No Maaramat ti Sex a kas Pagibales, Wenno Ital-o ti Personal nga Interes, ken Mabali Pay a Pagagas iti Sakit ti Ulo

No Maaramat ti Sex a kas Pagibales, Wenno Ital-o ti Personal nga Interes, ken Mabali Pay a Pagagas iti Sakit ti Ulo

Kuna ti panagadal: "Maaramat pay ti sex a kas pagibales, ital-o ti estado ti kasasaad  wenno personal nga interes iti trabaho, ken uray pay pagagas iti sakit ti ulo..."

--

NO panunoten nga aginnayat [agnaig/agyot/agtinnuon/seks] dagiti tao gapu laeng iti ragsak ken procreation- hustoka! Ag-seks pay dagitoy tapno maikkat iti sakit ti ulo, wenno agbalin a sagut ti lasag no rambakan ti naisangsangayan nga okasion, ken tapno [kano] umasideg ti rikna iti Dios.

Iti panagsukisok a naipablaak iti Archives of Sexual Behavior, napataud ti agarup dua gasut tallopulo ket pito [237] a rason tapno mapaayatan dagiti tattao a makinaig.

Asino ti makaammo?

Kuna ni Cindy Meston, maysa a propesor ti psychology iti Unibersidad ti Texas idiay Austin ken kangrunaan a nangsurat ti nasao nga artikulo, kaaduan dagiti tattao ti mangipagarup nga adda sumagmamano a rason no apay a makinaigda: "Naragsak ti marikna, agayatka, wenno kayatmo ti maaddaan iti anak. Naduktalanda a makinaig dagiti dadduma a tattao gapu ta adda sabali a rason dagitoy."

"Naammuan a mapatibker ti sex education, makatulong iti istratehia tapno malapdan ti panagwaras ti makaakar a sakit [wenno sexually transimtted diseases] ken mangidalan iti panagdur-as ti pannakaagas ti sakit a mayakar kadagiti tattao nga addaan iti daytoy a problema," kuna ni Meston. 

"Masapul nga ammuen no apay a maki-seks dagiti tao babaen ti pannakaipan dagitoy iti umno a lugar ti safe-sex program," innayonna. "No ipagarupmo nga agnaig dagiti dua a tao gapu ta kapudpudotan ti riknada, wen agpayso ngem [ibagam nga] agusar ti lalaki iti kondom. Ngem no aramatenda laeng daytoy a pagibales wenno gapu ta kayatda laeng a ray-awen ti riknada- masapul ngarud iti sabali nga istratehia para ti dayta a situasion.

Ni Meston ken ti co-author'na ni David Buss, ti nangukkon iti agarup uppat a gasut ken uppat a pulo ket uppat nga estudiante ken nagboluntario [iti daytoy a panagadal]- ken agtawen dagitoy manipud ti 17 agingga iti 52. Naibilin kadakuada nga isuratda ti kasimplian a rason ken kapanunotan iti bukodda a kapadasan mainaig ti seks iti agdama ken napalabas. Ket gapu iti daytoy, nakapataud da Meston ken Buss ti 715 a rason. Innikkatda dagiti agpapada wenno agkaarngi a rason, nabati laeng ti agarup 237 a rason.

Nakabutbuteng ti impudno a rason dagiti dadduma a kas koma iti: "kayatko nga iwaras ti sakit a sexually transmitted disease iti sabali." Dagiti sabali kunada a maysa laeng a surpresa ti maki-seks ta as-asideg kano no kua ti riknada iti Dios.

Patas kadi ti agayat?

Iti pannakaiyuswat ti maikadua a panagsukisok, nagsaludsod da Meston ken Buss iti agarup 1,549 a college students nga agad-adal iti pyschology tapno ikeddengda no kasano ti kina-importante ti tunggal rason iti 237 ken ibasarda daytoy a rason iti kapadasanda no kasano a maray-aw ti bukodda nga ugali no makinaigda.

Napagsaludsodan pay dagiti estudiante no kasano ken kaano ti masansan a pannakaramid ti tunggal rason tapno daytoy ti mangipalubos kadakuada a maki-seks iti napalabas. Marukod manipud iti 1 para kadagiti saan a nakapadas, ket marukod met iti 5 dagiti kanayon a makinaig. Kadagiti saan a maki-seks [27% iti babbai ken 32% iti lallaki] ti agkuna a padasenda ti makinaig iti masakbayan.

Kaaduan dagiti estudiante ti nagkuna a gagangay laeng a rason no apay a makinaigda. Kas koma iti daytoy: "Naawis ti riknak iti dayta a tao," "Naragsak ti mariknak," ken "Kayatko nga iparikna kenkuana nga ay-ayatek" - nairaman daytoy iti listaan ti agpapada a rason dagiti babbai ken lallaki. Basbassit dagiti nangibaga iti rasonda a "Naidiaya kaniak ti kuarta tapno aramidek daytoy," "Maasianak iti dayta a tao," "Kayatko a dusaen ti bagik," ken dagiti dadduma, "Nakipinnustaak ngamin.”

