Nasamay Daytoy Low-Carb Diet

[Nabulod ti ladawan a naaramat]

"LOW-CARB DIET: Nasamay a mangibaba iti dagsen ken timbengenna ti rukod ti kolesterol"



ITI maminsan pay a gundaway, pinaneknekan ti Atkins diet ti bukodna a pamatian: "Makatulong ti low-carb diet ken iti estilo ti Mediterranean regimen kadagiti tattao nga agkalikagum a mangibaba ti dagsen ngem iti tradisional a low-fat diet ti maysa kadagiti kabayagan ken kadakkelan a panagadal tapno ikumpera ti weight-loss techniques."

Ti kadakkelan a surpresa? Pagdur-asen ti low-carb diet ti kolesterol. Ngem saan a mamati dagiti dadduma a kritiko. Kuna ni Abby Bloch iti Dr. Robert C. ken Veronica Atkins Foundation, a "napaneknekan daytoy ket pudno." Dayawen dagitoy grupo ti pilantropo ti Atkins diet creator.

Nupay kasta, nagun-od dagitoy tallo: "low-carb diet," "low-fat diet" ken ti makuna a "Mediterranean diet" ti wagas a mangibaba iti dagsen ken pagdur-asan ti kolesterol. Saan a kadawyan daytoy a panagadal gapu ta immabot iti dua a tawen, at-atiddog ngem ti maipagarup, ngem ketdi, adda pakainaigan iti kaadda ti interes dagiti tattao nga agdiyeta [adda 85 a porsiento].

Inasitgan dagitoy a nagsukisok ti Atkins Foundation tapno mayuman daytoy nga idea ti panagadal kadakuada. Ngem awan ti kangrunaan nga akem ti nasao a foundation iti nadisenio a panagadal wenno mairakurak ti agbalin a resulta. Dinayaw dagiti sabsabali pay nga eksperto ti resulta ti panagadal a "di nakapappapati, ngem pudno."

Iti biang ni Kelly Brownell, director ti Yale University Rudd Center for Foods Policy and Obesity, a "mararaem dagitoy a grupo a nagsukisok. Saanda a maulbod ti napaneknekanda."

Malagip a naaramid ti panagsukisok iti maysa a lugar ti nuclear facility iti Israel. Naited kadagiti agarup 322 a partisipante ti kompleto a pannangan iti bigat, aldaw ken rabii iti kapeteria ti nasao a pasilidad. Nalasin ti tunggal taraon babaen ti colored dots. Naaramat ti kolor a nalabbaga para ti low-fat, berde para ti Mediterrean ken asul para ti low-carb.

Para iti pamigat ken pangrabii, nabagaan dagiti dieters nga aramidenda ti kaugalian a planoda iti pannangan, kalpasanna, sinungbatanda ti sumagmamano a questionnaires no ania ti klase ti kinnanda. Saan a nasurok ngem 30 a porsiento ti calories manipud iti taba ti low-fat diet, maiparit ti calories ken kolesterol ken maipamaysa ti low-fat grains, nateng ken prutas kas kasukat ti taraon. Adda pagkaarngian ti Mediterranean diet iti calories, taba ken cholesterol restrictions- kangrunaan ditoy ti poultry, lames, olive oil ken nuts.

Adda limitasion ti low-carb diet iti carbohydrates, ngem awan ti calories wenno taba. Magutigot dagiti dieters nga agpili iti vegetarian a paggapuan ti taba ken protina. 

Iti panangilawlawag ni Madelyn Fernstrom, weight management expert ti University of Pittsburg, nagrekisa ti panagadal ngem saan a karaman daytoy, "Saan nga ipauneg ti adu a keso ken itlog wenno krema."

Kaaduan kadagiti partisipante ket lallaki. Amin a lalaki ken babai iti panagadal ket naipaayanda pay iti bilang ti panagwatwat.

Mapattapatta a bilang ti nakaibabaan iti dagsen ti grupo ti low-carb diet ket 10.3 pounds kalpasan ti dua a tawen. Nakapukaw met ti dagsen dagiti Mediterrean diet iti 10 pounds ken ti low-fat regimen iti 6.5 pounds.

