok [orgasmo/panagganas]," ken "resolution [wenno panangipeksa iti maymaysa a solusion ti maysa a pakaseknan]."

Ngem kalpasan ti sumagmamano a tawen, pinabaro ti sabali pay a sex researcher ken therapist, Helen Singer Kaplan, ti bersion ti immun-una. Karaman iti modelo ni Kaplan ket psychological ken emotional components ti rugso ti seks ken addaan iti tallo a pangal [tukad]: "desire [wenno tarigagay/rugso/derrep/essem/rasuk]," "arousal [wenno pannakariing/makapuot/makauttog/makulding ti rikna/tumangken {ti buto/uki}]" ken "orgasm [orgasmo]."

Kas maysa a terapista ti seks, kinatrabaho ni Kaplan ti sumagmamano a pasiente nga addaan ti problema iti panagrugso ti rikna no madama ti pannakinaigda. Daytoy ti nangipapananna a dagiti sabsabali a tatto ket awanan iti tarigagay [desire] nga agrugso. Ngarud iti daytoy a punto, yam-ammona ti "desire" [tarigagay] kas umuna a tukad ti sexual response. Ti maikadua, "arousal" [mariing, gargarien, parugsuen] kas pagilasinan ti panagurnong ti dara [vasocongestion] iti pelvic area ken panagadu ti tension ti piskel iti isu amin a paset ti bagi. Daytoy ti mangted iti heart rate [panagpitik ti puso], breathing rate [panaganges] ken blood pressure [presion ti dara] a ngumato. Ti maikatlo isu ti "orgasm," wenno pannakadanon/pannakarikna ti ragsak/alimpatok/pannakagteng iti tuktok ti akto a seksual. Maruk-atanna ti tension manipud kadagiti piskel ken ti vagocongestion ken amin a panaggunay ti bagi ket in-inut nga agsubli iti normal a level.

Makatulong ti aphrodisiacs kadagiti tallo a pangal [tukad] ti seksual a panagresponde. Adda met dagiti aphrodisiacs a mangipangato iti rikna ti tarigagay. Kaaduan a herbal ken aromatiko a lana, kas pagarigan, ngumato ti tarigagay baben iti panangpartuat ti napintas a mood [rikna] ken emotion conducive no madama ti seks. Adda met amino acids a mangipangato iti tarigagay ti rikna babaen ti makuna a boosting neurotransmitter levels ti utek. Daytoy ti mangpaalisto ti reaksion iti sensual stimuli, ken mangnayon iti partuat ti utek mainaig kadagiti arapaap, pantasia ken yallatiwna ti chemical messages a mamagriing ti rugso.

Iti amin a klase dagiti aphrodisiacs ket makatulongda ti arousal stage- herbal, taraon, nutrients, pheromones, aromatic oils ken neurotransmitter ken hormone booster, Dagiti dadduma kas pagarigan, ital-ona ti vagocongestion iti mabagbagi ken paalistuenna ti panagtakder/panagtangar. Dagiti sabsabali pay ket apektaranna ti hormones a mangted ti lubrikasion iti vagina [uki] ken skin sensitivity. Sabali laeng dagiti dadduma nga agtrabaho a mangmentenar iti mabayag nga enerhia pangseksual ken pigsa.

Ti maikatlo a pangal [tukad] isu ti orgasm [orgasmo]. Agdepende iti panaggunay ti amin a paset ti bagi kasta met iti pisiolohika ken kapasidad ti emosion tapno temporario nga ilasinna ti problema ken dagiti isturbo no mannarimaan ti seks.

Ngarud, mapataud ti aphrodisiacs- natural a substansia a mangray-aw ti tarigagay a makiseks, arousal ken ti panangaramid bayat ti seks. Iti agdama, immadu ti aginteres iti komplimentario ti medisina, karaman ti aromatherapy ken phyto [plant/mula] chemicals, ti nainayon iti kinasirib a maadal ti nature's aphrodisiacs. Adda met kontribusion ti siensia, kas iti panagsukisok no kasano ti pheromones, neurotransmiiter ken hormones a mangapektar ti aktibidad ti pannakinaig.

No agsao dagiti tattao maipanggep iti aphrodisiacs, kayatda a sawen, ti substansia nga agtrabaho tapno insigida a mariing ti tarigagay a makiseks. Kaaduanna a dagitoy a substansia ti mangapektar iti mabagbagi--no paaduenna ti dara nga agayus iti daytoy a lugar wenno ti mangitag-ay ti rikna. No maminsan, maipauneg ti aphrodisiacs sakbay ti pannakiseks. Ngem adda met myriad a substansia nga agtrabaho iti sabali a wagas ken iti kaadda ti mabayag nga epekto, daytoy ti makunkuna a reinforcing sexual arousal. Dagiti dadduma, papigsaenna ti pisikal nga aspeto ti seks, partuatenda ti napintas a rikna ken emotion conducive wenno pannakaibagay [pannakayannatup] ti emosion iti aktibidad ti seksual ken romansa.

Dagiti puersa a mangtengngel ti tarigagay ti seks ket ti agpadpada a mental [panagpanunot] ken ti pisikal. Ti seksual a tarigagay ket kalbiten ti panunot [mental]-- agarapaap wenno agpantasia, agbasa kadagiti makagargari iti rikna a libro, agistoria maipanggep iti seks, reaksion iti maysa a maisawang wenno provocative sexual remarks.

Kalbiten met ti puro a visual stimuli-- kas koma iti pannakasirig ti maysa a nalasbang a balasang, iti erotic movie, nonverbal body messsages wenno nakakita iti nakalamolamo. Wenno magargari ti rikna babaen iti pannakaipasa ti maysa a mensahe--pannakangeg iti seksi a timek [boses], pannakaangot [pannakalang-ab] iti bangbanglo, wenno adda nakasagid kenkuana. Kalbiten ti tarigagay a pannakiseks ti consious mind ngem mabalin met a mapasamak daytoy nga imboluntario.