Ngem ad-adda ti siddaaw ni Meston ti dandani agpada a pagrasonan dagiti lallaki ken babbai. Kuna ni Meston, "Kaay-ayo dagiti lallaki ti maki-seks para iti pisikal a rason [kas koma no narigat a di pagustoan ti tao nga aggartem iti lasag] ken tapno dumur-as ti sosial a kasasaad dagitoy [kas koma no ipalastogda kadagiti gagayyemda a kabaelanna ti maki-seks iti maysa a babai iti damo a pannakakitana]. Awan ti makuna a pudno a pagdiperensiaan no kasano nga iparikna ken maibilang nga emosional a rason, kas ti "Kayatko a marikna dayta a tao no kasano nga ay-ayatek."

"Maysa nga stereotype ti lalaki a maki-seks para laeng iti pisikal a rason ken kadagiti babbai a maki-seks gapu ti ayat- pinaneknekan iti panagadalmi a saanna a suportaran dayta a rason," inlawlawag ni Meston. "Ngem ag-seks dagiti agtutubo a babbai ken lallaki gapu iti pisikal a ragsak ken kasta met para iti emosional a panaginnasideg ti rikna a konektado iti tunggal maysa."

Kuna da Meston ken Buss nga iti panagadalda, naduktalan nga agsungangi dagiti stereotype [saan a kasisigud] a babbai kadagiti lallaki, iti panangaramat ti seks tapno magun-od ti maysa a pabor. Iti panagadal: ad-adda nga iyendorso dagiti lallaki ti pakaaramatan ti seks [Dumawat ti pabor iti sabali].

Kuna ni Leonor Tiefer, maysa a sex therapist ken psychologist iti New York University School of Medicine, a dagiti naduktalan a panagsukisok ket saan nga isu ti direkta a sungbatna "Why Humans Have Sex," kas paulo ti artikulo a mainaig iti pannakiseks. "Isut' gapuna a makiseks dagiti Texans nge estudiante," kunana.

Nupay kasta kunana, "nasken unay daytoy a pagsasaritaan tapno maammuan ti gandat ken no agsusungani dagiti nadakamat a rason."

*10 a kangrunaan a rason dagiti lallaki a maki-seks:

1. Naawis ti riknak iti dayta a tao.

2. Naragsak ti riknak.

3. Kayatko a maekspiriensa ti pisikal a ragsak.

4. Pagkakatawaan.

5. Kayatko nga iparikna ti panagayatko iti dayta a tao.

6. Nagargariak/rugso isu a kayatko a mabulosan dayta a rikna.

7. Nasulisogak.

8. Kayatko nga isao/ibutaktak ti panagayatko iti dayta a tao.

9. Kayatko a magun-od ti alimpatok/nalabes a ragsak.

10. Kayatko a pagustoan ti partnerko.

*10 a kangrunaan a rason dagiti babbai a maki-seks:

1. Naawis ti riknak iti dayta a tao.

2. Kayatko a maekspiriensa ti pisikal a ragsak.

3. Naragsak ti riknak.

4. Kayatko nga iparikna ti panagayatko iti dayta a tao.

5. Kayatko nga isao/ibutaktak ti panagayatko iti dayta a tao.

6. Nagargariak/rugso isu a kayatko a mabulosan ti riknak.

7. Nasulisogak.

8. Pagkakatawaan.

9. Mautob/maamirisko nga agayatak.

10. Addaak iti kangitingitan ken kapudot ti rugso iti dayta a kanito.

*Kababaan a ranggo a rason dagiti lallaki a maki-seks:

1. Kayatko nga iwaras ti sakit iti sabali [kas iti sexually transmitted disease].

2. Naidiaya kaniak ti kuarta tapno aramidek.

3. Kayatko a maingato ti sueldok.

4. Maysa a paset ti initiation rite iti simrekak nga organisasion/grupo.

5. Kasapulak ti trabaho.

*Kababaan a ranggo a rason dagiti babbai a maki-seks:

1. Inikkannak dayta a tao iti maipawil a droga tapno aramidek.

2. Kayatko nga iwaras ti sakit iti sabali [kas iti sexually transmitted disease].

3. Kayatko a dusaen ti bagik.

4. Kayatko ti makiwinnaswas iti nakirelasionak.

5. Kasapulak ti trabaho.*

.

.

.

.

.

NO MAARAMAT TI SEX A KAS PAGIBALES, WENNO ITAL-O TI PERSONAL NGA INTERES, KEN MABALIN PAY A PAGAGAS ITI SAKIT TI ULO

Ni Rudy Ram. Rumbaoa

salunatkenmedisina.blogspot.com

[Nabulod ti ladawan a nausar]

MAITANTAN PANAGSARDENG TI PANAGREGLA [MENOPAUSIA] NO REGULAR WENNO TAGINAYONEN A MAKINAIG TI BABAI ITI ASAWANA

MAITANTAN wenno maibaybayag [delay] kano panagsardeng ti panagregla dagiti babbai a makinaig iti nasursurok ngem maysa a beses iti uneg ti maysa a bulan. Kastoy man panangilawlawag dagiti OB-GYNS [wenno OB- obstetrics/obstetrician ken GYN- gynecology/gynecologist]:

Iti kaudian a panagadal a naipablaak iti Royal Society Open Science, naamiris dagiti datos manipud kadagiti 2,936 a napili ken nakipaset a babbai iti Study of Women's Health Across the Nation [panagadal kadagiti babbai a nayuswat iti intero nga Estado Unidos]. Naduktalan dagiti nagsukisok a dagiti babbai a makinaig iti linawas ti 28% ti pagbabaan ti tsansa a maitantan panagsardeng ti panagregla[da] no maikumpera kadagiti babbai a makinaig laeng iti maminsan ti makabulan.