Surpresa ti rukod ti kolesterol. Kuna dagiti kritiko a makatulong ti Atkins diet iti panagibaba ken panangpukaw dagiti tao ti dagsen. Ngem pinagamkan ken nagbutnganda ti kinabayag ti proseso, ta segun met la kadakuada, mabalin nga ipangatona ti kolesterol gapu ta maipalubos ti taba nga ipauneg.

Ngem iti estilo ti low-carb, makita a padur-asenna ti sumagmamano a rukod ti kolesterol nga agturong iti HDL, wenno ti "good cholesterol." 

Kas pagarigan, maysa kadagiti tattao ti addaan iti HDL a 50, mabalin nga adda ratio a 4-to-1. Ti optimum a ratio ket 3.5-to-1, segun iti American Heart Association. Ti pasiente a bumaba ti ratio ket maysa a senial iti panagtangken dagiti arteries. Bumaba iti 20 a porsiento ti tao a low-carb diet, 16 iti Mediterrean ken 12 a porsiento iti low-fat dieters.

Saan a daytoy ti kaunaan a panagadal a mangibaga ti pagdiperensiaan manipud iti kaarngi ti Atkins diet. Iti impablaak dagiti nagsukisok iti Journal of the American Medical Association idi tawen 2007, naammuan ti JAMA ti resulta ti Atkins diet iti insayangkatda a pagsubok kadagiti nalukmeg a babbai: "simmayaat bassit ti blood pressure ken cholesterol readings no idasig iti low-carb Zone diet, low-fat Ornish diet ken low-fat diet." Amin dagitoy a pagsubok ket nagtungpal iti pagannurotan ti gobierno ti Estados Unidos.

Nabayagen nga irekomenda ti Heart Association ti low-fat diet tapno mailisi iti panakairisgo ti puso iti aniaman a kita ti sakit, ngem nasintir dagiti dadduma [a lider ti HA] a natalged ken epektibo pay ti Mediterrean diet. 

"Kinaagpaysona, irekomenda ti HA ti low-fat diet uray pay no ad-adu ti maiparit a taraon nga ipauneg segun ti ipaneknek iti panagadal," daytoy ti inlawlawag ni Dr. Robert Eckel, HA past president ken propesor ti medisina iti University of Colorado, Denver.

Saan nga irekomenda ti HA ti Atkins diet. Nupay kasta, maitunos ti low-carb approach iti pagannurotan ti HA basta adda limitasion ti klase ti saturated fats a masansan nga ipapauneg dagiti tao.

Pabor iti resulta ti baro a panagadal ti "Atkins-like" kadagiti grupo ti diabetics ken babbai a naeksamen. Kadagiti 36 a diabetics, dagiti laeng Mediterranen diet ti bimmaba iti blood sugar levels-da. Iti biang ti 45 a babbai, dagiti Mediterranean dieters ti nakapukaw iti dagsen.

Kuna ni Dr. Willian Dietz, nangibagi ti Centers for Desease Control and Prevention, nga isingasing ti data wenno datos a nalalaing a sumungbat dagiti lallaki no iti panagdiyeta ti pagsasaritaan ta nalawag nga ammoda ti limitasion ti taraon nga ipaunegda. Ngem nalalaing dagiti babbai a mangiwayat ti panagibaba ti dagsen gapu ta addaanda ti ekspiriensa iti panagdiyeta, ammoda a yimplimentar ti mas komplikasion a panagdiyeta. Ni Dietz ti pangulo ti CDC nutrition unit.*



NASAMAY DAYTOY LOW-CARB DIET
Rudy Ram. Rumbaoa
Dagiti Koleksion a Daniw, sarita, Kanta ken Dadduma Pay
wwwsalunatkenmedisina.blogspot.com

Taraon, Salun-at ken Alimpatok

[Nabulod laenhg dagiti ladawan a naaramat iti salaysay]

Taraon, Salun-at ken Alimpatok [Maudi iti Dua a Paset]
ni Rudy Ram. Rumbaoa
Mabasa pay iti "Di Nakapappapati, Ngem Pudno" ti Fil-Am Observer August 2012 Issue, Opinion Section, Page 5

"Kannayon a mangibaba ti libido, patauden pay ti high-fat diet ti Atherosclerosis- ti panangbangen ken panagdeposito ti taba iti blood vessels, karaman dagiti babassit a blood vessels iti mabagbagi ti lalaki. No agilet dagiti blood vessels babaen ti plaque deposits, saan nga umisu ti rasion a dara a mapan iti mabagbagi ti lalaki ken saanna a magun-od ti panagtangken [ti boto], dida pay sumungbat iti senial ti pannakakagargari/seksual nga iturayan ti sex drive..."