Ti penomena ti nocturnal emissions ken ti orgasm wenno panaglimpatok iti agpada a lalaki ken babai bayat iti panagturogda ti kellaat a makarikna ket daytoy ti maysa nga ehemplo ti imboluntario a tarigagay ti pannakiseks. Dagitoy mapasamakda kabayatan ti pangal [tukad] ti panagturog iti REM [rapid eye movement]-- no agdarepdep. Ngem no dadduma, masuspetsa wenno maipagarup a daytoy ket resulta wenno bunga ti erotic dreams.

Agpada a dagiti mabagbagi ti lallaki ken babbai ket otomatiko nga addaan iti episodo [episodes] wenno parte iti dakdakkel nga estoria ti tarigagay kabayatan ti REM sleep--mapattapatta a mapasamak iti maminsan a daras iti uneg ti nobenta a minuto. Agtarigagay ken mariing dagiti mabagbagi a kaduana dagiti sabsabali pay a klase ti nervous system arousal: kas pagarigan, ti panagngato ti pulso, ti panaganges, panagbaliw ti panagkuti dagiti mata ken panagbaliw ti skin electrical resistance.

Ngem ania koma ti pakainaigan amin dagitoy iti aphrodisiacs? Adu a wagas iti panangpika ti sexual arousal ken sungbat ti kasapulan-- agpada a mental ken pisikal--ket kasapulan ti umno a panagtrabahoda iti bagi. Ti bayokemistri ti bagi ket adda akemna iti panagtrabaho dagitoy a sistema kasta metten iti trabaho ti utek-- isu ti akintengngel ken mangimaneho ti tarigagay a pannakinaig. Dakkel ti impluensia ti bayokemistri babaen iti makunsumo a substansia. No dagitoy ket taraon, droga, herbal, bitamina, mineral, amino acids, phyto hormones, wenno aromatic oils- amin dagitoy ket klase ti "kemikal" a substansia a mangapektar ti bayokemistri, ken ti kapasidadtayo a makiseks.

.

.

.

.

.

DAGITI PANGAL [TUKAD] ITI PANAGRESPONDE TI SEKSUAL KEN APRODISIAKS

Rudy Ram. Rumbaoa

salunatkenmedisina.blogspot.com

#aprodisiaks #pannakariing #uttog #tumangken  #tarigagay #rugso #derrep #excitement #helensingerkaplan #pangal #tukad #panagresponde #seksual #aprodisiaks #impormatibo #artikulo #orgasmo #kinapatag #virginiajohnson #williammasters #salunat #taraon #seks #siensia #medisina #rudyramrumbaoa

Importante ti Makaanay a Turog

Anat' makunam pada nga agtartrabaho iti rabii?

"No ti tao a bassit ti turogna: ad-adu ti tiansana nga agbalin a nalukmeg wenno obesity, makaala ti sakit iti puso, nangato a presion ti dara ken diabetes..."

KANAYONKA kadi a mabarbaringkuas iti rabii, wenno adda kadi problema iti pannnaturogmo, wenno dika kadi makaturog nga insigida? No agpayso man nga addaanka ti maysa kadagitoy a parikut, maysaka ngarud kadagiti maibilang nga agarup 50-70 a milion nga Amerikano nga agsagsagaba iti "sleep disorder."

"Bassit a pannaturog wenno saan a makaanay a panangisubli ti turog [restorative sleep] ket maapektaran no kasano ti intay panagpanunot, no kasanotayo nga agtignay, no kasanotayo a lagipen dagiti napalabas, ken no kasano a maaramid ti trabahotayo iti pagopisinaan, iti eskuela wenno sadinno a pagtrabahoan," daytoy ti nabuddak a palawag ni Dr. Merrill Mitler, program director for sleep research ti National Institute of Neurological Disorders and Stroke [NINDS].

Ti agtultuloy a kaawan ti turog ket itundanatayo pay iti risgo ti saan a naurnos a rikna/tignay a kas iti dipresion ken mangitunda iti nakapuy/nakapsut a konsentrasion kasta met iti nakapuy a panangikeddeng, problema pang-sosial, al-alisto a pannakadesgrasia, ken ti panagngato ti bilang ti panagabuso.

Adda met makuna a "di makita a rason iti biang ti pannaturog." Gapu iti mayoras a pannaturog ket mabalin met a maigapu daytoy kadagiti kemikal a reaksion iti nagduduma a paset ti bagi. Nailawlawag pay nga adda pakainaigan daytoy iti salun-at iti adu a panagpanpanunun a wagas. No dagitoy a kemikal reaksion ket saan nga agkakasurotan, maysa pay daytoy a kontribusion iti problema iti metaboliko ken iti cardiovascular system ket daytoy ti ad-adda a mangsupusop iti parikut.

Kadagiti panagadal a naduktalan, "No ti tao a bassit ti turogna: ad-adu ti tiansada nga agbalin a nalukmeg wenno obesity, makaala iti sakit ti puso, nangato a presion ti dara ken diabetes." Mano ngarud ti kasapulantayo nga oras iti pannaturog? Dagiti nataengan, kadawyan a kasapulanda ti 7 agingga iti 8 nga oras a pannaturog iti tunggal rabii tapno marikna ti naan-anay nga inana no dagitoy ket makariing. Ngem no mariknam wenno maekspiriensa ti sobra a pannaturog iti aldaw wenno addaanka iti problema iti pannaturog, nasken a kasarita ti doktor wenno iti maysa a sleep therapist tapno mabalakadandaka iti parikutmo.

Adtoy ti sumagmamano a pammalakad wenno singasing tapno magun-od ti makaanay a turog:

-Aywanan ti regular a pannaturog ken ti nainsigudan nga oras a panagriing.

-Liklikan ti caffaine ken sigarilio iti naladaw a paset ti malem, saan nga uminum iti alkohol tapno laeng matulongannaka a makaturog.