"Naobserbaranmi nga iti agdama a literatura ti menopausia, adda panagdur-as wenno panagbaliw a maekspiriensa dagiti babbai a naasawaan ti pannakaitantan [delay] panagsardeng ti panagregla--a nakasdaawanmi," kuna ni Megan Arnot, author ti nangidaulo iti panagadal ken kandidata ti PhD evolutionary anthropology iti University College London. "Awan ti adu a tao a nangpadas a nangilawlawag iti asosasion wenno koneksionna, ken ipagarupko a nalabit maysa daytoy a sungbat ti proseso ti panangibagay iti masansan/kanayon a panagnaig isut' gapuna a nagdesisionkami a masubok [ma-testing] no adda kinaagpaysuananna.

Ngem agurayka, ania aya ngamin ti menopausia [panagsardeng ti panagregla]?

Normal a parte iti biag ti menopausia kadagiti mangrugin a mataengan. Espesipiko ken partikular a kayatna a sawen nga itudo ti tiempo iti dose a bulan kalpasan ti maudi a panagbinulan ti babai, segun ti National Institute on Aging [NIA]. Bayat ti menopausal transition [aka perimenopause], dagiti tawen a sumagpat iti panagsardeng ti panagregla, maekspiriensa ti babai ti panagbaliw ti panagbinulanna-- apagdarikmat a pannakarikna ti bara, agbaliwbaliw ti karirikna ken sabsabali pay a simtomas gapu ta bumassit ti mapartuat ti bagi nga estrogen. Ti promedio a tawen ti babai iti Estados Unidos no agsardeng ti panagregla[na] ket edad 51.

Apay nga iyad-adu wenno kanayonen ti makinaig [makiyot, agpayot] tapno laeng maitantan panagsardeng ti panagregla kadagiti babbai a mangrugin a mataengan?

Saan a dinakiwas ti panagadal daytoy, ngem adda sumagmamano a teoria a maidatag ni Arnot. "Nalabit," kunana, "Dagiti babbai nga adda iti situasion sakbay ti menopausia [perimenopausal] ti saan a magargari a makinaig-- awan gartemna a makiinnala wenno makituon. Ngem innayonna, "Mabalin pay a nabalanse a nagun-od panagsisinnukat iti nagbaetan ti kalikaguman dagitoy dua ngem di agbinnagay iti agtultuloy nga ovulasion wenno panagtultuloy a proseso ti panagitlog ken panagsardengna."

Iti sabali a pannao, no saanka [ti babai] a makinaig, dika agsikog. Iti punto ni Arnot kunana, "bassit ti tsansa a mamentenar ti agtultuloy a panagtrabaho ti panagitlog."

Kasapulan ti ovulasion ti adu nga enerhia manipud iti bagi, iti kasta bumaba ti protektado a pakausaran[na]. "Ngarud adda iti maysa a babai no kasano nga imaneho nga iturong ti biagna-- no nasaysayaat para kenkuana nga isardengna ti panag-ovulasion [proseso ti panagitlog] ken agsapul laengen iti sabali a pakakumikoman ti oras ken tiempo no dina met la plano ti aganak [gapu ta dina kayat ti makinaig]."

Kasapulan kadi ngarud ti ad-adu pay a pannakinaig tapno laeng agsardeng ti regla?

Saan a nasken. Kuna ni Ruth Mace, maysa kadagiti author iti panagadal ken propesor ti evolutionary anthropology iti University College London nga adda koneksionna-- ngem saanna kayat a sawen nga adda pammaneknek no makinaig[ka] iti edad a kuarenta ken singkuenta, itantanna ti panagsardeng ti panagregla.

"Saantay' a kontrolado ti nalawlawa a sakupen dagitoy nagduduma a rason a kas iti estrogen hormone levels, panagsigarilio ken BMI, ken dadduma pay a pakainaiganna, ngem saanna kayat a sawen ti seksual nga aksion wenno garaw ket nasisita unay nga intantanna ti menopausia," inlawlawagna.

"Agpayso ti pannakinaig [pannakiseks/makiyot/maiyot/makituon/makiinnala] ket baliwanna ti hormone levels. Wenno iti sabali pay a rason, addaan iti kapabilidad nga agbaliw ti situasion a kas kadagiti sabsabali pay nga hormone levels [wenno lebel/pangal ti hormona] nga awan iti datos," innayonna.

Ngem kuna ni Mary Jane Minkin, MD, clinical professor ti obstetrics ken gynecology and reproductive sciences iti Yale University Medical School [a saan a karaman iti panagadal], "dakkel a panagduadua ti bayolohikal a regular ti pannakinaig a mangiduron nga agsubli iti panagsardeng ti regla. Para kaniak ti kapintasan a korelasion ket ti pakasaritaan ti pamilia--no ti ina ken kabsat a babbai ket no nagsardeng ti panagregla[da] iti naladladaw ngem ti ekspektaren nga edad. Mabalin nga adda met pakainaiganna dayta kadagiti sumarsaruno a kaputotan," inlawlawagna.

Nupay kasta kuna ni Dr. Minkin, adda met pakainaigan no ti babai ket mapadasanna ti naladladaw a menopausia gapu ta ad-adda a komportable ti panagriknana no makinaig iti tiempo a madlawna nga ag-menopausia.