 
Regular a Taraon [Nutrients] nga ipauneg para iti mabayag/napaut a pannakiseks

NADAKAMAT iti umuna a paset a dagitoy a taraon a pagparugso-pagpasiglat ket mapapati pay nga adda akemna a pampapigsa para iti napapanut a pannakainaig wenno pannakiseks. Adda met sabali a ramen ken sustansia ti taraon. Adda kina-espesial ken kina-importante ti esensial a fatty acids, ti bitamina B-Complex ken mineral. Adda met akem ti calories [wenno bilang ti enerhia manipud iti makan]. Dagitoy a kalori iti taraon ti mangipaay ti enerhia iti amin nga aktibidad nga aramidentayo iti inaldaw-aldaw- ket mairamanen ditoy ti seks.

Alaen ti kaustoan a bilang ti Kalori
-Saan a nasayaat ti anorexia [wenno ti pannakapukaw ti ganas a mangan]. Kas met kadagiti dadduma a napateg a kanito ti pisikal nga aktibidad, ti pannaki-sex ket kasapulanna ti calories- no mabalin, adu a calories. No agipauneg iti bassit a kalori, mapukaw ti tao iti panangimanehona ti seks [sex drive], a karaman ti timbangna. Uray pay no madanon ti kalikagum a physical goal, agresulta wenno agtennag a nabannog ken iritable ti rikna no makinaig. Saan a pangupay kadagiti tao daytoy gapu iti ayatda a palag-anen ti timbangda, ngem agannad iti insigida a panagbaba ti timbang iti low-calorie diet ta agresulta iti pannakadidigra ti taraon.

Ti kinaawan ganas a sumango iti panganan tapno mangan wenno ti kinasadut a mangtaraon ti boksit gapu iti bisin ket maysa daytoy a pangrippuog iti bukod a bagi. Ti sobra a timbang saanna a kayatna a sawen a bumaba ti sex appeal ti maysa a tao. Ngem ti sobra a timbang ket mabalin a saanna a matakderan ti wagas a pannakiseks, *pannakisipol wenno pannakiromansa; ketdi, apektaranna ti reproductive system ti bagi. Saan la a dayta, apektaranna pay ti pannakapataud ti sex hormones. Daytoy ket agpayso partikular kadagiti overweight a resulta ti high-fat diet.

Ti taba, agpataud iti Estrogen, ti kangrunaan a female hormone [ti *hormone ket maysa a substansia a mangpartuat iti maysa a banag a sibibiag tapno agbalin daytoy a kas motor ti panaggaraw]. Kadagiti babbai, ti panagurnong iti sobra nga estrogen ti mabalin a mangpataud iti saan a makaay-ayo a side effects, kas koma iti pannakaisturbo ti panagbinulan wenno panagbubussog ti tian. No saan, mairisgo pay daytoy iti panagtaud ti breast cancer gapu ta ti cancer ket "estrogen-dependent." Ngem maliklikan ti pannakairisgo iti nasao a sakit no ibaba ti bilang nga ipauneg a high-fat foods.

Kadagiti lallaki a managipauneg iti taraon nga addaan iti nangato a taba [high in fat] ti mangiturong ti bagi nga agpataud iti nababa a testosterone- *hormone dagiti lallaki nga akinresponsable ti sex drive.