-Liklikan ti maturog a sibubussog wenno awan nagyan ti tian.

-Aramaten ti pagiddaan a para laeng iti pannaturog. Maturogka iti nasipnget, naulimek ken kaustoanna nga espasio nga addaan iti apagisu a temperatura.

-Ag-relax sakbay a maturog. Agdigus iti napudot a danum, agdengngeg kadagiti makapaturog a musika, meditasion ken breathing excercise.

-Iyadayo ti pagorasan iti katre tapno maliklikan iti patinayon a panangkita ti oras.

-No dika makaturog iti uneg ti beinte minutos a panaguldag iti katre wenno nasapaka a nagriing ket dikan makaturog, bumangonka ket padasen ti ag-relax kas iti panagbasa agingga a maala ti turogmo manen.

-Regular a panagwatwat ket makatulong met iti sumagmamano a kaso ti sleep disorders. Nupay kasta, saanka nga agwatwat iti dua nga oras sakbay iti pannaturog.

-Liklikan ti adu unay a trabaho, paperwork wenno dagiti di mapugsat nga aktibidad iti dua nga oras sakbay ti pannaturog.

Kadagiti magatang nga over-the-counter wenno prescription sleep aids, makatulong dagitoy nga agas iti apagbiit laeng a tiempo babaen met laeng iti pammalubos ti doktor. Sumagmamano met kadagiti sleep aids ti mangted iti panagulaw kabayatan iti aldaw a panangipauneg gapu iti epektona wenno side effects.*

.

.

.

.

.

IMPORTANTE TI MAKAANAY A TUROG

Rudy Ram. Rumbaoa

salunatkenmedisina.blogspot.com

#makaanay #turog #importante #sakit #restorativesleep #kaawan #risgo #sleepdisorder #maapektaran #liklikan #agrelaks #regular #panagwatwat #taraon #salunat #seks #siensia #medisina #rudyramrumbaoa

[Nabulod ti ladawan a nausar]

Oregano, maysa a mula ken mausar ti bulongna a pagaramid iti medisina

[Mula ti Oregano]

Apay a dida ammo? nasaludsodko. Kayatko a sawen a mabalin a pagagas ti Oregano. Gayam dida ammo ta ti la ammoda nga agas ket ti magatang iti parmasia. Aysus! Apay a dida ammo aya a dagitoy nga erbal ti paggapuan ti agas a tomarenda? 

Wen ata, kastoy nay. Gapu ta nalamiis ti panawen, panawen met ti uyek ken panateng. Ket daytoy ti kangrunaan nga usarek a pagagas no kastoy ti paniempo sakbay nga agtomarak ti agas a magatang iti parmasia. Nabisa daytoy a bulong-- ken adun ti napaneknekan a naagasanna. Kasano, kunam?

Basaem daytoy, ne---

OREGANO 

Sabali nga awag/naganna: Carvacrol, Dostenkraut, European Oregano, Huile d’Origan, Marjolaine Bâtarde, Marjolaine Sauvage, Marjolaine Vivace, Mediterranean Oregano, Mountain Mint, Oil of Oregano, Oregano Oil, Organy, Origan, Origan Européen, Origani Vulgaris Herba, Origano, Origanum, Origanum vulgare, Phytoprogestin, Thé Sauvage, Thym des Bergers, Wild Marjoram, Winter Marjoram, Wintersweet.

Maysa dayto a mula. Mausar ti bulongna a pagaramid iti medisina.

Mausar/Maaramat para iti nalaad a kondision ti respiratory tract a kas koma ti panaguyek, croup ken bronkitis. Mausar pay a pagagas iti gastrointestinal [GI] disorders a kas ti heartburn ken bloating. 

Dadduma pay a pakausaranna: menstrual cramps, rheumatoid arthritis, urinary tract disorders a kas iti urinary tract infections [UTIs], sakit ti ulo ken kondision ti puso.

Inumen ti lana wenno naanger iti danum a bulong ti oregano a pagagas iti parasito [parasites], alergi, ut-ot iti agong, arthritis, panaglammin ken panateng, swine flu, sakit ti lapayag ken bannog/kapuy. 

Mayaplikar a pangkondision iti kudil a kas koma ti taramidong [acne], athlete’s foot, nalanit a kudil [oily skin], balakubak/lasi, canker sores, burtong iti kudil [warts], ringworm, rosacea ken psoriasis; ken kasta met para kadagiti kinagat ti insekto ken lawalawa, sakit ti gugot, sakit ti ngipen, sakit dagiti laslasag ken varicose veins.

Mausar pay ti lana ti oregano a kas pangontra iti insekto ken lamok [insect/mosquito repellant].

Iti biang ti taraon ken mainum/inumen, mausar ti oregano a kas culinary spice ken food preservative.

Kasanot’ panagtrabaho ti Oregano?

Adda ramen ti orgenao a kemika a mabalin a makatulong a mangpaksiat ti uyek ken panagirteng ti bagi. Makatulong pay ti panangngalngal iti makan babaen ti yaadu iti pagayus ti apro ken manglaban kontra iti sumagmamano a bakteria, bayrus, fungi, igges iti bagis ken parasito.

Usar ken Epektibo para iti:

*Posible nge epektibo para iti nangato a bilang ti cholesterol

[Napaneknekan iti panagsukisok nga iti panangipauneg ti oregano tunggal pannangan iti tallo a bulan ti mangibaba ti pintek [density] ti lipoprotein [LDL wenno “bad”] kolesterol ken ngumato ti pintek ti lipoprotein [HDL wenno “good”] kolesterol kadagiti tattao a nangato ti kolesterolna. Nupay kasta, saan a maapektaran ti total cholesterol ken triglyceride levels.

*Para iti parasito. Patayen ti lana wenno nagangeran ti oregano babaen ti pananginum daytoy iti uneg ti innem a lawas dagiti parasito Blastocystis hominins, Entamoeba hartmanni ken Endolimax nana.