"Siempre, mabalin met nga iti dayta a tiempo, adu pay la ti estrogen [estrogena] iti lawlaw tapno agtalinaed ti mabagbagi [uki] a komportable ken elastiko. Ngem panagkunak, ad-adu latta dagiti babbai nga addan iti postmenopausal a saanen a makabael a makinaig gapu iti kinamaga ken kinasakit ti mabagbagi[da]/uki[da]," kunana pay.

"Ngem ad-adda nga iti menopausia ti rason ngem ti genetiko [siensia ti panagtawid a bayolohikal]," kuna met ti punto ni Christine Greeves, MD, maysa met la nga ob-gyn iti Winnie Palmer Hospital for Woman and Babies iti Orlando, Florida [ken saan met a nakipaset iti panagadal]. "Saan a gapu ta nagsardeng panagregla ti maysa nga ina iti nasapa wenno naladaw nga edad, saanna kayat a sawen a masurot ti tugotna. "Adu pay ti mabalin nga adalen ken duktalen maipanggep iti menopausia ken mamatiak nga amin dagitoy ket posible a maaramid."

"Makatulong a mangikabassit iti sakit/ut-ot no regular a makinaig bayat ti perimenopausal ken menopausal period gapu ta maluktan ti mabagbagi [uki] ti babai," innayonna. "Ken no patinayon a regular a makinaig, in-inut a mapukaw ti ut-ot ken ti di agbayag, adda ganas a marikna," inggibusna.

.

.

.

.

.

.

MAITANTAN PANAGSARDENG TI PANAGREGLA [MENOPAUSIA] NO REGULAR WENNO TAGINAYONEN A MAKINAIG TI BABAI ITI ASAWANA

salunatkenmedisina.blogspot.com

[nabulod ti ladawan a nausar]

Ania, uray ti agong ammona no adda alzheimer's-mo?

Iti panagadal: "Ti nakapuy a pangawatan ti panagangot

ti agong ti maibilang nga umuna a senial iti kaadda

ti sakit."

--

TI narigat a panangilasin ti agong iti maangotna

kadagiti nagduduma a bambanag kas iti lemon, saba,

ken cinnamon ti maipagarup nga umuna a senial

ti kaadda iti Alzheimer's Disease. Nairakurak iti maysa

a panagadal a naawagan ti "Scratch-and-Sniff Test,"

maysa a pagsubok a mangitudo ti panunot/utek

ti tao no daytoy ket addaanen iti umuna a tukad

ti "brain disorder."

Importante kadagiti sientista ti naisayangkat

a pagsubok ta babaen ti daytoy, maammuan ti wagas

a mangipababa wenno mamagsardeng iti Alzheimer's

ken ti pannakapukaw ti memoria iti panunot-

no karaman daytoy ti nasao a sakit. Iti agdama,

awan pay naduktalan nga agas wenno makaagas

iti daytoy nga an-anayen ti nasurok lima milion nga Amerikano.

Nabayagen nga ammo dagiti agsuksukimat wenno

agad-adal a ti "microscopic lesions" ket

maikonsidera wenno maibilang nga immuna a nagparang

ti Alzheimer's iti paset ti utek nga importante

iti biang ti "pangawatan ti panagangot ti agong,"

wenno sense of smelling.

"Dakkel ti pakainaigan iti straktaktura ti anatomia

ti panagangot. Wen, pudno daytoy," kuna ni Robert Franks,

maysa nga eksperto iti Odor Perception and the Brain

ti University of Cincinnati. Nupay saan a karaman

iti kaudian a panagadal ni Franks, nagparang daytoy

idi mairakurak ti nasao a resulta ti panagadal idiay

Archive's of General Psychiatry.

Inlawlawag ni Franks a dagiti dadduma a naisayangkat

a panagadal itay kallabes, dakkel ti pakainaigan

ti pannapukaw ti panagangot iti Alzheimer's- ngem naaramid

daytoy kadagiti nasalun-at a tattao, lima a tawenen

ti nalapabas. Nasubok dagiti tattao babaen

iti "olfactory powers tapno dagitoy ti surotenda

nga aramiden." Kunana, mannarimaan ti pannakasubok

dagiti napili a tattao para iti baro a "panangsubok

ti panagkapsut ti panunot."

Iti nasao a panagadal, nairaman ditoy ti 600 a tattao

nga agtawen iti nagbaetan ti 54 ken 100, tapno

mapagsaludsodan ken pagdiperensiaenda dagiti pamiliar

nga angot a kas iti: lasona, sibuyas, lemon,

cinnamon, black pepper, tsokolate, sabong ti rose,

saba, pinya, sabon, paint thinner, gasolina ken asuk.

Ket iti tunggal angot, mangngegan ken makita ti uppat

a pinili a sungbat dagiti tattao. Kagudua

kadagiti tattao ti nangikalintegan ti pinilida a sungbat,

ket maysa laeng ti nagmintisanda. Kagudua met kadagitoy

ti makaammo ti siam a sungbat iti sangapulo ket

dua a saludsod. Kadagiti kababaan ti naala a grado

dagiti tao iti kagudua ti sibubukel a napagsaludsodan

ti nakaala ti husto a sungbat ken angot iti walo a klase

a banag ti angot.