Iti panagadal nga insayangkat ti University of Utah, nasubok ti epekto ti high fat iti testoterone levels iti walo a nagboluntario a lallaki. Pagsiddaawaan ti nagbalin a resulta ti panagadal. Kalpasan nga imminum dagitoy a lallaki iti high fat milkshakes [57% fat, 34% carbohydrates, 9% protein], bimmaba ti level ti testosterone iti agarup 50 a porsiento. Idi imminumda iti low-fat milkshakes [1% fat, 73% carbohydrates, 25% protein], saan a pulos a bimmaba wenno nakuti ti level ti testosterone da. Iti nagnguddoan ti panagadal, ibaba wenno pukawen ti high-fat diet ti sex drive ti lalaki. Inamongan dagiti dadduma a nagsukisok ken napaneknekkan kadagiti sabsabali pay a panagadal a naisayangkat daytoy a konklusionda.

Kannayon a mangibaba ti libido, patauden pay ti high-fat diet ti Atherosclerosis- ti panangbangen ken panagdeposito ti taba iti blood vessels, karaman dagiti babassit a blood vessels iti mabagbagi ti lalaki. No agilet dagiti blood vessels babaen ti plaque deposits, saan nga umisu ti rasion a dara a mapan iti mabagbagi ti lalaki ken saanna a magun-od ti panagtangken [ti boto], dida pay sumungbat iti senial ti pannakakagargari/seksual nga iturayan ti sex drive.

Ti diyeta a nangato ti ramenna iti Animal Fats; nangrunan dagiti taba a masarakan iti red meat, ti [mabalin a] mangapektar ti hormone levels dagiti agpada a lalaki ken babai. Masansan a mainayon ti female hormone iti karne a taraon kas iti beef cattle, ken no dadduma, ti karne ti manok tapno aglanga dagitoy a nalukmeg no mailako iti tiendaan. Ti female hormones ti mangpataud ti danum ken mangnayon iti dagsen ti timbang ti bagi.

Saanna met ngarud kayat a sawen a saan a mabalin nga agipauneg dagiti babbai iti taba para iti nasalsalun-at a hormones da. Ket no mapasamak dayta, yegna ti nakaro a perdision ti kudil. Mabalin met a lappedan iti panagipauneg ti Fat-Soluble Vitamins kas iti bitamina A, D, E ken K ti agbalin a perdision ti bagi. Masapul met bassit ti taba iti panagdiyeta, ngem masarakan dagitoy kadagiti berde a natnateng, iti nuts, bukbukel, ken lana ti lames. Karaman pay iti kangrunaan a taba iti Essential Fatty Acids.

Ti Essential Fatty Acids
-Masapul dagitoy a taba, ta esensial ngarud para iti bagi, ngem dida met mapataud/makapartuat iti bukodda a taba. Masapul ti regular a pannakarasion iti diyeta ta esensialda. Importante ti panagtrabaho ken serbi ti fatty acids kas iti panangpapigsa ti cell membranes, ital-ona ti panagdakkel dagiti piskel ken taba iti dara. Krusial met daytoy nga agserbi iti sex life ti tao. Kasapulan ti normal a panagtrabaho ti sex organs ken glands, mangpataud ti sex hormones ken adrenal hormones, parugsuenna ti produksion ti prostaglandis [maysa a substansia ti hormone a nasken tapno adda sexual response], padur-asenna ti sirkulasion tapno agayus ti dara iti genitals ken tumulong a mangpatangken iti mabagbagi ti lalaki.

Dua ti esensial nga akem ti fatty acids tapno agtrabaho a nasayaat. Dagitoy ti Linoleic Acid ken EPA [wenno Eicosapentaenoic Acid]. Kangrunaan a pakasarakan ken paggapuan ti Linoleic Acid ket iti cold-pressed oils ti berde a natnateng, bukel ken nuts. Kameng met ti EPA iti Omega-3 Group ti fatty acids a masarakan iti lana ti lames- kas iti salmon. Dakkel ti akem ti Omega-3 Fish Oils a mangibaba ti cholesterol ken blood fat levels. Ngarud, padur-asenna ti sirkulasion ken paingpisenna ti dara.

Agpada ti Linoleic Acid ken EPA nga agpataud/agpartuat iti prostaglandins- a kasapulan unay iti sexual response ken panangpatangken iti mabagbagi ti lalaki. Tapno mapaadda ti prostaglandins, kasapulan ti fatty acids iti umisu a rasion ti Bitamina B3, B6, Bitamina C, Zinc ken Magnesium.