Saan nga umanay/Madi umdas nga ebidensia para iti:

*Kondision kadagiti agdara a kas ti Hemophilia. Suhesion ti nagkauna a panagsubok, saan a malapdan ti oregano ti panagdara kalpasan ti dental procedures kadagiti tattao nga addaan ti hemophilia.

*Iti biang ti panaglunit ti sugat, kuna ti panagsukisok, adda pagdur-asan ti maris, kinatangken ken kinabengbeng ti kudil no mayaplikar ti tubbog ti oregano iti kudil mamindua iti inaldaw agingga iti 14 nga aldaw ngem awan pagbaliwan ti budobudo, ut-ot ken piglat kadagiti tattao nga adda paset ti kudilna a naopera.

*Pagbugaw iti insekto.

*Asma

*Bronkitis

*Uyek

*Panateng

*Saan a pannakatunaw ken ebbal

*Naut-ot a panagbinulan [kadagiti babbai]

*Arthritis

*Sakit ti ulo

*Kondision ti puso

*Dadduma pay a kondision

Epekto:

Makuna a natalged ti bulong ti oregano no maipauneg daytoy a kadua ti taraon/makan ken mayaplikar iti kudil iti kaustoan a kaadu. Mabalin met a mangpataud ti oregano iti alergi kadagiti tattao nga adda allergy-na iti mula a kas ti Lamiaceae family.

Ballaag [Panagsakbay] ken Patigmaan

*Posible a saan a natalged nga ipauneg dagiti masikog ken agpaspasuso bayat ti panagsikog. Kuna dagiti makapaneknek a saan a nasayaat ti orgeano no ad-adu ti  bilangna ngem ti taraon nga ipauneg ta mangpatud iti pannakaalis wenno pannakaregreg ti sikog.

*Kondision iti panagdara- ngumato laeng ti risgo kadagiti tattao nga addaan daytoy a sasaaden.

*Mabalin nga ibaba ti oregano ti lebel ti blood sugar. Kadagiti adda diabetes-na, nasken nga agsakbay iti panagusar ti oregano.

*Mangpataud iti reaksion ti kudil kadagiti tattao nga adda alergy-na iti Lamiaceae family plants karaman ti basil, hyssop, lavender, marjoram, mint ken sage.

*Nasken met nga isardeng ti panagusar ti oregano dua lawas sakbay ti operasion ta ad-adda laeng a mangdegdeg ti risgo ti panagdara.

Interaksion

*Agsakbay iti daytoy a kombinasion

*Agbinnuray ti Lithium iti oregano ket mangpataud ti epekto a kas iti water pill wenno “diuretic.” Nasaysayaat a kasarita ti doktor sakbay nga agusar ti oregano no agdama nga agus-usar iti lithium.

Kaadu ti ipauneg:

*Para kadagiti parasito iti bagis- 2oo mg ti lana wenno nagageran ti oregano mamitlo iti inaldaw para ti innem a lawas.

.

.

.

.

.

OREGANO, Maysa a Mula ken Mausar ti Bulongna a Pagaramid ti Medisina

Rudy Ram. Rumbaoa

salunatkenmedisina.blogspot.com

#oregano #mula #bulong #medisina #mausar #anger #hardintiwailuku #pagagas #napateg #impormatibo #artikulo #taraon #salunat #seks #siensia #medisina #rudyramrumbaoa

 

Ti Neurotransmitters a kas Aprodisiak [Umuna iti Tallo a Paset]

TI bileg ti panunot iti mangiturong ti aniaman a kayatna nga iladawan---kas iti pannakinaig, no sadino a yebkasna dagiti erotika ken pantasia a mamagtignay ti rikna iti tarigagay---uray pay no awan biang ti akin-ruar a sensoria a mampasiglat kenkuana. Kabalinan ti utek nga agpartuat ken agawag tapno ay-ayamenna ti bukodna nga aprodisiaks--- adda man wenno awan sirib iti makarikna.

Kasano a mapasamak daytoy? Kasano a ti panunot--- no awanan daytoy iti pisikal a substansia kas iti bileg a mangimpluensia ti bagi? Ania ti maited ti utek a mangray-aw kadatayo? Wenno mamagkuti kadatayo? Mangtengngel ti proseso ti bagi nga agtignay iti sex life? Uray pay adda nalawag nga ipaawat kadatayo ti utek, bassit laeng ti maited a sungbat kadagitoy a saludsod. Ditoy a rugiantayo ti teknolohia a pakaawatantayo tapno matunton ti kinalimed ti utek, tapno makita ti utek iti aksion no kasano ti panagpanunotna.

Kasano a maimpluensia ti utek iti seks?
Nupay ditay pay mailadawan ti kompleto a detalye no kasano ti panagtrabaho ti utek, ammotayo ti aktibidad ti utek ket agpataud iti electrical impulses "microvolts" a determinaren ti electrodes a maikapet iti muging ti tao ken mabasa babaen iti ECG [electroencephalograph]. Dagitoy nga electrical impulses ket mapuoran iti network ti nerbio, tulongan dagitoy ti panagbaniagada babaen iti chemical messengers a maawagan ti "neurotransmitters."

Napateg ti neurotransmitters iti panangidanon/panangikomunikasion ti utek iti mensahe kadagiti networks-na, karamanen iti mangtengngel ti sex drive. Kas met laeng iti utek, karaman ti neurotransmitter iti amin nga aspeto ti pagimbagantayo---pisikal, mental, psychological ken emosional. Makapataudda laeng ti bassit a bilang iti bagi ngem nabileg ti epekto nga itedda.