Adda 21 a topiko a naisayangkat a pagsubok ti cognitive

iti tinawen para ti lima a sumaruno a tawen. Agarup

apagkatlo kadagiti tattao a nakaisayangkatan ti

pagsubok ti timmaudan ti pannakariribuk iti

memoria ken panagpanunot.

Makuna a dagiti tao a nagkamali wenno nagbiddut

iti uppat a pagsubok ti panangot, 50 a porsiento

ti manamnama a pagtaudan daytoy a problema ngem kadagiti

tattao nga awan ti kamali/nagbiddutanda. Naammuan

a dagiti marigatan a mamagdiperensia kadagiti nagduduma

nga angot ti karaman iti nangato a bilang ken pagdur-asan

ti "mild cognitive impairment to Alzheimer's Disease."

Nailista dagiti nagan, tawen, kinatao, edukasion ken

pakasaritaan iti atake ti puso ken panagsigarilio/

panagtabako dagiti nairaman a tattao iti pagsubok-

ket naduktalan a nababa latta ti naala a grado

dagitoy, ket manamnama a dakkel ti tsansada

a mairisgo iti "cognitive decline."

Kuna ti lead author Robert Wilson ti Chicago Rush

University Medical Center, "Ti in-inut a pannakapukaw

ti pangawatan ti panagangot ket saan a maigapu iti riribuk

gapu ti buteng [panic]." Inlawlawagna a "saan a gapu ta

di naperpekto ti maysa a tao ti gradona iti dayta a pagsubok,

ngem nagdaliasat ketdi ti tao iti makuna a cognitive problems."

"Dagusen koma dagiti nataengan a tattao ti mangipakaammo

kadagiti doktorda no mapukaw ti pangawatan ti panangotda,"

kuna ni Claire Murphy, maysa a mangad-adal ti maipanggep

iti Alzheimer's iti San Diego State University, ken saan

a karaman kadagiti nakipagsukisok. Inlawlawagna a

ti mabalin a problema ket maipuon iti impeksion ti polyp

iti agong, wenno impeksion ti sinuses. "No lakayen/baketen

ti maysa a tao ken addaan iti nasayaat a pangawatan ti

panagangot, napintas a senial," kuna ni Murphy.

Ti nasao a panagadal ket pinundoan ti National Institute

on Aging [NIA] and the Illinois Department of Public Health.*

.

.

.

.

.

ANIA, URAY TI AGONG AMMONA NO ADDA ALZHEIMER'S-MO?

Rudy Ram. Rumbaoa

salunatkenmedisna.blogspot.com

[nabulod ti ladawan a nausar]

Ammuen Pay Daytoy...

Dagiti benepisio nga itden iti agsida ti marunggay

salunatkenmedisina.blogspot.com

[nabulod ti ladawan a nausar]

 

Mayat kano no kanayonen ti makinaig, dayta ti duktal siensia.

 

ammuen pay daytoy, ne.

--

No kano ad-adu ken kanayonen ti makinaig [agyot/mangyot, paiyot, agpaiyot], malapdan/maprebentaran ti pannakaatake iti puso, dayta ket duktal ti siensia.

Malaksid laeng ti panagkatawa [agtakawa], mairaman pay ti seks a kas maysa kadagiti naturalesa nga agas [medisina] ti tao...

--

HAVING MORE SEX PREVENTS HEART ATTACK, ACCORDING TO SCIENCE

by Zeynep Yenisey

WE already know that having sex not only feels spectacular, but it's ridiculous good for the health, too. It boosts your immune system, protects from certain cancers, relieves stress, improves mood, and helps sleep better.

And now, thanks to a new study, we also know that it protects you from heart attack and keeps your ticker in tip-top shape, so clearly, sex truly is a win-win activity and definitely nature's best medicine.

For the study, researchers tracked 1,165 men between the ages of 40 and 70 for an average of 16 years, and analized their health history in order to understand the relationship between sexual activity and cardiovascular health.

The reaserch discovered that the men who had the most sex had the lowest risk of developing cardiovascular disease, and to get more specifics, those who had sex two to three times per week were 45 percent less to have heart problems than those who only got it on once a month.

This study is particularly noteworthy because the researchers took factors

like overall health, blood pressure, and whether the men were smokers or not into consideration, and the results still proved that sex alone is a factor powerful enough to reduce the risk of heart disease.

Sex researcher Dr. Justin Lehmiller says that "there seems to something unique about sexual activity when it comes to heart health."

Lehmiller believes that the reason why sex is so good for hearth health is because it's a form of exercise, but more importantly because it's a powerful stress reliever, which is always a good thing.

A seperate study conducted at Princeton University found that having sex every day results in cell growth in the hippocampus-- the area of your brain responsible in part for keeping stress levels in check-- which means you'll feel less stressed out.

Furthermore, researchers discovered in a different study that who had sex daily for just two weeks had lower blood pressure than those who were chaste. And lower blood pressure means a lower risk of heart disease.

So, with that said, let's all make an effort to have more sex. You know, for health reasons.

.

.

.

.

.

salunatkenmedisina.blogspot.com]

No Apay a Parugsoen ti Aroma ti Riknatayo?

 

Ited ti rosas ti ayamuom ni ayat, nadisenio a panggargari iti maysa nga agayat.