Paggapuan/pakasarakan ti Linoleic Acid ket iti Safflowe oil, sunflower oil, evening promrose oil, black currat oil, soil oil, corn oil, sesame oil, walnuts, almonds, ken peanut butter. Agpataud met ti salmon, mackerel, menhaden, herring, sardines, ken flaxseed oil iti EPA Omega-3.

Saan a mabalin nga ipauneg ti EPA no agus-usar iti thinning-blood medication. No sobra ti panagusar iti EPA, ipabassitna ti abilidad ti dara nga agtitipkel. Maisingasing kadagiti diabetes nga agipauneg iti lames gapu iti esensial ti fatty acids, ngem liklikan ti agusar iti fish-oil suppliments.

Ti Vitamin B-Complex
-Naproseso a taraon ken [makuna] junk foods kadagiti fast-food chains ket nagbalinen nga inaldaw-aldaw a paset ti lifestyle ti tao no gumatang kadagitoy a taraon nga ipauneg. Ket nupay kombiniente, alisto ken nababa ti presio dagitoy a tagilako, nakurang met ti ipaayda a bitamin ken pagimbagan iti salun-at. Maysa kadagiti pagkurangan dagitoy a taraon iti tagilako isu ti Bitamina B. Ti whole grains ti kangrunaan a paggapuan ti B vitamins iti apagisu a diyeta. Ngem kaaduan kadagitoy a B vitamins ti maikkat no maproseso ti pannakaaramid ti puraw a tinapay. Ket no awan ti B vitamins, ti bread/tinapay ket saanen a makuna wenno maibilang a "paset ti taraon ti biag." Ngem adda met sabsabali pay a makagapu iti daytoy a pagkurangan ti B vitamins- kas koma iti edad [nataengan unayen ti tao a mangawat kadaytoy], ken/wenno problema iti salun-at.

No agkaurang iti ania man kadagiti B vitamins, nakakaimposible a magun-od ti alimpatok/panagganas a marikna wenno itden ti seks. Adda dua a mabalin a makagapu: no awan ti naan-anay nga "enerhia" ken sadut nga agtrabaho dagiti "nerbio," ta isuda ti mangtengngel ken mamaggaraw iti amin, no di pay tunggal aramid. Ta no awan ti B vitamins iti bagi, saanna a mabaliwan ti carbohydrates iti glucose- simple nga asukar iti bagi ken kangrunaan a paggapuan ti enerhia. Wenno saan marumrumek ti taba wenno proteins. Iti ababa a pannao, uray manganka, awan ti magun-od wenno mapataud nga enerhia manipud iti taraon nga ipaunegmo.

Agresulta pay ti panagkurang ti bitamina B iti kina-iritable uray iti punto ti kinaagresibo ken kinanerbios.

Malaksid no agipaunegka iti adu a wheat germ, whole grains, brewer's yeast wenno dalem, ngem kasla imposible a magun-od ti B vitamins iti mismo a taraon. Iti sabali a bangir, no agipaunegka iti suplimento ti single B vitamin, kasapulan a mayadu ti dadduma a bitamina B. Ti panagkurang ti maysa a B vitamins ti mangpataud iti panagkurang ti sabali. Ngarud masapul a balanse ti vitamin B-complex suppliment.

Ania ngay ti Mineral?
-Mangrugi kas minute particles, tay bassit sa in-inut nga agporma iti lana- ditoy a lumabas ti mineral. Manipud lana iti danum, manipud iti mula ken iti mula- dagiti animal, dagiti agipauneg iti agpada a mula ken karne ti animal.

Iti amin a taraon, ti mineral ti kangrunaan a kasapulan tapno agbiag. Mabalin nga agtrabaho ti bagi nga uray awan ti bitamina, ngem saan a mabalin ti mineral. Kasapulan pay ti bitamina iti kaadda ti mineral tapno agtrabaho a nasayaat daytoy. Kasapulan ti mineral iti isu amin a selula ti bagi ken ti proseso ti panagtrabaho ti bagi kas iti digestion [wenno panagngalngal iti makan tapno agbalin a babassit ken tapno naparpardas a marunaw] ken iti seks. No awan ti mineral iti uray laeng ti likido ti bagi, saan a makapataud/makapartuat iti kapsit ti lalaki. Dagitoy a minerals ket makuna a chemical catalysts tapno maaramid ti maysa a banag.