Ti bileg ti Neurotransmitters
Agwaras ti epekto ti neurotransmitters--- manipud iti panangtengngel ti sex drive agingga iti tarigagay a panagpartuat ken adiksion, apektaranna ti emosion ken lebel ti enerhia, ken impluensiaanna ti abilidad ti panunot ken lagip. Agpataud ti indibidual a neurotransmitters iti naidumduma nga epekto a no dadduma, sungani iti sabali a neurotransmitters. Kas pagarigan koma: dagiti neurotransmitter ket yegda ti ut-ot wenno rag-o, kalbitenna ti panagpungtot wenno itedna ti pannakapnek, mamataud iti dipresion wenno agpartuat iti euphoria, kalbitenna ti agresion wenno yegna ti awan inggana a rugso.

Ti epekto a mapataud ket agdepende iti neurotransmitter ti indibidual a karaman.


Ti Neurotransmitters ken koneksion iti seks
Apektaran ti neurotransmitters ti seks, agpada a direkta ken indirekta. Direkta nga apektaranda ti seks babaen iti pananggargari wenno sallukobanda ti panagrugso ken aramid; ken indirekta gapu ta taraknenda ti rikna, emosion ken uray pay ti ugali ti personalidad a mabalin a mangital-o wenno mangipaay iti aktibo ken makapnek a biag ti seks.

Dagitoy a neurotransmitters ket kemikal iti utek a mangkalbit wenno mangsallukob ti panangimaneho ti pannakiseks. Kabalinan ti utek a kumamang iti nadumaduma nga aspeto ti seks--- pisikal, psychological ken emosion. No awan ti neurotransmitters, saantayo a marikna ti pannakinaig wenno rag-o nga ited daytoy. Saantayo a kabaelan a marikna ti rugso babaen iti erotic thoughts wenno sensasion. Saantayo a kumamang iti seks---iti ayat wenno romansa.


Kasano a maimpluensiaantayo iti Lebel ti Neurotransmitters?
Adu dagiti mabalintayo nga aramiden tapno magun-od ti lebel ti neurotransmitters ken tapno agtrabaho ti nervous system a mangitungpal iti gakat. Iyegna ti kinasalun-at, partikular ti diyeta ken ehersisyo. Pabor pay ti neurotransmitters a mangimpluensia iti aktibidad ti seks, apros, meditasion, stress management, ken acupuncture. Kannayonna, adda dagiti wagas a makaapekto ti kinespesipiko ti neurotransmitters kas koma iti: panagipauneg iti nutritional supplements.

Ti nadumaduma a neurotransmitters ti utek, uppat dagiti mangted ti pigsa a mangimpluensia ti seksualidad. Dagitoy ti: dopamine, serotonin, norepinephrine ken endorphins.

Dagitoy a neurotransmitters ti pagtaudan ti amino acids a masarakan iti protein foods. Direkta ti koneksion ti diyeta iti neurotransmitter lebel a mangimpluensia ti seks ken maysa a pamuspusan ti panagbiag ti utek babaen iti intayo panangimpluensia kadakuada.

Ti Dopamine
-daytoy ti neurotransmitter a synonymous with pleasure. Babaen ti daytoy, makariknatayo iti naimbag ken kabalinantayo ti mangnanam/marikna ti seks ken mangkita ti aktibidad ti seksual iti masangnguanan. Tumulong pay ti dopamine a mangawat ken agsungbat ti mensahe ti sensual manipud iti organs ti sight, hearing, taste, touch ken smell.

Krusial daytoy iti panagrugso, ited ti dopamine ti napigsa nga impluensia iti emosiontayo ken pannakaiturong--- kas iti seks. Responsable pay daytoy iti panagkuti dagiti piskel ken mangtimbeng ti anges, bisin, ken ganas. Excitatory neurotransmitter ti dopamine [mangray-aw ta pumiting dagiti neurons]. Mangrugso daytoy ken kemikal a kasinsin ti amphetamines.

Saan a kankanayon ti pannakaparuk-at ti dopamine. Agawan ken agadda ti pannakapulsona no kasapulan. Tunggal panagaduna ket yegna ti positibo nga emosional a sungbat. Bliss, ecstacy, euphoria, elation--amin dagitoy adda koneksionda iti panagpulso ti neurotransmitter babaen met laeng ti utek. Maruk-atan ti kinabileg ti dopamine no madanonan ti alimpatok ti ragsak.

Ti dopamine ket maysa kadagiti akin-responsable ti biyolohika a marikna a kabuyog iti panagayat, ti senial a pisikal kas iti flushed skin, nauneg a panaganges ken panagling-et dagiti dakulap.

Adtoy ti saludsod ken sungbat maipanggep ti Dopamine
Saludsod: Kasano a parugsuen ken pasiglaten ti Dopamine ti seks?
Agpada ti lalaki ken babai a parugsuen ken pasiglaten ti Dopamine babaen iti asosasion ti aktibidad a seksual a marikna. Adda epekto ti dopamine kas iti panagadu ti intensidad ti ekspiriensa iti seksual, tumulong a mangted ti puersa iti panangimaneho ti seks, papigsaenna ti sex drive, gargarienna a sungbatan ti sensual stimuli kas iti seductive aromas, romantic music, sensual touching, delicious taste ken erotic images; pumardas iti pannakadanon ti alimpatok ti ragsak ken yaduna ti sexual energy.

Saludsod: Kasano nga apektaran iti kinakurang ti Dopamine ti seks?
Makuna a mangray-aw ti rikna ti Dopamine. Kasta metten a sex booster daytoy. No nababa ti lebel ti dopamine, agpada nga agsagaba ti emosional ken pisikal nga aspeto iti biag ti ayat. Saannaka a parugsuen ti sensual ken pananggargari a mensahe. Agbalin nga ubbaw ti sexual advances ti partner-mo kenka. Uray kunam a pampanunotem ti seks, agkurangka iti enerhia a manggun-od ti daytoy. Narigat pay a madanon ti alimpatok ti ragsak.