Iti agdama, agtultuloy ti rosas a kas maysa kadagiti kangrunaan ken napateg a sabong. Ti rosas ket maysa nga aprodisiak iti adu a rason. Umuna, iladawanna ti kinasensualna. Maikadua, addaan iti evocative properties. Ibatina iti memoria iti kina-erotika. Ken ti rosas ket emotional aphrodisiac a mangital-o ti rikna a pagimbagan ken ragsak- gapu ta addaan iti phenyl ethanol, ken narkotiko. Ikabassitna ti anxiety a konektado iti seks ken makatulong a pagagas iti kina-inutil wenno marigatan ti lalaki a mangriing ti mabagbagina gapu iti rason nga emosion.

Dadduma nga usarna: lang-aben nga agas iti sakit ti ulo, dipresion, emotional shoch, wenno liday. Ti rose oil ket mailaok iti base oil a maipakat a pagagas iti eczema, taramidong, namaga ken congested pores.

--

NO APAY A PARUGSOEN TI AROMA TI RIKNATAYO?

NAGBALIN a pakaseknantayo ti auxillary sense of smell ken ti sexual messages nga ibaklay/idanon ti pheromones. Kasano ngay ti kangrunaan a pagawatan ti pagangot? Mariing wenno parugsoen kadi ti bangbanglo ken angot ti bagi ti seksualidadtayo? Makatulong kadi daytoy a mangted iti napintas a rikna para iti romansa?

Tapno adda sungbat ken ebidensia, pasiarentayo man ti multi-billion dollar nga industria ti bangbanglo. Kasta metten a kitaentayo ti sientipiko nga ebidensia no adda man. Daytoy maibasar no kasano nga awaten ti agong ti panagangot a konektado iti utek.

Makaparugso kadi ti Aroma?

Kadagiti lima a pagawatan, ti laeng pagawatan ti panagangot ti saan a dumalan iti cerebral cortex- ti makuna a "pannakonsensia" wenno "panunot" a parte ti utek. Ti agong awatenna ti angot a maidirekta iti limbi center, parte ti utek a mangtengngel iti sex drive-tayo, emosion, ken sensual a memoria. No ti maangot ken parugsuen, riingen wenno gargariennatayo, kalbitenna ti emosion, wenno riribukenna ti memoria, ket ti konsensiatayo ket saannan a matengngel iti isungbatayo.

Kas pagarigan, no maipugso wenno maipuyot ti sandalwood, maysa a bangbanglo a kanayon a kasla naikawesen iti tao a ditayo paggugusto. Iti dayta met la a kanito, supringen ti pagayatantayo, ket maipalagip dayta a tao kadatayo. Ket ti memoria itugotna dayta nga emosion a kannayonna ti tao. Pagammuam mariknatayo ti panagpungtot, sutilen wenno singasingaen, wenno madiprestayo a ditayo ammo ti makagapu. Ket gapu iti dayta a pagteng, awatentayo ti di mailawlawag a ditayo ammo manipud iti dayta a tao. Dayta nga angot ket agnanayonen a konektado iti negatibo nga emosion iti limbic brain.

Ti Aromatherapy

-ibutaktakna ti bileg ti phyto [mula] chemicals ken ipakitana kadatayo no kasano ti panakaaramat ti aromatic oils ti mula iti nagduduma a wagas ken usarna.

-tapno parugsuen/pasiglaten wenno pabang-aren/palag-anenna ti bagi.

-tapno mariing/parugsuen/gargarienna ti naulimek nga emosion.

-tapno ital-ona ti rikna.

-tapno baliwan/pabaruenna ti estado ti panunot.

-tapno padur-asenna psychic ken espiritual a kaammuan.

-tapno partuatenna ti ania man nga aromatic ambiance nga intay tarigagayan.

Kas met la iti herbal, ti aroma ken aromatic plant oils ket mabalin a pasiglatenna ti seks iti dua a wagas: umuna, babaen iti direktiba a gargarienna ti bagi; ken maikadua, babaen iti panangitedna ti itatal-o ti emosion a kondusib iti pannakinaig.

Dagiti esensial a lana ket masansan a maaramat kas inhalants, wenno mailaokda iti base oils [kas iti grapeseed wenno almond], ken pagmasahe iti kudil.

Dagitoy ti liklikan:

-saan nga iyasideg ti esensial a lana iti asideg dagiti mata.

-kanayon a gamporan ti lana sakbay nga ipakat iti bagi ta makairitar daytoy iti kudil.

-no agdadagsenka wenno addaan iti sensitibo a kudil wenno alergi, pagadalan a naimbag ti maipapan ti lana sakbay a padasen.

-gapu ta lunagenna ti latex, saan ngarud a maaramat daytoy iti kondom a pagpagalis. Makairitar pay ti esensial a lana iti mucous membranes.

Dagiti Erotika a Bangbanglo/Angot a Mangparugso/Mangpasiglat iti Bagi

Ti Ambergris, cinnamon bun ken dadduma a food aromas, jasmine, musk, neroli, patchouli, rose, sandalwood ken ylang-ylang ket natural nga erotika a bangbanglo wenno angot nga addaan iti pisikal [masansan a hormonal] nga epekto a mangpasiglat ti seks. Kaaduan kadagitoy ket adda kannayonna nga emosional a benepisio.

Ambergris

Aroma: sweet, mild, pleasant earthy.