Dua ti grupo ti minerals. Umuna, adda makuna a "macro [bulk] minerals" a kasapulan para iti ad-adu a kuantidad: calcium, magnesium, sodium, potassium, phosphorous. Ti maikadua isu ti "micro [trace] minerals" a kasapulan para iti minuto a kuantidad: zinz, iron, copper, manganese, chromium, selenium ken iodine.

Mapan kadagiti tulang ken piskel dagiti sobra a minerals a maipauneg.

Kompleto ti panangsagepsep ti bagi iti minerals. No adu ti maipauneg a zinc- mabalinna a pukawen ti calcium ken copper. Ngarud saan a nasayaat no agipauneg iti maymaysa a klase ti mineral supplements malaksid no adda superbision ti health professional.

Magatang ti mineral iti porma ti chalated. Kayatna a sawen a nairaman iti protein a tumulong a masagepsep.

Taraon, Salun-at ken Alimpatok

Taraon, Salun-at ken Alimpatok 

ni Rudy Ram. Rumbaoa
Mabasa pay iti "Di Nakapappapati, Ngem Pudno" ti Fil-Am Observer July 2012 Issue, Opinion Section, Page 5

"Kangrunaan a ramen ti Choline ken Lecithin ket maysa nga asido a taba a mangsalaknib/mangproteher ti cell membranes manipud iti panagtangken ken perdision a gapuanan ti oksiheno. Addaan ti kapsit ti lalaki iti adu a bilang ti Lecithin ket masuktan amin dagitoy kalpasan nga agparuar..."

[Umuna iti Dua a Paset]
 

IBURAY ti relasion iti taraon nga ipauneg. Kuna ti maysa a pagsasao: "Sika ken ti taraonmo- maymaysa." Nabileg ti makagapu ken epekto ti relasion iti nagbaetan ti taraon nga ipauneg ken ti pagbanagan ta maipaay ti atension iti kasapulan ti panagdiyeta. Tapno magun-od ti napintas nga aramid, kasapulan ti nabaknang ken nangato ti kalidadna a nutrients. Daytoy ket agpayso para iti pannakinaig, ta ti seks ket maibilang nga aktibidad a kasapulan ti napigsa nga enerhia. Para iti aktibo, makapnek a sex life a kasapulan, masapul ngarud ti optimum health ken nutirision.

Adda epekto ti taraon iti sexuality- direkta wenno indirekta. Adda sumagmamano a nutrients a mangpapigsa iti levels ti hormones ken neurotransmitter nga agpartuat iti pagrugsoan ti pannakiseks ken paaduenna ti agayus a dara nga agturong iti mabagbagi ti tao. Dagiti dadduma apektaranda ti seks- direktamente babaen iti impluensia ti kangato ti hormones ken neurotransmitter nga addaan iti napigsa a bileg a mangapektar ti emosion. Kalbiten dagiti nutrients ti pannakaparuk-at ti hormones ken neurotransmitter a mangital-o ti tarigagay a makinaig.

Kas met kadagiti herbal ken esensial a lana, adda nutrients a mangipakita iti "naseksi a reputasion." Dagitoy maipaunegda sakbay ti pannakinaig, ngem agserbida laeng a temporario. Apagbiit a rikna ti tarigagay ti seks ken enerhia. Dagiti sabsabali, agtrabahoda para iti long-term tapno umadu ken pumigsa ti sexual vigor ken vitality babaen ti portipikasion ti glands ken ti reproductive organs ken iti panangapsektar ti levels ti sex hormones ken neurotransmitter.


Taraon [Nutrients] nga ipauneg sakbay ti pannakinaig
-Agtrabaho dagiti taraon iti bukodda a tiempo ken oras. Mabalin a saan a madlaw ti agbalin nga epekto dagitoy a taraon iti bagi. Daytoy ket agpayso iti kaaduan a taraon a mangpapigsa iti pannakinaig. Nadaras met ti aksion ti dadduma ken maipaunegda sakbay ti pannakinaig tapno marikna ti epektona.