Saludsod: Kasano nga apekataran iti kinakurang ti Dopamine ti emosion?
Kalbiten ti nababa a bilang ti dopamine iti negatibo nga emosion ken dipresion a mangpataud iti emotional climate hostile to romance. Mabalin pay a makagapu ti panagipauneg iti agas ti maulit-ulit a panangpiting ti dopamine iti nervous system.

Saludsod: Kasano nga apektaran iti kinakurang ti Dopamine ti panunot?
Nababa a bilang ti dopamine ti mangngudel iti abilidad ti lagip ken panagpanunot ket daytoy ti mangiturong iti saan a nasayaat nga ugali ta apektaranna ti abilidad ti tao nga agplano ken agaksion.

Dagiti simtomas iti panagkurang ti Dopamine: bumaba ti sex drive, panagkapuy wenno panagkapsut, lethargy, nasakit a piskel wenno ulo, nasal alergi, digestive disturbance [panagsarua ken panagtebbel], panangimas ti makan, agsapsapul iti caffaine, tsokolate, dagiti nasam-it, taba, asin ken premenstrual breast tenderness iti babai.


Kasano a papigsaen ti Dopamine level?
-kas iti diyeta, nutritional supplements, ehersisyo, acupuncture, apros ken makinaig. Adda met dagiti wagas babaen iti maireseta nga agas.

.

.

.

.

.

Ti Neurotransmitters a kas Aprodisiak
[Umuna iti Tallo a Paset]
Rudy Ram. Rumbaoa

salunatkenmedisina.blogspot.com

[nabulod ti ladawan a nausar]

[Adda Tuloyna]

 

No Apay a Parugsoen ti Aroma ti Riknatayo?

 

Ited ti rosas ti ayamuom ni ayat, nadisenio a panggargari iti maysa nga agayat.

Iti agdama, agtultuloy ti rosas a kas maysa kadagiti kangrunaan ken napateg a sabong. Ti rosas ket maysa nga aprodisiak iti adu a rason. Umuna, iladawanna ti kinasensualna. Maikadua, addaan iti evocative properties. Ibatina iti memoria iti kina-erotika. Ken ti rosas ket emotional aphrodisiac a mangital-o ti rikna a pagimbagan ken ragsak- gapu ta addaan iti phenyl ethanol, ken narkotiko. Ikabassitna ti anxiety a konektado iti seks ken makatulong a pagagas iti kina-inutil wenno marigatan ti lalaki a mangriing ti mabagbagina gapu iti rason nga emosion.

Dadduma nga usarna: lang-aben nga agas iti sakit ti ulo, dipresion, emotional shoch, wenno liday. Ti rose oil ket mailaok iti base oil a maipakat a pagagas iti eczema, taramidong, namaga ken congested pores.

--

NO APAY A PARUGSOEN TI AROMA TI RIKNATAYO?

NAGBALIN a pakaseknantayo ti auxillary sense of smell ken ti sexual messages nga ibaklay/idanon ti pheromones. Kasano ngay ti kangrunaan a pagawatan ti pagangot? Mariing wenno parugsoen kadi ti bangbanglo ken angot ti bagi ti seksualidadtayo? Makatulong kadi daytoy a mangted iti napintas a rikna para iti romansa?

Tapno adda sungbat ken ebidensia, pasiarentayo man ti multi-billion dollar nga industria ti bangbanglo. Kasta metten a kitaentayo ti sientipiko nga ebidensia no adda man. Daytoy maibasar no kasano nga awaten ti agong ti panagangot a konektado iti utek.

Makaparugso kadi ti Aroma?

Kadagiti lima a pagawatan, ti laeng pagawatan ti panagangot ti saan a dumalan iti cerebral cortex- ti makuna a "pannakonsensia" wenno "panunot" a parte ti utek. Ti agong awatenna ti angot a maidirekta iti limbi center, parte ti utek a mangtengngel iti sex drive-tayo, emosion, ken sensual a memoria. No ti maangot ken parugsuen, riingen wenno gargariennatayo, kalbitenna ti emosion, wenno riribukenna ti memoria, ket ti konsensiatayo ket saannan a matengngel iti isungbatayo.

Kas pagarigan, no maipugso wenno maipuyot ti sandalwood, maysa a bangbanglo a kanayon a kasla naikawesen iti tao a ditayo paggugusto. Iti dayta met la a kanito, supringen ti pagayatantayo, ket maipalagip dayta a tao kadatayo. Ket ti memoria itugotna dayta nga emosion a kannayonna ti tao. Pagammuam mariknatayo ti panagpungtot, sutilen wenno singasingaen, wenno madiprestayo a ditayo ammo ti makagapu. Ket gapu iti dayta a pagteng, awatentayo ti di mailawlawag a ditayo ammo manipud iti dayta a tao. Dayta nga angot ket agnanayonen a konektado iti negatibo nga emosion iti limbic brain.

Ti Aromatherapy

-ibutaktakna ti bileg ti phyto [mula] chemicals ken ipakitana kadatayo no kasano ti panakaaramat ti aromatic oils ti mula iti nagduduma a wagas ken usarna.

-tapno parugsuen/pasiglaten wenno pabang-aren/palag-anenna ti bagi.

-tapno mariing/parugsuen/gargarienna ti naulimek nga emosion.

-tapno ital-ona ti rikna.

-tapno baliwan/pabaruenna ti estado ti panunot.

-tapno padur-asenna psychic ken espiritual a kaammuan.

-tapno partuatenna ti ania man nga aromatic ambiance nga intay tarigagayan.

Kas met la iti herbal, ti aroma ken aromatic plant oils ket mabalin a pasiglatenna ti seks iti dua a wagas: umuna, babaen iti direktiba a gargarienna ti bagi; ken maikadua, babaen iti panangitedna ti itatal-o ti emosion a kondusib iti pannakinaig.

Dagiti esensial a lana ket masansan a maaramat kas inhalants, wenno mailaokda iti base oils [kas iti grapeseed wenno almond], ken pagmasahe iti kudil.