Iti Asia, naaramat ti ambergris a kas aprodisiak. Naawagan iti lung sien hiang, "dragon spittle perfume." Addaan daytoy iti naisangsangayan nga angot. Nangina ti bayad ti ambergris. Maaramat daytoy iti napino a bangbanglo tapno agbayag ken soften floral frangrances. Ti angot ti ambergris ket agtalinaed iti kudil iti sumagmamano nga aldaw uray pay ulit-uliten a buggoan ti danum. Ti maysa a katedted iti panid ti libro, ti banglo daytoy ket agtalinaed iti kuarenta a tawen. Nabileg pay daytoy a kas aprodisiak no ipauneg.

Magatang laeng ti ambergris iti synthetic form. Malako kas fragrant oil babaen dagiti manufaktoria ti aromatherapy products ken addaan ti ingridiente iti adu a wagas ti floral perfumes.

Cinnamon Bun

Aroma: warm, pleasant, sweet, spicy

Segun ken ni Dr. Alan R.Hirsch, maysa a neurologist ti Smell and Taste Treatment and Research Foundation of Chicago, ti dalan nga agturong iti puso ti lalaki ket babaen iti tian daytoy- via ti aroma a taraon. Kuna ni Hirsch iti panagsukisokna, ti aromas kas iti angot ti cinnamon buns ket sexual stimulating ken mausar a kas aprodisiak.

Iti nasao a pagsubok no apay a magargari dagiti lallaki, rinukod ni Hirsch ti epekto ti nagduduma nga angot iti dara nga agayus nga agturong iti boto wenno mabagbagi ti lalaki. Naaramat ti nagduduma a bangbanglo kas iti musk, rose, lily of the valley, lavander ken baby powder, kasta metten dagiti nagduduma nga aromas kas iti kalluto a cinnamon buns, pumpkin pie, pizza, karne ken popcorn. Ti resulta? Awan kadagitoy nga angot ti nangibaba wenno nangikabassit ti panagayus ti dara nga agturong iti boto. Nagipakita iti positibo nga epekto ti amin nga angot a nasubok, ngem adda sumagmamano a makagargari nga angot no ikumpara iti sabali. Bassit ti maited a panggargari ti cranberries ta agpatak a dua laeng a porsiento iti panagngato ti panagayus ti dara. Kas met iti aroma ti baby powder, parsley ken rosas- bassit ti iburayda a panggargari.

Dagiti karaman a nangato iti sensual scale ket ti pizza, doughnuts ken oranges. Dagiti tallo a kangatuan a kombinasion iti angot ket ti 1. pumpkin pie ken lavander 2. doughnuts ken licorice 3. pumpkin pie ken licorice. Nagipakita amin dagitoy iti panagngato ti panagayus ti dara iti boto.

-ti lavander ket kangrunaan a sexually stimulating scent para kadagiti lallaki nga addaan iti sexual partners a kanayon nga agusar iti bangbanglo.

-dagiti makarikna iti pannakapnek ti seks ti kangrunaan a gargarien ti banglo ti strawberries.

-ti vanilla ti kangrunaan a sexual stimulating scent para kadagiti nataenganen a lallaki.

-ti kangrunaan a makaited iti kinaaktibo ti seks kadagiti lallaki ket masarakan iti grupo ti angot ti lavander, cola ken oriental spice.

Jasmine

Aroma: exotic, intoxicating, full, rich, heavy, sweet.

Iti nagkauna a panawen, nagbalin nga intoxicating ti jasmine ket dinayawda daytoy kas nabileg nga aprodisiak iti agpada a lallaki ken babbai. Nadagsen ti angot ti jasmine, sensual ken nganngani kualidad ti animal a kaarngi iti musk ti epekto ti kina-aprodisiakna. Ti jasmine, nabilbileg nga amang daytoy ngem iti reyna, ti rosas. Makuna a napino ti banglona, floral ken masculine- ti epektona iti agpada a pisikal ken emosion.

Makuna a patangkenen ti jasmine ti mabagbagi ti lalaki. Ti aromatherapy, maaramat nga agas ti kina-inutil, low libido ken prostate problems.

Suberbo ta pasiglatenna ti emosion. Stimulant ken antidepressant, napateg ta ital-ona ti emosion iti seks. Dadduma nga usarna: jasmine oil, mailaok a para iti massage oil, maipakat kas agas iti namaga wenno sensitibo a kudil, taramidong ken pabaruenna ti agrakayan a kudil. Maaramat pay a mailaok ken maisapsapo iti muging ti ulo a mangpukaw iti sakit ti ulo.

Musk

Aroma: musky, dark, masculine, animal-like.

Maawagan pay iti bangbanglo ti seks, uniberso nga aprodisiak. Naadaw ti naganna iti Sanskrit a balikas ti ukel-ukel, ken natural a tipo a bangbanglo a produkto dagiti lallaki. Saan a maymaysa a bangbanglo ngem ketdi, termino para iti musky-type odors a produkto ti male hormones. Maaramat pay ti musk iti mula a pagatrakar iti pollinators kas iti musk melon, musk hyacinths, musk orchids, musk pears, musk seeds, muscatels ken musk rose.

Addaan ti lana ti musk iti male pheromone alpha-androsterol, a manggargrai babaen ti VNO kasta metten iti babaen ti pagawatan ti pagangot.