Dagiti fast-acting nutrients:
-Vitamin E [Tocopherol] ti nagbalin a kangrunaan a bitamina ti dekada. Nalatlatak ti awagna kas "sex vitamin," wenno "virilty vitamin," ta maipagarup nga itdenna ti pigsa iti pannakinaig ken rekomendado pay kas "recreational drug." Ipaay ti Bitamina E ti nangato nga enerhia. Iti ipauneg a high-potency Vitamin E capsules kagudua ti oras sakbay iti pannakinaig ket itdenna ti pigsa nga agbayag iti sumagmamano nga oras. Saan laeng nga enerhia ti itden ti Bitamina E, itdenna pay ti kinaundor.


Kas iti dadduma a nabigbig a sex-boosters, ti Bitamina E ket awan ti ramenna nga aprodisiaks. Nabileg ti Bitamina E nga antioxidant. Kayatna a sawen a lapdanna dagiti substansia iti bagi manipud iti pannaka-oksidinar ken pagbalinenda dagitoy a free radicals, toxic molecules a mangdadael iti selula. Salaknibanna ti nalabaga a dara manipud iti free radicals- ti Bitamina E ti mangibaklay iti kompleto a rasion ti puro nga oksiheno iti amin a paset ti bagi.  

Nasken pay ti Bitamina E para iti metabolismo ti enerhia. Agtrabaho daytoy a kaduana ti coenzyme Q10, tumulong a mangbaliw ti taraon nga ipaunegtayo nga agbalin nga enerhia.


Maawagan ti Bitamina E iti "virility vitamin" gapu ta esensial iti produksion ti kapsit, sex hormones ken gonadotropin- ti pituary hormone a mangrugso ti sex glands. Iti test tubes studies, ipakita ti Bitamina E a paaduenna ti fertilty ken motility ti kapsit ti tao. Agdepende ti pigsa ken aktibidad ken no kasano iti kaadu ti Bitamina E iti kapsit ti lalaki.


Masarakan ti Bitamina E iti wheat germ, vegetable oils, whole grains, bulbulong iti berde a nateng, nuts, bukel, dalem, itlog. No nangato ti presion ti dara, saan nga ipauneg ti Bitamina E no awan ti pammalubos ti doktor. Ti sobra a bitamina E iti bagi ket ipangatona ti presion ti dara.


-Ti L-Argininie ti maysa kadagiti maibilang a walo nga esensial amino acids. Agtrabaho kas pagpasiglat iti pannakinaig babaen iti panangpaaduna ti neurotransmitter a mangpataud iti essem ken tarigagay. Sabali pay ti akemna a mangted iti pannakapnek tapno maragpat ti alimpatok. Paborito nga ipauneg dagiti body builders ken atleta ti L-Arginine ta padakkelenna ti piskel ken pabassitenna ti taba. Saan la a dayta, itdenna pay ti enerhia, stamina ken undor.


Naduktalan itay nabiit nga adda akem ti L-Arginine a patangkenenna ti mabagbagi ti lalaki. No magargari ti lalaki, adda chain reaction manipud iti enzyme a mangbaliw ti L-Arginine [iti boto] a maawagan iti nitric oxide. Kalbiten ti nitric oxide ti itatangken ti mabagbagi ti lalaki. Ti abilidad nga itatangken ket adda koneksionna iti kaadu ti L-Arginine ken no kasano ti kaadu ti oksiheno nga ibaklay ti dara nga agturong iti mabagbagi ti lalaki.


Masarakan ti L-Arginine iti kaaduan a taraon kas iti brown rice, mani, nuts, tsokolate, manok, raisins, dry products, sesame seeds, sunflower seeds, oameat, popcorn, raw cereal, whole-wheat products. Adda suplimento nga ipaayna iti agpada a lallaki ken babbai. Saan koma nga ipauneg daytoy dagiti masikog ken no adda sakit iti kidney ken dalem.


-Choline ken Lethicin [Phosphatidylcholine] ket maitudo/nadesignaran kas maysa a Bitamina B. Krusial ti panangyallatiwna ti mensahe a kemikal iti nagbaetan ti nerbio ken utek, ket mapapati pay a paimbagenna ti rikna ti tao. Esensial pay ti Choline para iti panagrugso ket pagsiglatenna ti panunot ken aramid no makinaig.