Dagitoy ti liklikan:

-saan nga iyasideg ti esensial a lana iti asideg dagiti mata.

-kanayon a gamporan ti lana sakbay nga ipakat iti bagi ta makairitar daytoy iti kudil.

-no agdadagsenka wenno addaan iti sensitibo a kudil wenno alergi, pagadalan a naimbag ti maipapan ti lana sakbay a padasen.

-gapu ta lunagenna ti latex, saan ngarud a maaramat daytoy iti kondom a pagpagalis. Makairitar pay ti esensial a lana iti mucous membranes.

Dagiti Erotika a Bangbanglo/Angot a Mangparugso/Mangpasiglat iti Bagi

Ti Ambergris, cinnamon bun ken dadduma a food aromas, jasmine, musk, neroli, patchouli, rose, sandalwood ken ylang-ylang ket natural nga erotika a bangbanglo wenno angot nga addaan iti pisikal [masansan a hormonal] nga epekto a mangpasiglat ti seks. Kaaduan kadagitoy ket adda kannayonna nga emosional a benepisio.

Ambergris

Aroma: sweet, mild, pleasant earthy.

Iti Asia, naaramat ti ambergris a kas aprodisiak. Naawagan iti lung sien hiang, "dragon spittle perfume." Addaan daytoy iti naisangsangayan nga angot. Nangina ti bayad ti ambergris. Maaramat daytoy iti napino a bangbanglo tapno agbayag ken soften floral frangrances. Ti angot ti ambergris ket agtalinaed iti kudil iti sumagmamano nga aldaw uray pay ulit-uliten a buggoan ti danum. Ti maysa a katedted iti panid ti libro, ti banglo daytoy ket agtalinaed iti kuarenta a tawen. Nabileg pay daytoy a kas aprodisiak no ipauneg.

Magatang laeng ti ambergris iti synthetic form. Malako kas fragrant oil babaen dagiti manufaktoria ti aromatherapy products ken addaan ti ingridiente iti adu a wagas ti floral perfumes.

Cinnamon Bun

Aroma: warm, pleasant, sweet, spicy

Segun ken ni Dr. Alan R.Hirsch, maysa a neurologist ti Smell and Taste Treatment and Research Foundation of Chicago, ti dalan nga agturong iti puso ti lalaki ket babaen iti tian daytoy- via ti aroma a taraon. Kuna ni Hirsch iti panagsukisokna, ti aromas kas iti angot ti cinnamon buns ket sexual stimulating ken mausar a kas aprodisiak.

Iti nasao a pagsubok no apay a magargari dagiti lallaki, rinukod ni Hirsch ti epekto ti nagduduma nga angot iti dara nga agayus nga agturong iti boto wenno mabagbagi ti lalaki. Naaramat ti nagduduma a bangbanglo kas iti musk, rose, lily of the valley, lavander ken baby powder, kasta metten dagiti nagduduma nga aromas kas iti kalluto a cinnamon buns, pumpkin pie, pizza, karne ken popcorn. Ti resulta? Awan kadagitoy nga angot ti nangibaba wenno nangikabassit ti panagayus ti dara nga agturong iti boto. Nagipakita iti positibo nga epekto ti amin nga angot a nasubok, ngem adda sumagmamano a makagargari nga angot no ikumpara iti sabali. Bassit ti maited a panggargari ti cranberries ta agpatak a dua laeng a porsiento iti panagngato ti panagayus ti dara. Kas met iti aroma ti baby powder, parsley ken rosas- bassit ti iburayda a panggargari.

Dagiti karaman a nangato iti sensual scale ket ti pizza, doughnuts ken oranges. Dagiti tallo a kangatuan a kombinasion iti angot ket ti 1. pumpkin pie ken lavander 2. doughnuts ken licorice 3. pumpkin pie ken licorice. Nagipakita amin dagitoy iti panagngato ti panagayus ti dara iti boto.

-ti lavander ket kangrunaan a sexually stimulating scent para kadagiti lallaki nga addaan iti sexual partners a kanayon nga agusar iti bangbanglo.

-dagiti makarikna iti pannakapnek ti seks ti kangrunaan a gargarien ti banglo ti strawberries.

-ti vanilla ti kangrunaan a sexual stimulating scent para kadagiti nataenganen a lallaki.

-ti kangrunaan a makaited iti kinaaktibo ti seks kadagiti lallaki ket masarakan iti grupo ti angot ti lavander, cola ken oriental spice.

Jasmine

Aroma: exotic, intoxicating, full, rich, heavy, sweet.

Iti nagkauna a panawen, nagbalin nga intoxicating ti jasmine ket dinayawda daytoy kas nabileg nga aprodisiak iti agpada a lallaki ken babbai. Nadagsen ti angot ti jasmine, sensual ken nganngani kualidad ti animal a kaarngi iti musk ti epekto ti kina-aprodisiakna. Ti jasmine, nabilbileg nga amang daytoy ngem iti reyna, ti rosas. Makuna a napino ti banglona, floral ken masculine- ti epektona iti agpada a pisikal ken emosion.

Makuna a patangkenen ti jasmine ti mabagbagi ti lalaki. Ti aromatherapy, maaramat nga agas ti kina-inutil, low libido ken prostate problems.

Suberbo ta pasiglatenna ti emosion. Stimulant ken antidepressant, napateg ta ital-ona ti emosion iti seks. Dadduma nga usarna: jasmine oil, mailaok a para iti massage oil, maipakat kas agas iti namaga wenno sensitibo a kudil, taramidong ken pabaruenna ti agrakayan a kudil. Maaramat pay a mailaok ken maisapsapo iti muging ti ulo a mangpukaw iti sakit ti ulo.

Musk

Aroma: musky, dark, masculine, animal-like.