Neroli

Aroma: Fresh, floral, spiciy, refreshing, sweet.

Maysa daytoy a bangbalo ti sabong ti orange. Naadaw ti naganna iti 17th century Italian Princess of Neroli, Anna Maria de la Tremoille, a nangyam-ammo ti nasao a bangbanglo kenkuana iti Pransia. Ti sensual aroma ti orange blossom ket addaan ti aprodisiak manipud pay iti ancient times. Maysa daytoy a paggugusto a bangbanglo ni Cleopatra.

Makapainana, makapabang-ar ket ital-ona ti espiritu ti Neroli. Ipababana ti anxiety a konektado iti sex, self-confidence ken mild euphoria.

Nangina ti Neroli ta masapul a pataudem ti tinotonelada nga orange blossom tapno maparuar ti neroli oil. Dadduma nga usarna: maaramat kas inhalant wenno bath oil tapno mairidepka, para relaks ken agas ti agsagsagaba ken dipresion. Mailaok iti base oil kas ti grapeseed sweet almond, pagmasahe iti kudil ken padur-asenna ti sirkulasion.

Patchouli

Aroma: Animal-like, musky, pungent, penetrating, persistent.

Naus-usaren ti pachouli a kas aprodisiak iti naglabas a siglo. Paborito a ramen para ti love potion ken addaan iti nabileg nga angot. Ruk-atan ti pachouli ti inhibitions ken gutigotenna dagiti agayan-ayat a mangibaga ti kasapulanda iti seks. Apektaranna pay ti pituary gland tapno pasiglatenna ti produksion ti hormones. Sumamay daytoy no pagayatan ti agpada a lovers.

Ti banglo ti pachouli ket padur-asenna ti tawen/edad kas iti mapreserba nga arak. Agabayag ti aroma iti kawes uray pay mamin-ano a malabaan. Dadduma nga usarna: Iti aromatherapy, maaramat kas inhalant a mangkalma ken antidepressant. Gubatenna ti kinalukmeg. Iti Asia, aramatenda daytoy a mangpapanaw kadagiti kulibangbang. Mailaok iti base oil, maipakat iti ruar a pagagas ti namaga, taramidong ken problema iti seborrhea, acne, ken dermatitis.

Rose

Aroma: sweet, floral, warm, intense, rich, evocative.

Nagbalin a napateg a sabong ti rosas gapu iti itdenna a banglo. Addan ti rosas kadagidi nagkauna a tiempo ken naaramat daytoy iti seremonia ti relihion ken magical ceremonies ken aprodisiak- nangruna kadagiti babbai. Nailasin daytoy a kas herb of Venus, ti planeta nga agturay iti sexual organs ken sexual love. Maaramat ti sabong ti rosas para iti kallaysa.

Ited ti rosas ti ayamuom ni ayat, nadisenio a panggargari iti maysa nga agayat.

Iti agdama, agtultuloy ti rosas a kas maysa kadagiti kangrunaan ken napateg a sabong. Ti rosas ket maysa nga aprodisiak iti adu a rason. Umuna, iladawanna ti kinasensualna. Maikadua, addaan iti evocative properties. Ibatina iti memoria iti kina-erotika. Ken ti rosas ket emotional aphrodisiac a mangital-o ti rikna a pagimbagan ken ragsak- gapu ta addaan iti phenyl ethanol, ken narkotiko. Ikabassitna ti anxiety a konektado iti seks ken makatulong a pagagas iti kina-inutil wenno marigatan ti lalaki a mangriing ti mabagbagina gapu iti rason nga emosion.

Dadduma nga usarna: lang-aben nga agas iti sakit ti ulo, dipresion, emotional shoch, wenno liday. Ti rose oil ket mailaok iti base oil a maipakat a pagagas iti eczema, taramidong, namaga ken congested pores.

Sandalwood

Aroma: musky, deep, woody, masculine, sweet, teancious.

Agang-angot daytoy kas alpha-androsterol, maysa a male pheromone nga adda iti ling-et ti lalaki. Tenglen ti sandalwood ti hormone ken epekto ti pituary gland.

Popular daytoy iti agpada a lallaki ken babbai. Agtrabaho ti banglona iti emosion ken iti bagi. Antidepressant ken partuatenna ti kaustoanna nga euphoria ken pagawatan ti pagimbagan. Pagagas iti inuntil.

Ylang-Ylnag

Aroma: extremely sweet, soft, floral, sensual.

Maysa nga aprodisiak gapu ti epektona iti emosion, nupay ti kina-aromana ket dina gargarien ti adrenal glands. Agtrabaho kas antidepressant. Pabang-arenna ti stress ken anxiety: mamagkalma iti emosion.

Ylang-ylang kayatna a sawen, "sabong dagiti sabong," gapu ta kayo ti sabong ket nasam-it, nadagsen ken sensual nga aroma. Dadduma nga usarna: lang-aben a pagagas iti insomnia wenno di pannakaturog, ibabana iti presion ti dara, ibannayatna ti alisto a panaganges ken pulso ti puso. No sobra a konsentrasion iti ylang-ylang, pataudenna ti panagsarua wenno sakit ti ulo.*

.

.

.

.

.

NO APAY A PARUGSOEN TI AROMA TI RIKNATAYO?

Rudy Ram. Rumbaoa

salunatkenmedisina.blogspot.com

[nabulod ti ladawan a nausar]