Kangrunaan a ramen ti Choline ken Lecithin ket maysa nga asido a taba a mangsalaknib/mangproteher ti cell membranes manipud iti panagtangken ken perdision a gapuanan ti oksiheno. Addaan ti kapsit ti lalaki iti adu a bilang ti Lecithin ket masuktan amin dagitoy kalpasan nga agparuar.


Parugsoen ti Choline ti utek nga agaramid ken ruk-atanna ti neurotransmitter acetylcholine. Pasayaaten ti acetylcholine ti rikna ken garienna ti pannakinaig- nangruna kadagiti agtawenen iti nasurok a kuarenta. Kalbiten pay ti Choline ti pannakaparuk-at ti lubricating moisture manipud iti mucous membranes ti vagina [uki] wenno mabagbagi ti babai para iti panagsagana a makinaig. 

Tumulong met daytoy a mangmentenar ti kinatangken ti mabagbagi dagiti lallaki ken iti produksion ti hormones. Pasiglaten pay ti Choline ti utek, nangruna ti memoria ken tumulong a mangpukaw ken/wenno mangibaba iti timbang babaen iti pannakaiyanud ti taba manipud iti selula. No panggep nga usaren daytoy iti pangparugso ken/wenno pannakinaig a tarigagay, ipauneg ti 100-200 mg a Choline kagudua ti oras sakbay a makinaig.


Masarakan iti egg yolks, dalem, soybeans, lames, karne, gatas, whole grain cereals, peas, beans, mani, bukbukel, nuts, berde a natnateng, brewer's yeast. Liklikan laeng iti agipauneg no adda gastric ulcers ken Parkinson's Disease, ken/wenno addaan nairiseta nga agas kas iti Atrophine, wenno Diphenthydramine ta lapdanda ti epekto ti acetylcholine. Ket no sobra unay iti ipauneg, pataudenna ti dipresion ken panagsuyot.


-Phenylalanine ken Tyrosine ket paaduenna ti bilang ti dua pay a sex boosting brain neurotransmitters: ti norepinephrine ken dopamine. Esensial nga amino acid ti Phenylalanine a makita iti dua a porma: D-phenylalanine [para iti ut-ot] ken L-pheylalanine [para iti dipresion]. Kombinasion ti itden a suplimento ti DLPA [DL-phenylalanine]. Mamindua ti kapigsa ti epektibona para iti dipresion [ti agas nga Imipramine].

Ti Tyrosine kas iti L-phelalanine, maysa daytoy nga antidepressant. Adda koneksion iti kinaawan gagar/essem a pannakinaig iti dipresion, ngem makatulong dagiti taraon a manggubat ti dipresion. Paaduen pay ti Tyrosine ti bilang ti neurotransmitters a mangtengngel ti sex drive. Nonessential amino acid ti Tyrosine gapu ta kabaelan a patauden ti bagi ti bukodna a Phenylalanine.
Masarakan daytoy iti nalabaga a karne, manok, seafood, soybeans, wheat germ, dairy products, nuts, bukbukel. Liklikan ti panagusar no agipapaunegka iti antidepressants wenno MAO inhibitor ken/wenno nangato ti presion ti dara, Phenylketonuria, Melanoma skin cancer wenno diabetes.

-Ti Phenylethylamine [PEA] ket maawagan ken makuna a "kemikal ti romansa," puoran wenno rubrobanna ti tarigagay ti "love at first sight." Maawagan pay daytoy a kas "molecule of love ." Bukod a partuat ti utek ti PEA babaen ti Phenylalanine. Kalbitenna ti panunot ken tarigagay a makinaig ken makiromansa.

Natural nga amphetamine ti PEA, ital-ona ti rikna iti agpada a lalaki ken babai. Pataudenna ti excitement, euphoria ken romansa.

Ti PEA ket ital-ona ti levels ti sexual wenno romantic fantasies, panagbasa iti romance novels, panagdengngeg iti romantic music wenno pukawenna ti romantic memory. Dagiti erotic novels, X-rated films, erotic art ken sabsabali pay nga sexually explicit material ti tumulong pay a mangipangato ti PEA levels.


[Adda Tuloyna]