Maawagan pay iti bangbanglo ti seks, uniberso nga aprodisiak. Naadaw ti naganna iti Sanskrit a balikas ti ukel-ukel, ken natural a tipo a bangbanglo a produkto dagiti lallaki. Saan a maymaysa a bangbanglo ngem ketdi, termino para iti musky-type odors a produkto ti male hormones. Maaramat pay ti musk iti mula a pagatrakar iti pollinators kas iti musk melon, musk hyacinths, musk orchids, musk pears, musk seeds, muscatels ken musk rose.

Addaan ti lana ti musk iti male pheromone alpha-androsterol, a manggargrai babaen ti VNO kasta metten iti babaen ti pagawatan ti pagangot.

Neroli

Aroma: Fresh, floral, spiciy, refreshing, sweet.

Maysa daytoy a bangbalo ti sabong ti orange. Naadaw ti naganna iti 17th century Italian Princess of Neroli, Anna Maria de la Tremoille, a nangyam-ammo ti nasao a bangbanglo kenkuana iti Pransia. Ti sensual aroma ti orange blossom ket addaan ti aprodisiak manipud pay iti ancient times. Maysa daytoy a paggugusto a bangbanglo ni Cleopatra.

Makapainana, makapabang-ar ket ital-ona ti espiritu ti Neroli. Ipababana ti anxiety a konektado iti sex, self-confidence ken mild euphoria.

Nangina ti Neroli ta masapul a pataudem ti tinotonelada nga orange blossom tapno maparuar ti neroli oil. Dadduma nga usarna: maaramat kas inhalant wenno bath oil tapno mairidepka, para relaks ken agas ti agsagsagaba ken dipresion. Mailaok iti base oil kas ti grapeseed sweet almond, pagmasahe iti kudil ken padur-asenna ti sirkulasion.

Patchouli

Aroma: Animal-like, musky, pungent, penetrating, persistent.

Naus-usaren ti pachouli a kas aprodisiak iti naglabas a siglo. Paborito a ramen para ti love potion ken addaan iti nabileg nga angot. Ruk-atan ti pachouli ti inhibitions ken gutigotenna dagiti agayan-ayat a mangibaga ti kasapulanda iti seks. Apektaranna pay ti pituary gland tapno pasiglatenna ti produksion ti hormones. Sumamay daytoy no pagayatan ti agpada a lovers.

Ti banglo ti pachouli ket padur-asenna ti tawen/edad kas iti mapreserba nga arak. Agabayag ti aroma iti kawes uray pay mamin-ano a malabaan. Dadduma nga usarna: Iti aromatherapy, maaramat kas inhalant a mangkalma ken antidepressant. Gubatenna ti kinalukmeg. Iti Asia, aramatenda daytoy a mangpapanaw kadagiti kulibangbang. Mailaok iti base oil, maipakat iti ruar a pagagas ti namaga, taramidong ken problema iti seborrhea, acne, ken dermatitis.

Rose

Aroma: sweet, floral, warm, intense, rich, evocative.

Nagbalin a napateg a sabong ti rosas gapu iti itdenna a banglo. Addan ti rosas kadagidi nagkauna a tiempo ken naaramat daytoy iti seremonia ti relihion ken magical ceremonies ken aprodisiak- nangruna kadagiti babbai. Nailasin daytoy a kas herb of Venus, ti planeta nga agturay iti sexual organs ken sexual love. Maaramat ti sabong ti rosas para iti kallaysa.

Ited ti rosas ti ayamuom ni ayat, nadisenio a panggargari iti maysa nga agayat.

Iti agdama, agtultuloy ti rosas a kas maysa kadagiti kangrunaan ken napateg a sabong. Ti rosas ket maysa nga aprodisiak iti adu a rason. Umuna, iladawanna ti kinasensualna. Maikadua, addaan iti evocative properties. Ibatina iti memoria iti kina-erotika. Ken ti rosas ket emotional aphrodisiac a mangital-o ti rikna a pagimbagan ken ragsak- gapu ta addaan iti phenyl ethanol, ken narkotiko. Ikabassitna ti anxiety a konektado iti seks ken makatulong a pagagas iti kina-inutil wenno marigatan ti lalaki a mangriing ti mabagbagina gapu iti rason nga emosion.

Dadduma nga usarna: lang-aben nga agas iti sakit ti ulo, dipresion, emotional shoch, wenno liday. Ti rose oil ket mailaok iti base oil a maipakat a pagagas iti eczema, taramidong, namaga ken congested pores.

Sandalwood

Aroma: musky, deep, woody, masculine, sweet, teancious.

Agang-angot daytoy kas alpha-androsterol, maysa a male pheromone nga adda iti ling-et ti lalaki. Tenglen ti sandalwood ti hormone ken epekto ti pituary gland.

Popular daytoy iti agpada a lallaki ken babbai. Agtrabaho ti banglona iti emosion ken iti bagi. Antidepressant ken partuatenna ti kaustoanna nga euphoria ken pagawatan ti pagimbagan. Pagagas iti inuntil.

Ylang-Ylnag

Aroma: extremely sweet, soft, floral, sensual.

Maysa nga aprodisiak gapu ti epektona iti emosion, nupay ti kina-aromana ket dina gargarien ti adrenal glands. Agtrabaho kas antidepressant. Pabang-arenna ti stress ken anxiety: mamagkalma iti emosion.

Ylang-ylang kayatna a sawen, "sabong dagiti sabong," gapu ta kayo ti sabong ket nasam-it, nadagsen ken sensual nga aroma. Dadduma nga usarna: lang-aben a pagagas iti insomnia wenno di pannakaturog, ibabana iti presion ti dara, ibannayatna ti alisto a panaganges ken pulso ti puso. No sobra a konsentrasion iti ylang-ylang, pataudenna ti panagsarua wenno sakit ti ulo.*

.

.

.

.

.

NO APAY A PARUGSOEN TI AROMA TI RIKNATAYO?

Rudy Ram. Rumbaoa

salunatkenmedisina.blogspot.com

[nabulod ti ladawan a nausar]